Aqqayn n TAMZGHA

aqqayn n TAMZGHA

gh uhbu nem a inna
agh nn anigh tiwwurga
tsaghyi fad, tsaghyi targiga
drigh d itran tiramt n tawda
tlligh s ugfay nem a inna
afgh tt inn idda izwa..!!
tlligh s tgchult, afgh tt inn tdda tenza..!!
rzam imi i timqqa n tusna
ad sun izuran tgada twanza
s tguri nem a inna
as rad ifaw uzkka
nttu tagudi n wiyya
nskar tifilit s wammakn n TAMZGHA
ad sar ur izwa ugfay ula ingid wasif n umtta
ad tflujju taddagt n tmagit gh urti n dada
ad yut wamud s izuran n tirugza
ad msasan idudan skarn tamghra
tgt a inna tislit n tirughda
s yan d sin ...d tZza
as rad nrrag aqqayn n TAMZGHA
ad nn ur darn gh tamda...!!

Azul ultma Fatima
Urnn tmatl tmdyazt!Tssusm tzil tfulki tmdyazt lli tgwrit gh tifilit sw aqqayn smrghanin n tmazgha!!!
Tanmmirt
Ayyuz nm

azul
tanmmirt nek bahra irghan f tiguriwin nek zilnin. aghbalu nek ah ad nswa tammimt d tadfi n wawal,
ak ihfd rebbi

Taqqayin zîlnin ayad a fatim !
mani gh tnt d tgwrit izd tayniwt negh dd targant ..? mk nna s iyi tnnnit rad am inigh mmimnt ,adfutnt , zrigh nn ukan g isnt ^zlim d ublzîz iflujjan d ughwrmi n innayr lli s d iqqan ad't tafit imal ig tabbayt w'abûd n twckint (recueil) nm ilkm agh d ngher t nhêdu t , ig tamatart n tagwmatt igh nmmaqqar ula akkw igh ur izêra yan negh yan !
Ayuz nem !

azul mass ouagrar,
tanmmirt nek bahra irghan f iwaliwn nek zilnin,susamn iyi bahra.aghwrmi lad ukan sars tllih ard yili gar ifasn inu h man ur yagugan.lad ngru aqqayn, yan s yan...ard gan mad nZzad,ad ingi umlu nmdi tammimt nes, tdrum didi tumert nes...
tanmmirt attas