kmi d nkki

kmi gh tnggift
zund tagdidt n tudert
yurun azal gh isddi n titt
idhikmid umtta zund adu
atssxsit aghiluf ulinw
trzftiyi f tarikt usnflul
s izuran iman
tgt arqqas umarg
d tadfi n tudert

kmi gh trzzift
ad izzan ajddig gh ix f inw
tgtiyi gh tadla n imdla
issfsiyi umarg
gagh anzar
tsut giti timqqa
tgt taslitinw

kmi gh targwa
asaru n tayri
igan andaf f turtit
gh sermgh tudert
tzzutiyi gh uraw
nili arraw
zund anir ssermi ignwa
iggzd s ikaln
yafd ahbunm

kmi gh tudert
taguri n tudert
ilman
tisura igharasn
tatsa n tafukt
gh ddmin izaliwn
d insern gh tsmaqqlt iqburn
ssudunt wayyawn zund taghrrabut
gh taddangiwin izenzarn

kmi nit
ifili n lqdib ismunn aqqayn
zund ajddig ibiddn
f tfnza
ard tzri taylgi
ibndq uglzzzim
imun d trzzift
ifl izuran
irzm ifassn
aysmun ulawn f tarikt usnflul
muddun gh tudert

ark bahra snimirgh f tguriwin ad a amddakl
accbar n tmdyazt sul ar gis ntlmad
mamnk s nzda tigdifin nurgh s ifalan n tutlayt
tanmirt nk dagh

tanmirtnk bahra a gwma
f tguriwin nk
sul nlla gh uccbar