TUMMENDA ( i ixef n ifis)

TUMMENDA



i ixef n ifis (tafraout)


tummenda...tanafalet...
tsbid akud x umadal
tmdel ussfan tsderf imal
tgwna yigenna d wakal
s ifili n tayri...umarg...
issid n ulawn
s usmarghi n w yuran
tfsi y iman
yilih ixfinu ger tiwurga
d tillawt

zrinet allen igwttan
ugint ad llfent i yudman
zund timelli n udfel
x wafa n idraren
awal nes zegh urti n ajig
n war asennan
allenes ill ihennan
tannaytnes tagudi n ijawwan
tifawt n usman

tummenda ...tanafalet...
ingaw fallam
illes inu agnaw
is yi trzzit gegh tifarray
n ufgan
is yi tjlit f ifxinu
gegh sul tazant
f wattan

tummenda ...tanafalet...
ahh! han azuzwu yan
ayhucen s wazar inu
ighawel isli udman
yut iggig tasanu
iggwet issid
sallagh i taghwyyit n iman
x ufessa n id
tsderf twda illes inu
: may gwuran?
mad sul igwuran?

nukez iz d izran f izran
ad ntannay
tifiras x udem n idraren
zmummegen allen i y ixef
n ifis ar allan
nmel i tudert tadsanegh
tawarraght
ihban s wattan
irban tayri n izran
ger tiwwurga d tillawt
tummenda...tanafalet.

tanirt

Azul ultma Tanirt n tafraout,

Tanmirt nm f temdiazt ad lli iyyi bahra issusman!!
Iwaliwn nm ghikli satn tarrat ar asn innurzem ul


nukez iz d izran f izran
ad ntannay
tifiras x udem n idraren
zmummegen allen i y ixef
n ifis ar allan
nmel i tudert tadsanegh
tawarraght
ihban s wattan

Tummenda yusin anufl ar ttals tagziwin ihban, tassast n wul illan h tkrrayt!
Ar ittu yan mad iga, ar ittu mad ira

yut iggig tasanu
iggwet issid
sallagh i taghwyyit n iman
x ufessa n id
tsderf twda illes inu
: may gwuran?
mad sul igwuran?


zrinet allen igwttan
ugint ad llfent i yudman


Ad nit tnnit teghzt akal temdêlt aters
Ad nit tnnit tssensit takat ns
Ard nit dah tfdadday
Ma rad issifsus f iman tazâyt ad
Tamukrist ur ilan afsay..


Tanmirt nm a ultma! [/color]

Tanmirt nm a ultam f tamdiyazt ad.
Urra dam nnigh a ultma tfulki tmdyazt ad, urrad am inigh ayyuz nm, urrad am inigh bsahtkem, urrad am inigh , urrad inigh ….
Ajj iyyi a ultma , ad ghergh tamdiyazt, alsgh as dagh, alsgh as, annit mDîgh tâdtfi n tguriwin zîlnin.
Ajji iyyi a ultma, hann ur iyyid sim yagh htta adam inigh ayuz nm.

Chuuuuut !! ad as dagh alsegh ….

Azul izuzwan ijan s tujut n tghensit
Ultma tanirt
Gwma itrinit
Gwma zalhoud

Ummergh attas ligh kcemgh s wagur ad ,achku ufigh gis ayetma imedyazn ,igh ghwran taguri mdint ,ssen man id tkka d mani tra !!ghkelli dari iga adur ameqran ad didun drugh tannayin d iswingimn !
Tanemmirt nun f mad akw tnam f tmadyazt ad ,

Tanemmirt
Ult matun (war assagh)