Inufen isnunufen

azul isetma ayetma

tamedyazt ed s ughanib n umghnas amedyaz anazur (BELAID RAMI AZWAW) :

Inufen isnunufen

Rix kem arid
Tirit iy uqqarid
Stix kem i wbrid
Tessmdit iy anekkid
Rix kem s tiddt
Tmedit iy tiggest
Rix kem ar adif
Terzzeft iy i wasif
Gix kem inn g tasa
Melix am tansa
Tsekrt gigi tadsa
Iggrud is ur nemsasa
Tilawt terka tgufsa!
Rix g wul nem ghas igett
Besmma, iman igiy tekkett
Ameknes g tama n gwmas
Tazit tega amesdul, tega aftas
Surfxam timidi n tikkelt
Ssudmx am igenzi ula tidikelt
Regi xam ijddigen d inufen
Tergt iy aggas, ig aters ar as senunufen!
Immullz udar ur sul iri amuddu
Allexf ittut, inegd g uduhdu
Nefern adlis, telkem tizi ad t nesnudu
Tawwargit meqqar ad tt ka nessndu
Akwfay nes igif, iga marur g unbdu!
Tamunt tega adar g uduku
Thiyyel uzwag, tbikes umuddu
Tafukt nes tghillef, idelt umedlu…

Belaid RAMI AZWAW, Anfa, 10 -08-2008

tanemmirt

azul agellid n imdyazn zalhoud !!

tanemmirt f awalnk iziln tnnit f tmedyazt n mass azwaw !
s twalanw ar as sirimgh tudert iziln , d tawada yughdn g ubrid ns , tghensa awd asenflul !!

tanemmirt

Tamedyazt i ssousmen lli ityaran s afus n tamazight negh iâzzan ayyuz nm f imourign ad foulkinin n
( BELAID RAMI AZWAW)
Tanemmirt nm f mad tarat
Taylalt :fleur: