Net -an afgan …

Net an afgan …



Tahel tassa nu
S attan
Urun aghwzen
Akrwal
Ighers I yigdad
N urtan
Isur f ajig
Amellal
Mad sul yagwrn
Gh ufgan
Igh gis nghan
Afgan ?!

Tlkem tuzzalt
Ixess
Ilkem immmigh
Afa ns
Annelli d ull
Ur ngaddan
Ur ju ngaddan
Nghal is iffaw
Umadal
Is d afra af
Kkaten iwdan
Ahhinu f ull anafal
D ibadan ur
Ngaran
ur ju ngaran !!

Adjat iyi ka ad allagh
F annaz inu
Aberkan
F uzemz war ikwlan
Adjat iyi ad trkazgh
F uzawan n iberrayn
Ad tirirgh
Allesgh I yitran
F ufgan s ssa
N udmawn…
Net an d igdam
Tallest inudan
Net an d imal
Tawwargit ijlan
Net an d ussfan
Tadawit irzan
Net an afgan
Ur iffaw
Ur illas
Tin wudc ad
Immerwas….


reqia touw
tanirt
ass n :04/09/2008
assfi

azul tamdiyazt negh.
tanmmirt nm f tamdyzt ad.
afgan a ultma ghmkad ad gan, kul DDur man udm d yusi, annit tennit ukwzeghtin, sight issenfl ilsd wayyad.

Ur iffaw
Ur illas
Tin wudc ad
Immerwas….

tanmirt a ultma
ayyuz nm

azul amedyazngh
azul gwma itrinit

tanemmirt f iwaliwn nun ghudanin !!

rad kolo takwzet mad illan g umadal ad amer ikhef n ufgan !!!
tanemmirt nun

très beau poéme oultma war assagh, hati afgan ichqa at tfhemt a oultma.