idêrfan n tirra

tis snat tawckinin n tmsmunt n awrir:

2- idêrfan n tirra: (gh 2008)
gis yat tzrawt n mass oussous f umarg d tmdyazt gh umiyn d tmitûlujit n imazighen, d idêrisen ittwayghran gh 2007, zund ijiwjiwn n ukunâd d ass lli s nnan n ayt âbayd d gar inbgi d fss n abdllah blilid d taqqurt d ugzzay n ulawn n hasan laâguir d tamghra n wayyur n lhusayn ajgoun d taba n udmin d unamir n muhmmad lm3nger d agadir d taddwarit n 3bd el3ziz blilid d tiggas d tagant n 3umar dârif d tmitar n tmmuzgha n lhmdani d taddagt n urgh n hmad amin d tajddigt inu n mbark bulgid d takat..tagat n 3aziza nafi3 d azêttâ n tafukt n amgrud d tiyyâd.

gwma zalhoud azul fllak, iderfan n tirra (sillons de l'ecriture) iga yan warra tssufght-id tmsmunt n awrir, ini wis sin acku amzwaru ism ns: aslal n tguriwin iga tadla n tmdyazin n mnnaw imdyazen, smunntnt gh yan warra, igh tghrit tabrat inu izwarn rad ak tssisfiw mayad, hatt id ulsgh as:

tamsmunt n awrir gh ugadir tmyar mnnaw isggwasen ayad ad tsnmiliy anmuggar n tmdyazt tamazight, ar gis ttmiqqirn mnnaw imdyazen n tsga ad n ugadir d sus (zund lm3nger d ayt âbayd d ukunad d lmnnani d laâguir hasan d abdel aziz blilid d hmad amin d tayyib amgrud d mbark bulgid d lhusayn ajgun d win tsgiwin yadên zund omar taws, sin isggwasen ad gguranin ar-d tssufugh tmsmunt awd timdyazin nna ittwayghran g inmuggarn ann gh idlisn, mkann as-d tssufgh snat tawckinin n tmdyazin ar ghilad:
1-aslal n tguriwin (g 2007):
gis idêrisen ittwayghran gh usggwas n 2006 zund ass lli righ d iwtta n ukunâd d amdlu n 3umar dârif d tafuyt d azayku n omar taws tayniwt n bulgid d illas ilsa tillas n ajgoun d uhêwac n tbukâdt n lm3nger d taghamt d tghrrabut n unsifâd n amgrud d tirrugza n juhadi lhusayn, d idûdân n waskaren n hassan laâguir, d afdiddi n ighed n buzandag d tayrrist n twngimt n muhmad oussous d tinghi n iman n afulay d tistghin n lmnnani d tiyyâd.
2- wis sin: iderfan n tirra