Afniq n ikwtayen

Afniq n ikwtayen





Kri gat ass, adfir n kri gat tin-wudec , igh tmerkes tifawt n uzal d tillas n id !! ig udem n umadal am afgan ur iffaw ur illas !


Wakud-an agh truzumegh afniq n ikwtayen, af-ad ad dagh ghwregh timedyazin nek i ifdi n tkelit, ! zund igh gant arra n wakuc ameqran ! gant tiguriwin nek zund ussfan inu tyurant s tayri d tawngimet d usmmami s ughanim n wattan g ufessa ineqqan,jaj adan n tagerst !! hsigh t ent asekkil s usekkil !


Awd tawckint n wajig amellal tasus teg tiferray ,tagur d tujut nes g tiwlafin negh tilli nsker g tamdint n iselm d ideqqi g uzur an yagugn g abergemmi n ill li yagh ibdan d tmazirt n tiderfiyt.


Gigan n ikwtayen ad yi tfelt, smunght en g ufniq ad af-ad ad ten ur snazwanet timzawiyyin n tudert!! Mac gantiyyi isekraf ur ufigh ad semuqulgh tudert zegh titt n tummert d unaruz g imal !! mad tufit igak wafud ger ifawsens ifliyyi g umadal ad ull ussuf war tayri war asemun ?!


Ksudegh ad jdergh ikwtayn ad ,ifughd wagu zegh takat yales i taddart f tallast negh f ullawn negh f tawwargit negh ityagalen ger afudnk d tudertinu ijlan ger ussfan n igdam !!!


Ksudgh ad t en mdelgh ,irgagi wakal isemghi ajig an amellal g tifrawins uffurngh itawmdaln !! awd ill ur igi agnaw !! mani sers en righ ?


Rad t gegh ger ifasn inu sagwmegh agellid n wafud ad yi lkem yasi iman inu ar dark g umadal an anemmar ,agwren igwtayn negh d tallast negh ighudan ger isekkiln g udlis n ittay !!!!


reqia touw
le : 05/06/2008

tamedint n isel d ideqqi

azul ultma
ur dari mad am ttinigh;
igh am nnigh ayyuz, ur sengh is igum nighd uhu.
tanmirt nm a ultma

azul warassagh

ifulki mayad lliturit, is ka nnigh mani kullu dagh kan ghwilli bdda ittinin taskla negh ur tga yat add ackin an zrin s waln ns mammu zdarn imazighn,
tanmirt d ayuz nm

azul izuzwan
gwmanu zalhoud
gwmanu itrinit
gwmanu amawas
ultma tanirt n umadal

tanemmirt attas f iwaliwn nun bahra ghudanin, kri gat yan gigengh g ugensens attas n ikwtayn, wid fulkinin d wid igh ten nkwti ar agh snunufn !!!

tanemmirt ayetma d ultma

gh umzwaru tanirt makh lligh nn t-git s pseudo "war assagh" ati tlit darngh assagh mqqorn tamghuri n watig nnem,atig nnem izdi d tirra d usenflul nnem ,llid yusin gh iman nnem idran isenduduyn ulawn,thDit kigan d iwaliwn d ismummuyn,mach nZDar nkwni n inaZurn akkm n syafa !han tli-t darngh assagh !

azul gwmanu anazur (anejjar)

tanemmirt f awalnk ifulkin !! hati (war-assagh) s ikhfens iga (assagh) ,araght s tadssa s ull amellal, ur gis gigh may herchn !!!

tanemmirt gwma !!!