Tunes : Asif n tegrawla yusi Ben εli

Seg tizi g immut Muhemmad Buεzizi (26 n useggas) mmi-s n Sidi Buzid, ad ingi w-asif n tegrawla tagherfant g Tunes. Fghen-d irgazen d tmettuḍtin, imeqranen d imeẓyanen s iswak n igherman d teghermin n "Tunes Tazegzawt", rẓan tigusin n tekessaḍ d fsin tiglulin ikerfen ilsiwen nsen uggar n snat temrawin n iseggasen. Ur sul ira ugherf Atunsi utci d tewuri, iṛmi tikerkas n Ben εli d ira ad inghubu uzemz nes amallas.
Irwel unebbaḍ asennaraf g tillas n y-iḍ, ifel Tunes i y-idbab nes, acku iqan-d ad ireẓ uzenẓar n tifawt tillas mqar guten-t, d amek inna umedyaz atunsi axatar « Ig ira ugherf tudert…iqan-d ad ireẓ uskerf ».
Temḍel tegrawla tagherfant Tatunsit azemz n Ben εli, tessu tazemmurt n tilelli s idammen n w-arraw nes, tesidet tawargit n iḍgam, teg ass-a tillawt d terẓem igenwan n twargiwin s imal afalkay.