TirZi n usughl turu tamdyazt!

Mass L3arbi Mummuc ittwayssan gh igr n tskla Tamazight s usughl lligh d iDi adlis ns amzwaru “Amnukal mZZin” iDfr t inn “tiguDiwin n bariz” s “ ankaD d wallasn yaDn”, macc amara ngh mass Mummuc irZa anaw ad n tirra tizi lligh isti ad yara tamdyazt iml agh mas-d awd ntta iga amdyaz illan gh uswir.
tirZi ad n wanaw n tirra, zgh asughl ar tamdyazt tbbi abuD i yat twckint tamaynut mi nit isti ism n “TirZi” tg ilmma adlis ns wis kkuZ gh igr n tskla Tamazight.
Adlis ad iffagh-d gh tZrigin n usinag agldan IRCAM, imun gh 120 n tasna ittyara s uskkil n tfinagh d ulatin, ibDu f sin igwzman issagh asn: “Adlis amzwaru” d “Adlis wis sin” ilint gis 35 n tmdyazt gisnt mad ighzzifn ula mad igzzuln, ttyarant s tgharast tartart lli ur kkrfn isqquln iqburn.
S umdya yucka-d gh tgzzumt mi ssagh “Tfugla”:

Tiwrrit d
Imun d waTTar d wass
tamZ trcjt ijddign
rZmn ifassn I tzzwa
ar tmHllaln ifrawn
skrn aHwac d urarn

Tagharast n mass Mummuc tmmim, iwlafn ns aDfuTn ar d ssan gh tussna tamaDlant mayann ur d fllas izza acku asughl zgh tutlayin yaDnin s tmazight iga nit anzgum ns lli f ibikks tuggas ns afad ad isbughlu igr n tskla Tamazight .


Tawlaft n udlis ad n mass l3arbi rad s t tin tafm gh :tirrawal.canalblog.com

Azul aytma d Istma,

Ayyuz i Mass L3erbi Moumouch f Udlis nes amaynu lli ra-d izujjeg takafut negh tamazight.
Ayyuz i Lalla Aziza f ineghmisen idelsanen lli-d tawi.
Ayyuz i tasekla tamazight.

Tanemmirt.
Ar timlilit...igh-t inna Bab n igenwan.