Ar kem tirigh….

Ar kem tirigh….


Yah ar kem tirigh ,mac ur d s tammimt ghkelli s tga tayri !!
Surfiyyi igh fallam sighzifgh illsinu , ssidrusgh azerkki ,allegh allninu inigham a tamarayt inu; ar kem tirigh s tgudi s wattan s takat ur inessan ! ar kem tirigh ay ligh ar tssufusgh f tisit ligh tannayt aghenbub nem irkan s izengign n tarwanm !
Adj kem ka ,ad ur tnatalt udm nem a taghwzent iccan tarwans, adjt ka ,hati nhsa tifras ns ,nmyar tillas ns!

Zegh akud lighkem iffagh (afgan arumi) ad tkkit ar ka tsanfalt udmawn ,awd yan gisn izil gim,s uzegzl ,achku ur gin winm !
Meqqar ar tssigut ikwlan I timelsit nm tamaynut,tmzazelt d izenzarn afad ad bedda smerghin tittawin nem, gh annelli nu d ull inu ur tgit amer baghrar ,nemmagh ad fellas nekk ad fellas ndus ,afad ad ndwuy zegh ides ngh izdayn.
Meqqar tsnudit gar ikwtayn g udlis n igdam, trzemt tifert tamellalt d ufgan ad aderghal ,tzmumgt g udmens idehcern s tugt n tiwqqasin nem d txendallast nem ;tut ad as trart izerfan liyas tkkist ,tut ad as trart ussfan liyas tjlit jaj n iswgasn n urwass d rssas d titt n tillas !!

Meqqar ilkem igenzi nem akal ,tlleght idukan n unafal ger iwdan ad ,ttert asurf ,gin imettawn nem isaffan n inzarn s tgarzawt , s tgallit ur kem tamangh,ur kem sighwzingh ,ur fallam trgagi tasanw , achku aberray ngh yugr amsyafanm s tgarzawt ,iggut f umettanm,mayad ighkm tgwraz s tidt !!
G urti yad zegh akud ligh nga asghar ,ad kkan ar agh swan s tayrinm ,imik ad am ntzalla,imik ad tget akuc ngh !nswam iman negh ,nfkam azerkki , ar beda ntirir s tayrinm ,ar kem bedda nsimghur ,meqqar tmazzit attas , tufkem tmucca !
Ar ntimghur ar tighzifn ibbacxalnm ,ar ntakwz tidt n tagziwin nem ,taferka adfir n tayad!!nasus ur ta nfluja g tasfut n tuder ad ,nasus s timzawiyyin !
Rad am llefgh ,rakm zrigh felghkem ad tjiwwit d ussemmid!!

Mac ur akm tugh rad kem bedda kwtigh innas ddigh d innagh lligh g kri gat akud ,s ghkellikm tirigh s tgudi s wattan s takat ur inessan ,ad akw ur tsanfalt udmawn ,ur ju d ur ssar netu aghenbub nem abercan !!


reqia touw
tanirt
ass n :01/09/2008
assfi

azul ultma.
artt kullu nttiri s ghmkan achku Lggêmn agh akwfay ns gh mzzi, kkisn agh sis tibbit.
is helli azenkd igh issum tikzint, rad bdda ig azenkd ur sar iga aydi, nekwni nssumt, ntelf nra akkullu nttagh.
tanmmirt nm a ultma

azul amedyazngh ameqran zalhoud
azul gwmanu i3ezzan itrinit

ar kw bahra snimmirgh f tannayt nun ighudan !!

ur ad nini amer tillawt amer tidt ,ur ad nengi d wasif n ikerkas li dis ingi agdudad !!

tanemmirt nun