Tamurt n Aorabistan tarragt i Kra igan amaziv

Tamurt n Aorabistan



[color=blue]Ur d sul tvama Dihya…ula Adimun ;
izzi n umzruy av tnin ttun.
Tyagasn imnayn, tvrsm i isan ;
tssefsim takuba v inkan,
tgim tamazirt d tin imerdhan.
Yan yut ufus ns max ad allan !
Nnan,urta d uckan,
ihidhar ad tlssam tilim v ifran ;
mtad ur Driss sar tgam afgan !
ilmd awn taverma,isku awn iverman !
Appint a Rbbi vadd ibadhan ?

Tamzva tamurt s tin ikkan,
zv Siwa ar Mazagan,
tga vassa Aorabistan ;
smdn uzur ns izakarn
ur n bidden ar Oadan.
Tzzenzim istitun i imqran
n tiqbilin n Saoudistan,
ad t lmadn tabbayt n uffan,
ar tmmerzm i iblis s izran,
tizi d tssutlm i uzru asggan
zv Kazablanka ar Lubnan,
ara aqaridh hak agalidh ad illan.
Kwnnin ismgan,nattni igldan
Yan yudheern amzruy ns acami ad allan ?

Iv sawlv,ufriv ad tgit as nnan,
giv zv tmazirt n Andarustan .
Kyyin a ayazid udank imddezan ;
nettni Rbbi ad ak tn iran ,
yuzen tnid zv Andalusstan,
ad k sgerfn agundarustan.
S ukkus utn tiswit f umggerd nk a amadan
ar ssukufn timiwa i wazzan,
ad irwisn iwtalan,
ad buhn uccan.
Zund Ollal,zund Lmhdi,zund Aherdhan ;
qqar a anfgu,tnvubum a ayt Baomrann
tzward Vazza kra illan !
ntteni idamn izerwaln ad ittazzaln v izuran
kwnni wid idhlan.
Tawja n Obbas d idhulan,
Ur tnid sik yav a Rif, Sus ula Zayan ;
ku tamddit,atay ad siwn ssan.
Idh ar idh ar d iktti amadan,
ad ur yili kra n wacc v undarustan
iffi asn aman.
Ifasiwn ruccen awn ibzdhan ;
is nniv managu rad tssusm isasan ?