tifras ufulki

titt nm aklulu n tfilla
yurun azal
insrd usmaqql nm gh izuran
n ul
ar igr gh uztta ns
tagdift n tayri
s ifalan n i idamnn
mta wargagh
taylgi
rad gis gagh
askkid
f ibidd wazzar nm
arudgh
ghtmlli n udm nm
ar d iyyi rzfn izenzarn
i taslit n unzar
s taytiwin ul
d ubrdak n taswin

imuzzar ufulki
jjawn chala gh umawal
udm nm
tizzwa ar tsinsigint
i tammnt d ingin d tmqqa n tazult nm
adrf nna tghza
issmghi ijddign
n tayri ilan tujjutin

had afulki ibidd
ihbbliyi ar taddumgh
zund tusdadin uzwag
tawllaft ariyyi ttay
tawargit gh unlli
ariyyi tsrum tamdyazt
ijujgn s tguriwin

ayour gh tmiwa nm
ar sufun
zund agdid gh twllaft
n udfl
ar skijjin s tumrt
abzzur da smmusn
ka s qqlgh adiyyin
yall
gh una n tuttut

ar ttaddumgh zund tusdadin
uzwag
ikrfiyyi ughanib d tdudin nm
ikrrjiyyi
amr taguri igdn
gh uslal n tmdyazt nm
tghrtiyyi
ilighn gh igran ugns nm
tahlgh tawargit
arugh tummrt

maf d iz iqqan ad taddumgh

Azul mass lmnnani, tifiras n usnflul ifulkin ayad.
ayyuz nk f tmdyazt ad.
tfulki bahra, ar tt aqragh, ttugh nn gis ixf inu! tssusmiyi kigan s wawal ns immimn i sfrurin tasa d tguriwin ns Zilnin lli d ffaghn gh ungha n ul.
ayyuuuuuuuuuuuuz nk.

tanmirt imass abdella lmnnani f isyafatn ligh agh izzug afulki ntguriwin ika fufulki ntifras tiwitagh ar adghar nussyafa tmltagh amdiaz li gik idrn mammu izdar tanmirt ftmdyazt ad izzziln kigan ayyyyyyyyyyyyyyyuz nk ayaglid ntguri

tanmirt agwma lmnnani f tamdyazt ad
arnn gis nttakwz tifiras n ufulki, tifras n tamdiyazt izdgn
ayyuuuuuuuz nk

lmnnani abdellah a écrit:

titt nm aklulu n tfilla
yurun azal
insrd usmaqql nm gh izuran
n ul
ar igr gh uztta ns
tagdift n tayri
s ifalan n i idamnn
mta wargagh
taylgi
rad gis gagh
askkid
f ibidd wazzar nm
arudgh
ghtmlli n udm nm
ar d iyyi rzfn izenzarn
i taslit n unzar
s taytiwin ul
d ubrdak n taswin

imuzzar ufulki
jjawn chala gh umawal
udm nm
tizzwa ar tsinsigint
i tammnt d ingin d tmqqa n tazult nm
adrf nna tghza
issmghi ijddign
n tayri ilan tujjutin

had afulki ibidd
ihbbliyi ar taddumgh
zund tusdadin uzwag
tawllaft ariyyi ttay
tawargit gh unlli
ariyyi tsrum tamdyazt
ijujgn s tguriwin

ayour gh tmiwa nm
ar sufun
zund agdid gh twllaft
n udfl
ar skijjin s tumrt
abzzur da smmusn
ka s qqlgh adiyyin
yall
gh una n tuttut

ar ttaddumgh zund tusdadin
uzwag
ikrfiyyi ughanib d tdudin nm
ikrrjiyyi
amr taguri igdn
gh uslal n tmdyazt nm
tghrtiyyi
ilighn gh igran ugns nm
tahlgh tawargit
arugh tummrt

maf d iz iqqan ad taddumgh

Azul adlsan amdyaz Abdllah

Ayyuz nk
Irghud i yan ittaran s ul ns ijmk tighallin n tayri ibdu tnt i yan ira!
Irghud iyan ilan tawargit yaru tumrt!
Tanmmirt
Gwmak Zalhoud