tyura tallast ed s ughanib n mas belaid rami - azwaw ,zegh aswggas n 1996 .
Aebbu d wadu .. !
Aebbu iga yan argaz ahkkuc, tillawt en agh t ira wakuc , g tudert nes iga ahyyad , ur ghurs igellin taddart ula aferssad ,ar itkka aggwmmad s wayyad , iga amdakwl n tsukt d unzar ,tafukt d wadu ,tirghi d usemmid ,ijjawn g tudert ns anekkid ,iga ayda n trfufent ,aman g iumins ur lin timimt ula tisent .
Macc àebbu ar ka ydessa am igdam a massa ,midden marra ad imsasa ,mad ixcen ur gis illi ,tamarayt ns tgat tilelli ,netat k af izug ar itelli !
Aebbu assa-d yaghet kra ,agwnes ns gis aghejjaj n kra ,da yezzigiz ur akw issin mani ira, allen nes zund ig tent tsderghel tfenfera,ighesan nes ran tanekra ,asmun nes adu ilsa assad timelsit n timzawiyin , ar isnduduy azzar aberkan,ar ital taqeccabt tawraght,ar-tt isserkaz g igenna, ghikenna a yadu ! ghikenna !!!
Tittawin dufent aylli tra tasa, aghghad illa tura magh tin issensa . :cherry:
Immus dagh wadu ,àebbu yumzet uduhdu ,dghyya yili g wassif n umudu,inna d ixef nes : iqqand ad nessudu ! wacc ! g imezzagh isud as wadu , ahh a àebbu igh yad tgezzul tnudu !
-amghar : izd keyyin ad iskern tawaghit ad a àebbu ??!
-àebbu :uhuy a dda-yamghar, adu ayan adu.. !
-amghar : izd is txlit ? manik adu ula aggu ?!
-àebbu : yah adu ayan a dda-yamghar,acku nettan ad yullen taqeccabt taweraght !
-amghar : ahyud ad tgit a àebbu ! manik ad ak isaren ?
-àebbu : s uzakkak n wadun , zrigh kra ighudan bahra ,isenucceg tassa d ull-inu , azzelx sers zund ig yuzzel yan yagh afad s wanu.. !
-amghar : aywa,semd awal nek ,semd,qqar may -iseran ?
-àebbu : ma rad semdx a dda yamghar , tssent ukan may-saren hayyi g ger iffasen nek, tumez meyyi nekkin ,tadjim adu !
Igrawl ar yalla ,yumez agayyu ar isghuyyu ! 
-àebbu : amzat adu, hann ur-anbedu,awyat iyd bugadu ! seqs-ad adu,rix bugadu …
Ar desan miden s umetta , ar idessa umghar awd nettan ,inna yas :alvas:
-amghar : agacur ad tgit a àebbu , a tiferghi wwadu !!
Belaid rami – azwaw
Nuwanber : 2946/1996
Accueil 
Dernières images 
Dim 8 Fév - 16:56
