Id Amellal ( tarezzift i Abdellah Lmennani )

Id Amellal

Tarezzift i Abdellah Lmennani



Id gh ur ign yan
Id amellal irwasen azal
Gh iga w ayyur tafukt
Gin itran tigurwin
Ig igenna adghar n tirra
Gint tirra tin urin
Gin urin asaru d ingin ghw ul
Ig ul aghbalu izdgen
Id amellal
Id ann ad igan ig
Id n tiddet
Ids
Ar akkw timdelt issunfu yan
Slawent akkw igh yusi anezgum
Illuz isker gis zund ubbic n ughrum
Akud
Ar akkw azekka
Ar akkw afal
Teqqd isk gh tasukt
Igherman gh teghra tawukt
Ig magh iswingim yan
Yan igan anafal
Yan ilan afekka
Yan yusin aqqeryan
Amedyaz iga inigi
F mad ur zerin wiyyad
S lagh
Nettan d uheyyad
Negh aydi id ar ittagh
Igh genn aytmas
Izer kra n tifawt
Izelm kra n tilawt
Macc terwas ikerkas
Zund aman n marur
Tega tin iggi
Tega tin iniren
Igh inna izera
Nnan inufel igellin


Zalhoud

Salut ultma Tanirt
Seules les nuits blanche où l'on n'a pas fermé l'oeil comptent car dites immaculées et pures donc vécues pleinement!
Merci pour ce très bon et très beau commentaire!
Amitiés
Farid :fleur: :fleur: :fleur:

Azul Abdellah Elmennani
Hati tamedyazt ad ar serk tteqqel ' yiren ayad ghilad!
Igfh a fgwma trit ad sett tegmit terart fellas !
Gwmak zalhoud

PS: hati maselay urt igi yan ka iffalen timedyazin nes ghid ar itteqqel mad fellas ittraran!
Amedyaz ad t igan d yan igemmin tirra n midden yadnin issar didsen

Zalhoud

azul amddakl akhatar
righ ghar adak inigh han amdyaz ad tgit tssnt tarragin is atnt ur nttamz zund s ufus zund ijddign ar tnt nkddu ar d qqurnt .. macc tarragin n tmdyazin lant darngh atig mqqurn , ackun-d gan-t asyafa ar tmunant d idammn ard sbughlunt gint tamdyazt yadni ...
lligh fllak ur rurgh ackund ssimghurghk, llighiyi tstit adiyi trgt tamdyazt ur sul zdargh ad fllas ttrargh ard-st hlli nttu nghagh tut gh ixf .. macc han tlla dari ngr timdyazin lli urigh tili gratsnt addur mqqurn yugrt-nt.
ssurfiyyi mass zalhod ur myargh tagharast n isuyas ad ttrargh f tmdyazin, macc ar tnt mttigh gagh tnt d isni f uggayunu ...
ar-k bahra snimirgh f tmktit nk . ark ssimghurgh f tmdyazt mqqart nnigh s ul inu d idamn inu 2000000000000 n twalt macc irwas urkin gis tlkm mqqard yat .
s ghikan tanmirt nk a amdyaz ngh mqqurn

gwmak lmennani

Azul amdyaz Abdllah

Tanmmirt f iwaliwn nk zilnin zlinin s trzzift inu tamdyazt;issusm iyi mad fllas tnnit ar ssirimgh ad tngd tudrt nk gh ubughlu d tayafut d tumrt

Gwmak zalhoud

PS: Hann umzgh adlis nk tadla nk n tmdyazin "Uraw n umtta" ghrigh gis timdyazin zilnin ttyranin s yat tgharast bahra ifulkin;ayyuz nk
:fleur:

azul gwma zalhod righ ad ak inigh massd iwaliwn nkk fkanniyi addur bahra iggutn
ssutrgh ad iligh gh usir iyyi trit gh mad yuchkan gh twwuriin inu ula tin imdyazn kullutn
tanmirt nk taklit yadn

Azul gwma Lmnnani

Tanmmirt
Hann umzgh adlis nk,tawckint n tmdyazin nk "Uraw n umtta"
gmigh gis mad ur ttugh d mad jmkgh zund gh tuzunt n ijjign tammut n tutlayt tamazight ,awal iddrn zund "Ajjgal" ghw afa n udrar
Ayyuz nk
Ar ak ssirimgh tawada ifsusn idusn iziln gh ubrid n tayafut d usnflul n taskla tamazight slawnt tamdyazt
Tanmmirt
Ujjigh ak afulki d ufra d tumrt gh tudrt
Gwmak yan gh tizzwa n udrar Zalhoud :fleur: