KRA !

Kra !

Uḍengh …
Mit ?!
Syafagh tikeṛkaḍ!
Ur jju nn ghemka tamegh
Tamimt g waṭṭan !
Uḍengh ul inu,
Tasa nu,
Ixf inu d ixsan
Syafagh tirghi
Akrram…
D kra yaḍn !
Immi nu, mad iyi yaghn ?!
Argaln ẓeḍayn
Agẓeḍn ifssus !
Ghalgh …
Zund gawergh s ubddad!
Ar ttmuddugh ger ill sggann
War aftas ,
War taḍḍangiwin
D urtan idl ujddig
Ar sucufegh g igheman ns
Yat g iyi tusi tujjut
Ssudugh tagwmart nnig itran
S ig ngeḍgh ar tallaght,
Lghigh..ar allagh!
Duygh ed ..
Ger isemḍal
Smmghinin icakan
Yan tn iccan ,
Zund nkki…
Inufl
Ttyagas tasa ns
Ar tsaddum iman ns,
Tefl t tufrayt
Tmun d tmeqqa
Ig afkka yuran !!

usam

Isaggn
14/04/2957

anabay a écrit:

Kra !

Uḍengh …
Mit ?!
Syafagh tikeṛkaḍ!
Ur jju nn ghemka tamegh
Tamimt g waṭṭan !
Uḍengh ul inu,
Tasa nu,
Ixf inu d ixsan
Syafagh tirghi
Akrram…
D kra yaḍn !
Immi nu, mad iyi yaghn ?!
Argaln ẓeḍayn
Agẓeḍn ifssus !
Ghalgh …
Zund gawergh s ubddad!
Ar ttmuddugh ger ill sggann
War aftas ,
War taḍḍangiwin
D urtan idl ujddig
Ar sucufegh g igheman ns
Yat g iyi tusi tujjut
Ssudugh tagwmart nnig itran
S ig ngeḍgh ar tallaght,
Lghigh..ar allagh!
Duygh ed ..
Ger isemḍal
Smmghinin icakan
Yan tn iccan ,
Zund nkki…
Inufl
Ttyagas tasa ns
Ar tsaddum iman ns,
Tefl t tufrayt
Tmun d tmeqqa
Ig afkka yuran !!

usam

Isaggn
14/04/2957

Azul Anabay

Remigh ad gemmigh ggammigh mad yufen amuddu gh tirra nek
Remigh ad ttiriregh urar n tafsut d uswuwwu n igdad ur annigh mad yufen urar ad nek lli issentin gh isemdal
Tanemmirt
Urta ddigh s dar timdelt n immi ghilad nit aa ak dagh ttinigh hann amuddu yad issusm bahra tasa nu lli ittuten s gigan dw attan nw aggas!
Gwmak zalhoud

azul gwma Zalhud !
ur akkw nnigh is illa mad yugrn tumert n yan yurun taguri, igher tt umdyaz s tawit, isslghi agZDn ns g wammagn ns, iqqn argaln tdder dis ! s tidt ur illi mad tt yutin !
tagwmat !

Azul Anabay
Urrigh d ad ak nnigh ann ur ttmatalt a gwma
Righ ad ak nnigh hann ssusemn iyi iwaliwen ad nek(Ahh mal ghusgh tghust ighus umadal!)
Gwmak Zalhoud :fleur: :fleur: :fleur:

azul imddukkal !
tanmmirt f tufrayt nnun,, zadd anabay ig nn akkw ibbi ila asnuruf; ma rad as nskr ?! iga anabay !!
"AHH mla ghusgh , tghut, ighus umaDal" tga tudit n "AHH mla.."/tamdyazt, llig tufam tamimt g tudit, rad awn urggh ad tmd'im aghu lli tt ifkan, is rad awn yimim ??

AHH mla...

Mad jju iZRan amksa
UmZn afus i ifis ?
MAd jju izznzan tasa ns
Gegh nkki wiss sin ?
Gigh afgan adrfi
Ghik ann ad d nlul
Akal inu, akal n uzrf
Ghd agh ar ttmyurgh !

Fk iyi yat tudrt
Yat tayri
Yan unaruz !
Fk iyi yat tjddigt
Yat tafukt
Yan uzmumg !
Mqqar iyi tfkit taduyt
Sa ignwan d ilaln
Ngh akkw tbgit akal
Ngh tlkmt tiddi n idrarn
Ur sar iyi tukrt ..
Ur sar iyi tgheZant ..
Nkki ur sar k umngh !
Maxx tassast inu
Tssimimt stt, timmrt ?
Snbiwgh tink s tgucrt
Ur tkwla g tiTT ngh !

Ack d,
Itti d ad nmun
G umalu n tufrayin
Imcacka d ul inu ...
D ul nk, nghin aTTan !
Sitg tamagit inu
All afus f tutlayt
Nkkin uhu, ur ar nqqagh
Tawssna nk d tmyurt !
Kiyyi afgan am nkki
Walu naHya gratnegh
Syah iyi ghemka gigh
Ur watsgh ad k snflgh
Ddu d ad nçZZu taflast
TnbaD tlelli gratngh !
Tilelli nu ad ghemugh ussan
S ikwlan lli stigh
Tilelli nk, ad tgt kiyin
Ghemk nna lli trit !!

AHH !!
Mla ghusgh,
Teghust,
IGHus umaDal !!

usam

isagn
06/09/2958