Tasudemt tabercant

Tasudemt tabercant



Azz imi-nes ak tefsi
S tsudemt tabercant
Tmerkes s tgudi…tagat…
Takat ur inessan
Azz-t han ur tgi taghwzent
A y agdud-nes ighudan
A tasut n isemgan


Ur tgi "tihiya" yurun
Gh tagant
Tsudem tirzi tsalla
Akal
Ur tgi "lalla mira" tagelidt
N ikucar
Tsudem "ass-fi" teg tiremt
I y iselman
Ur tgi "benazir" tadusi
N idurar
Tsudem taghensa…tenazwa
Tg tiferray
D ur ju tgi "xarbuca" isduhdun
Ibarazen
Tad yugeln I lqayd àissa
Tifilut n uzawar
Tsudem afna…imdelt ger
Ighwrban
Issdu fallasen


Azz-t a y iggig iselhassan
Han ur tgit amer tuget
N iwdan
Mmaghen ad ka ccin…
Swin…fessan
Tzulm s usnuhyu…tghwmam
Tdallit I warraw
Kra gh tiwurga yudas
Baghrar
Kra gh tillawt imger
Arwass
Awd tad iserkan tifert ad
Tamellalt
ur tgi amer tafgant sghwrant
ussfan
ad teg afna…tazit
d umadal
ur tgi amer gar anufel
askluns aghanib
abercan
ur tssen ikwlan
ur tmyar igwtan


azz-t ay amadal n
iskrad
ad temdit tasudemt
tabercant.

reqia touw ( tanirt)
ass fi

azul izuzwan ijan s wadu n tghensit d ajjig amellal

tanemmirt agellid n imedyazen f iwaliwn nek ghudanin ,iga dari addur ameqran ak susment timedyazin inu!!ghkelli ummergh attas ligh nufa madagh itawsen s wawal ifulkin g umezwaru n ubrid negh!!!
tanemmirt aselmad ngh ameqran

ult mak tanirt (tafraout/assfi)

Azz imi-nes ak tefsi
S tsudemt tabercant
Tmerkes s tgudi…tagat…
Takat ur inessan
Azz-t han ur tgi taghwzent


tanmirt nm a ultma f tmdiyazt ad ifulkin, yussin tugt n wammakn. iqqand annit igawr yan s tmdiyazt ad ar gis ifern iwaliwn dranin.

ayyuz nm.

itrinit a écrit:

Azz imi-nes ak tefsi
S tsudemt tabercant
Tmerkes s tgudi…tagat…
Takat ur inessan
Azz-t han ur tgi taghwzent


tanmirt nm a ultma f tmdiyazt ad ifulkin, yussin tugt n wammakn. iqqand annit igawr yan s tmdiyazt ad ar gis ifern iwaliwn dranin.

ayyuz nm.

azul izuzwan gwma itrinit


Tanemmirt attas uma f tigwriwin ghudanin tennit f tmadyazt inu (tasudemt tabercant),ar ak sirimgh tighzi n tudert d attas n tumert


tanemmirt gwma

Merci pour ce très beau poème ultma war-assagh!!

azul ultma tanirt !
Di ed anzyum ann ijgugeln g ul nm, tstihelt abrkan d umellal arun am ikwlan !
terba tmdyazt nm taswingmt idran, tssdus tt twila s ttuska !
ayyuz ultma !

azul ultma titrit igenwan
azul gwma amedyaz anabay

tanemmirt aytma f iwaliwnun bahra fulkinin tnnam f tmedyazt ad ,

tanemmirt