azzar azirar

azzar azirar



Ull tassa iman imsyafatn ghusnin d mad akw ifulkin gh ufgan yafud , inghat azemzad s gar tillay s tugt n izengign s tillas n ullawn d annaz abercan d unaruz irzan , mad sul yagurn gh ufgan igh gis
nghan afgan ??!!

Uragh sul is blbis iwdn igh ar izigiz gh id illasn , is agh itazzal , acku afgan d tillas gan yan ,am keyin , ar tallat ar tdessat gh yan akud , tqqent allnek tasit tuzzalt tute t sers wayyad gh tadawt , tmdelt ar fellas tsmittiwt , tinit : net an ad yi zwar inghan !!!
Zegh assef ligh tzugt tstit taggugt ,ad kkigh ar tqqelgh s assef yadnin ad gis irgagi ullnk ,ikwtid Is illa mad sers itqqeln !!.

Ssengh tssent ,man tasga gh urtingh agh imghi alili ,ad jiyi ka ad ak aragh tigwriwin ad zwanin zegh tummert d unaruz ,adjiyi ka han ur agh imnid yan, ur agh islla ufgan ,mar ad yakwz is keyyin ad mi taragh !!

Idd an ur irwas adan , gh tizi ligh ar tumalgh gh imal , itters agdid ar ikkat tiflwin n tirihit n uhanunw , rzemghas , ikchemd ar d itfirri s tummert,

inayi s wawal ihennan : zgh yat tmazirt yagugen agh fellam isawal d ixfens , ismun iswingimns yamez abrid n usigl ,ar serm itlli a mu azar azirar ,ar serm itlli ,ummer !!


Inighas s tummert : yah rad ummergh ,mach mazza igh iga awalnk am tiwurganu ??
Inayi s wawal idran : igh ur igi tidt ,geyyi taqqayt s azzar nm azirar !!


Inighas : nekkin hmelgh igdad, max ak negheh?


Inna : tagudinm ay neqqan igdad !!


Ifarii ,zegh ghakudan ,Ddergh tudert inu gh iwiz ,ar serk tqqelgh ,yah a win ull ,ur ju nghigh anaruz gh ugansinu , kerjgh tifras n udmenk gh timektit inu , lesghak aqacab gwnight s imsyafatn inu ,geghak assagh ukerght I agellid n izuraninu (amazigh) !! aragh gh igenwan s usmerghi n itran ,ar k tirigh ar afud !! ghwzangh ,righk aylligh fellak tgut tayrinu afudgh daw achenyl iswingimn nek merks nin d timyurin !!
Tennit rad akwrgh titrit rad tg tarragt n tamunt ngh, tennit rad gegh ayyis amellal li rad serm istara umadal tnnit may ggutn,mach is agh ka tinit ...

Ghezzifn ussfan ,tdrus tizdert, ur sul tmmim tayri , tga tikwssadin , ar tsutulgh I y ighmran n umadal inu uffur zund tanafalt ,illa igh skubergh gh taghwmert illasn siwngh allninu I tirihit n uhanunw ar tqqelgh ad zelmgh asklunk azirar ,illa igh chefgh gh ill n tiwurga ar dessagh, illa igh yi tdemml tadangiwt n tillawt ar allagh!!
, tmattelt a winu tmatelt attas !!

Ur jju ssengh is awd titratin ar allant igh ten ifel ayur ,aylligh ilkem id an illasn!
Id ligh nsti ad nara aneqqid igwran gh tallest ngh , akud ligh nqqen tayringh gh aghzu n ikwtayn , tasdadt ligh nsyafa aberray n tibdit , assef ligh neqqen tittawin nrzemt ent f umadal yadnin ,ur gis ndru tayri ur gis nmun !!

Sugh zegh aghwraf n tgudi d wattan , ur sul sfawgh amer tasga illasn gh umadal ad, ikchem agdid ,ar itfirri s tgudi ar yi tsutul ar itsutul , mlalligh,
inighas s tghuyyit : yuda gh timlullay , ad jiyi , fugh !!

Ur isawl ,itghi gh wazzarinu ar ikkat s tifrawins s ikhfens, , afad ad skergh tmi I yusfans , ar sers kkatgh ad felli yagug ,mach yugi , imik ider s wakal isutlas azzarinu , yah igayas sul taqqayt , inghat sul igellin !!

Inghat afad ad isfsus f ullinu anzgum nk , usigh tuzlin bbigh azzar afada d sul itga taqayt I yigdad n tayri !

Ull ay sawaln, ull lis tnnit ur illi ,immagh ay rar tadusins ,yinyak :
Zayd awinu ,fliyi gh umadala d ussuf war tayri war asmun , matrit ull irban anzgum , ma trit afgan itllin s tayri gh uzemz issudm tirzi !!


war assagh (tanirt n tafraout )

ayyyyyyyyyyyyyyyz nm ultma nu
tanmirt nm f iwaliwn ad mmimnin, zilnin
illa mad ittannay tayri aghar gh wazzar, illa mattin ittannayn gh ul d wanli.

usigh tuzlin bbigh azzar afada d sul itga taqayt I yigdad n tayri !
ajji azzar att ur tbbit, yan iran ad imt immt it, attid ur irar rbbi.

tanmirt a ultma

itrinit a écrit:

ayyyyyyyyyyyyyyyz nm ultma nu
tanmirt nm f iwaliwn ad mmimnin, zilnin
illa mad ittannay tayri aghar gh wazzar, illa mattin ittannayn gh ul d wanli.

usigh tuzlin bbigh azzar afada d sul itga taqayt I yigdad n tayri !
ajji azzar att ur tbbit, yan iran ad imt immt it, attid ur irar rbbi.

tanmirt a ultma

azul gwmanu i3ezan itrinit

tanemmirt f iwaliwnk fulkinin , f tannayt nk ighudan !!
azzar azirar iga (tighzi n tizdert ) ,iceqqa ad ismun kri gat yan tayrins d tizdert ,ur d kri gat yan !

tanemmirt nk gwmanu i3ezzan

Tanirt a écrit:

Tanmirt nm Tanirt neh

hann hra jju syafah d isfiwh ma trit at tinit s tawargit nm lli f iyyi tsawelt ghassli, tin ugdid d wazzar nm!!
azzar nm ur ingha agdid nna, irwas rad nit yadli imt s kra yadn, tayri nna h ggutent tillas, ur ann tkkis yat, ghar a tbidd nih akw tmmut..
Ajj h tudert nm anaruz mqqurn...tajjit azzar nm..

azul ultmanu tanirt n umadal

yah ultmanu ,awd nekkin ur ukzgh mas yi tnna tawargit ,ghawlgh bbigh azzar ,mach gh tillawt , bbigh tighzi n tizdert ,neghh anaruz gh ugansinu ,anaruz igat uugdidan !!

yaaaat tudert agh nzruy ,makh ad nsfaska s usfangh f wiyyad ??
igh tga tayri iskraf ar tneqqa iwdan ,sellawant igdad n tazuri !!