Nker a illi
Ffi yi,
ssanf yi i
ungi d icfln.
Arm yi,
sgganti yi ;
nekk d tbninnizt,
ugmim izwarn,
ad n issulwu g tagut
imuddan
s izmaz ur ta d ilaln,
allant ayt-dari g tmvra ,
ikerkdh uzmumg d umttha ;
ul ityasasn s isasan da
yi tulm tbvaynust g tiwurga
tislit ur trsm,tllan sul g tulsa,
mkdhudint ulli, riyznt g twrga,
uccn ar isinsig, tili ar tsaysa.
Yals ils, ils timlsit n isli,
tnsr tslit i unzar, ur ta tlsi ;
inder igenna ; iggig ur imdudi,
Tthalb iskkel d yasi d tikni :
Qqant d tirra ad tzgr tayri !
Iv d tasa walli tra ad tsti,
max iz amrwas, is tga tili ?
Srmv anssam g usirm n unstim,
war ism,
urunt ayt-dari ttun as ism .
inxabbel idh d uzal i unlli
mmu ckiv
gr tissumga d tidet izugn,
addumv i izmaz d udhanin
ad gin imal,imil afudhn
d ugmim wis sa.
Asi yi
ut siti
bbi gigi tarwala
n utrum tzgr tawda,
nekk d Rbbi, Rbbi yan ad nga ;
assan km riv i tissumga
nekk d sim Rbbi i kra nra
zund igr,imsidnt tigwrsa ;
iv ur tmdudit tinit yuda ,
tawayya g ixf,sar tukzt a illi,
amadan min taslalt, igudi ;
tamagit,iv ur tdrfit,rad txsi ;
tawtmt ikerfn,mgal n tlilli ;
matti bbi iskraf i unlli
all awal, zund nekki aund kemmi
gar d unuhyu,jjun gan win Rbbi.
Abrid izgrar
ittut s isnnan
nekk dim ad tnsnfl s ijjign
nssut s tayri d unaruz
fkv g is tadla i ma’m
tstit tawckin i wan tra tasa nm
ugmim igguran
nker a illi
Tuzunin Mars 2009
Accueil 
Dernières images 
Dim 1 Nov - 13:11
