asdelfu n uzal

Asdelfu n uzal

Nluled gh usirw n tkwssâd
Bbin agh abûd
Neqqed i tghuyyit
Teg akw sigh tudert
Tikwssâd f tkwssâd
Smutteln agh ussan gh tayyughin n tillas
Jaj n imi
Agh agh imecekel yils
Imcekel it
Negh akw ittubbay yils nna ur izmern ad inna yuda!
Kerzen sigh
Mgern sigh
Sruten sigh
Asin irden d temzîn
Lligh nzuzzer imendi
Felen agh taffiwin n walim!
Ar nesdelfu zund adêrghal
Ar nsiggil abrid gh tillas nek ayazal
Neggammit!!..
Neghwli s udrar
Nefel asn azaghar
Allen as neksa akabâr
Aylligh tin swant tenzrufin n irafan
Neg afadad
Gh ugwnes n darengh lli ttin ikkan iga darengh
Namêz agayyu s ifassen
Ar neswingim gh imal negh
Ikut is rad gik nafi ayazal abrid negh?!.


Mohamed OUDMINE Ziri
Timulay ass n 31/01/2006

amdyaz ngh ziri, tsrgagi-t tiswin ngh s wawal ad nk igan iggig, yut gh ignna n ulawn ngh iffi-d ig anzâr, ig izillîd, ig tignaw.., gan-d izlan nk usman i igr n waggur ad, syafagh izuran n iman rad mmghin ddrn s wanaw n tirra ad izzigziwn asa n wasa n talla ngh, tanmirt nk!

mohamed oudmine ziri a écrit:

Asdelfu n uzal

Nluled gh usirw n tkwssâd
Bbin agh abûd
Neqqed i tghuyyit
Teg akw sigh tudert
Tikwssâd f tkwssâd
Smutteln agh ussan gh tayyughin n tillas
Jaj n imi
Agh agh imecekel yils
Imcekel it
Negh akw ittubbay yils nna ur izmern ad inna yuda!
Kerzen sigh
Mgern sigh
Sruten sigh
Asin irden d temzîn
Lligh nzuzzer imendi
Felen agh taffiwin n walim!
Ar nesdelfu zund adêrghal
Ar nsiggil abrid gh tillas nek ayazal
Neggammit!!..
Neghwli s udrar
Nefel asn azaghar
Allen as neksa akabâr
Aylligh tin swant tenzrufin n irafan
Neg afadad
Gh ugwnes n darengh lli ttin ikkan iga darengh
Namêz agayyu s ifassen
Ar neswingim gh imal negh
Ikut is rad gik nafi ayazal abrid negh?!.


Mohamed OUDMINE Ziri
Timulay ass n 31/01/2006

Gwma Mohamed Ziri Oudmine

Kiyyin d nekkin hann ikniwen nit ad nga a gwma lli ur turu immi;matengh tga tamedyazt tamazight angaz lli s agh turu as nettara ghed nekwni
Ar k snimmiregh f urin ad lli s tarat taskla tamazight ghjed nekkin gigh ixef inu gh ger ifassen inu ar swingimegh,nega aytmaten gh unezgum a gwma Mohamed macc nnan iamzighen iqburen:"Ur illi usenfu gh ddu usawen"
Ar timlilit
Tanemmirt
Ujjigh ak afulki d ufra d tumert gh tudert
Tawada ifsusen gh usenflul gh bahra ur illi ungaz!

Mohamed Oussous




Inscrit le : 18 Déc 2008
Messages : 28

Sujet: Re: asdelfu n uzal Sam 21 Fév - 0:02

--------------------------------------------------------------------------------

amdyaz ngh ziri, tsrgagi-t tiswin ngh s wawal ad nk igan iggig, yut gh ignna n ulawn ngh iffi-d ig anzâr, ig izillîd, ig tignaw.., gan-d izlan nk usman i igr n waggur ad, syafagh izuran n iman rad mmghin ddrn s wanaw n tirra ad izzigziwn asa n wasa n talla ngh, tanmirt nk!
------------------------------------------------------
azul ark bahra snimmiregh a mas med oussous f tguriwin lli turit f temdyazt n usdelfu n uzal .d issusem iyyi s tugt f ad tegt yan gh imdyazen mqqurenin lli d ittagwan s tansa yad lli issifsisen f tazayin n iman teg ula asatem lligh ad ttagwan imdyazen lli d giz imun s umadal

azul gwma ZIRI
nigh ndi isk swant taddangiwin n ifalan f tmdyazt macc tmlitiyi dagh mas tgit takat n ddu ighd ord tad itjdarn macc tad issrghan s tifawin tgn tanazart d uzal tg tafukt n wakal ayyuz nk
macc righ adak inigh igh turit kra ntmdyazt ghila ra bahra ifalki acku asmaql d tillawt n 2006 origi win 2009 tugt n tgharasin ad issenfln tuggt n twellafin ad igguran
ark bahra ssimghorgh

azul adelsan

azul gwma amedyaz ZIRI
awal immim tutlayt izdegn amsyafa ighusn zegh ull amellal ,jaj ugns iffawn ..ayuuuz nk gwmanu f tmedyazt ed nk bahra iziln ,meqqar t ghwran iwdan n tasut n imal ,rad ghaln is tyura gh wass nsen ,achku tduus tg i kri gat akud ;igdam ghassad imal ........

amedyaz meqqar tgut felas tawurins tsum akud ns ,mac ur sar t tsaggug f tmedyazt d usenflul !

ayuuuuuuz nk gwma

kolo yagh nssn masd tamdyazt ur tla akud sis izlin macc kuyyan dat yaqqra s tgharast s ira d akud gh ira d usyafa s ira .. igh nigh i gwmatngh odmin ad yara tin 2009 ackund nki ssngh masas nigh amdyaz ziri n 2006 ssnght bahra .. macc oggarns as ssngh ziri n 2009 .
igh ssfldgh i ziri ghila ora tinigh is illa kra ils ikerfn nghd issoutrn tabbayt macc ils n ziri d win tmazight kolo ifsa bdda s urarn ils da s diddin idrarn s tghyyit n tutlayt ns .. ur jjo nfs nkni imazighn mta nfss orad nghama ..
macc nga amadan n wawal n tutlayt n tmdyazt .. ukzghn bahra tugt tmdyazin gh ugns n ziri ackund ssnght irigh adiyyi ifk gh ghila ...
tamdyat ur jun tga kra n tghawsa s izedar yan adis ingara ikht yad imdi .. iqqand abdda gis itzzig kra mo izdar .. issndu ifkd tudit ...
tudit an an siggil gh gwmatngh ZIRI ntan iferk i mad righ at inigh
tanmirt nk
tssurftiyi

[quote="l
macc righ adak inigh igh turit kra ntmdyazt ghila ra bahra ifalki acku asmaql d tillawt n 2006 origi win 2009 tugt n tgharasin ad issenfln tuggt n twellafin ad igguran
ark bahra ssimghorgh / kolo yagh nssn masd tamdyazt ur tla akud sis izlin macc kuyyan dat yaqqra s tgharast s ira d akud gh ira d usyafa s ira .. igh nigh i gwmatngh odmin ad yara tin 2009 ackund nki ssngh masas nigh amdyaz ziri n 2006 ssnght bahra .. macc oggarns as ssngh ziri n 2009 .
[/quote]

mass almananni !
tamedyazt ur tssen akud d iwtan ,tderf am aylal gh igenwan , tigwriwins attan negh-d tumert gwnant s umsyafa ,ghid uffurn n tmedyazt ,kri gat yan d manik as t ismuqqul !!!

maza ghwrigh tamdyazt ad n ziri ur zelmgh amzruyns ,rad ghalgh is tyura gh mad yazn igdam neghd assad !!

nekkin ghwrigh awalnk rargh fellas , s ayli yussi ger iskkilns ,ur ugelgh i tigwriwin i nu gar
avec attas n uzrkki mas almannani !

ultmak "afgan war assagh "

tanmirt bahra ultma war assagh f tazayt lli tusit afad ad gaddant twellafin ntmdyazt dar tuggt
tnnit tghrit tiguriwin ino i amdyaz ZIRI macc tuntilin tffaght gisnt nghd tabrat ort bahra tumzt tghzant g mad tnit ighzingh awd nki g mad nnigh macc ar itghama tabrat lli uzngh i ZIRI tdus bahra ntan sngh tizi nna ighra tiguriwin an rad fellati irar
ssurfiyi d tanmirt nm bahra

lmnnani abdellah a écrit:

tanmirt bahra ultma war assagh f tazayt lli tusit afad ad gaddant twellafin ntmdyazt dar tuggt
tnnit tghrit tiguriwin ino i amdyaz ZIRI macc tuntilin tffaght gisnt nghd tabrat ort bahra tumzt tghzant g mad tnit ighzingh awd nki g mad nnigh macc ar itghama tabrat lli uzngh i ZIRI tdus bahra ntan sngh tizi nna ighra tiguriwin an rad fellati irar
ssurfiyi d tanmirt nm bahra

Ur dari awd kran tazdayt d takziwin n gratun ,aggugegh attas f mayad !! igh felak irar ZIRI mayan ur dari gis amya ! igh nnigh tannayt inu gh kra ,ur agh tqqelgh ad felas raren !
L commentair li aragh f tamdyazt n ZIRI ighus ur gis nigh gar ,, d ur gis ldigh assaghnk ,achku ur t akw sengh !

Tanemmirt gwma ,ar akw ntighwzin ! is ka kri gat yan d manik as itighwzin !
Ar sirimgh ad beda falkayn iwaliwn !


fumiya

azul flak ayamdyaz amaghnass
ayouz ayouz nk f timdyaztad iziln

ayouz nk sterghak abrid ighudan gh ussnflul