tallast ad n gma tengh zalhoud, tskti iyyid, as lli zwarn lligh ghwligh s ugadir uflla.
ass ann, mzzigh sul, nmun nkkin d baba.
lligh bidgh gh (w)afa n udrar, yut iyyid uzuzwu n ill llighd issutl i funty,
tsself imikk an n tagut i udm inw,
t7ellil iyyi tafukt s uzenzar,
skern iyyi aman n marur tikerkaD i izri.
Biddgh,
ar temnidgh afttas gh taman iDarn inw,
ighrruba mzziyn aylligh lan ghanchk n tmuchut n khalti ,
igharasn zund isura n waman, khrin kullu tamdint ugadir,
timubilin igh azzigizent zund akhechtur ikht usin waman,
imma yadlli midden ghanchek n tuTfin, urak bayenn, ha tend igh ftan, hatend ighd uDan.
3erchegh,
rzemgh i idmarn inw,
suffgh turin inw s wadu izddign,
chunDgh mnnawt tikkal, nnigh ikut menchk ad ligh.
igh rurgh asmma9l tafasit, rarght tazelmaT
igh ullgh izri tasawent, utgh sers akal.
nnigh matta ghemkad.
Gelbghn s baba, nnigh as: “baba! is attannayt midden menchk ad lan? Zund tutfin … Yat tbachilt arrad sersgh, mzigh sers funti d i7chach, 7ukkughn talbrjt d wakal “
Isma99l giti baba mchk, inna: “afgan aywi, ghmkan ad gan, akka ibidd f tfenza, gin nit dars midden tuTfin ”
Accueil 
Dernières images 
Lun 19 Mai - 20:41
