Ticicitt d ujllabiy

Ur-d imik d ussan ad nekk nusi taghuyyit
neg azlaly x idikl nakwi s umawal

Nssermi uhuy d yuda ur isella yan
nssermi tiddi d igiwr tama n i zerfan

Nekka tasut nbidd ar ntteqel man mek
a yyissan ufgan s tiddi nx inna tella nit

Nbidd ndus i tagut kra kkix nsul
ur rzix ur mdudix awal nx ilul

Fanax imikk n tibbit f anttu y-awal
lsinax ajllabiy ula ticicit
nezdemd awal x igr n tillas n tasut
ar sers nsgan gh wi-d ay ran ann akwin

Timqqit n u zerf ad ur tqqis irafan
Is a ka fssint tuggwas n yan ihyyeln
is a ka s maghent miden ttun akw agharas
ikcem wuccen i ghi lli ju ur ikki ad-t awin

addur nex urt ig ix ar nettfi y atay
ula ghwix amhmaz ar ka n ttini wucc

Nttu ma nga zud izimmr ikessa kuyan
n felkwnt a tamagit nettu wi lli lah
nttu y-azerf nfel g is nffagh amawal

Agdud ad n uzemz ad ifaw akw i tillas
tangaddayt af ttazzaln askerf ay yakuf
ix ittut x uzlmad ifkasen s ufasiy
ur ra yanef ula ddudan tilleli ay ann
urrad ils ajllaby ula ticicit
ur ra yiney n3am a sidi amr i w-amur

Eladaoui Lhanafi casa ass n: 04/01/2009

Azul,

Tanemmirt a Mass Lhanafi f tiguriwin timeghnasin nek.
Ayyuz f tamedyazt ad irban ammak d unezgum, tasi asafu n ufrak d timmuzgha.
Tanemmit.