Ur ttafx a winu amr imik n w-awal
d yan w-ul irghan ix r aguis tssnfut imik
irgl n titt af rak neg ur sar nnix rmix
nmun i wmuddu n tudert s mk nna tnnit
Udem nnun taziri da y- ifawn x ignwan
tiddi adrar ittaggwan s uflla w-aman
azzar argan issa g is ar tama w-asif
awal aghlaghal agwns n tasa ssaffent
asmmaql usman x tuzzumt n tillas n w-ul
Tmmati ten guiti kigan nra tama nnun
issergm k ghmklli gix turrit tikurmin
Tflt i yyid ar ttaddumx tama n ukttay
tiwit iman tsdudatt ulinu yakuf
idri y-ilm n tfidi aggas ur imun
Abrid y-imiri tuzzumt n takat ay ann
ix ur ijder yaggug yat tissi w-aman
Isggwasen a nkk nduf winu nqqrx as
ur ufigh tasarut da y s itqqin ul ns
iqend tiflut s tagust lahi awal ns
alkuk urt ifl ma ghan ka sers n sawal
akwfaf yattuy i tiddi new ur illi man mek
ifli yid ar swengimx ur nn mattix
Isemg nek nra ad-t neg ay nna kkigh nsul
ackid a nmun gh tudert ma ssul ighaman
n kerz n mger n zwi zzit nsker talalit
i tayri nex a tflujju tili timitar
A winu rzmi yi taggurt as rwn sawlx
aragh ak tugga f ad is tiwit uln nx
arax ak ma s tudert is awentn fix
imarayn gat inagan n tirra tasutin
El Adaoui Lhanafi Agadir ass n 19/11/2008[center]
Accueil 
Dernières images 
Mer 13 Oct - 23:49
