Awssar, slagh nttan d garru

Awssar

Tisuraf iselhilen...
Ur sul zerbent
Mdden ittidan
Willi tazzaln
Tasgansn….artn ittannay
Tisurafensen izerbn
Atid surufn
Zund igh ur illa
ur tizri yan
Wiyyad
Atid slayn
Sul Ininas, “ ssksa ..a ya wssar!!!”


Tisuraf islhilen
Ur iddi s mani
D kra n mani ur sers iqel

Zzayent fllas iberdanes
Zzenznas tighwrad
Minchk ghad izrin ad usin
Tyagaln izrins s attwan
Ur gisent illi amarg
zrint kraygat tghawsa
Zund tawargit
Ur gisent iqama abla aktay

Alnes ar smuqulent kra ygat umussu
Ar gisent ittisan mad hdan
D mad syafan
Izuz ad asen ittini
Mlad is tssnm a tarwanu
Ur illi maysahllan akw lhemman
D zerb an

Slagh nttan ar izzigiz
Gh ugharas n ikttayn
Minchk n anamk ar tagwant gh tifrasns
D uzenzaran idran
gh usmuqul n tudert izrin

Ur illi madas issfkan imttawn gh walnes
Uggar n ahchmiy imzziyn
Igha idssa
Igha itkhmmar
Aras akkan imttawn n umarg

Issrgha garuns
Idfer tisurafens
Ghiklli slhilent

Yan ufili n agwu
Dlnas aln
D ugharas mnadnes


www.tamghart.com

Azul Titritassa

Awssar slagh nttan d garru,tamyzt iziln,tin ifssi d ukttay,tin taddagt yusin arraw trzd tknud,tin yan uwssar izzrin mad ur zzrin iârrimn,tin urgaz lli mi yuf ad isawl d tabagha(garru) uladd ad isawl d ufgan!Awssar idfar aggu n garru zund akud lli izzruyn ur illi mad srs issksan amr yan srs ittutn!
Ayyuz nm
Ar timlilit
Gwmam Zalhoud

Merci frére Zelhoud pour ton commentaire, en faite j'ai tant cherché dans mes pensées un synonyme de la cigarette , garrou en amazigh, je crois que j'ai oublié ce mot jusqu'a que tu l'as ecris: tabagha.

ayyuz nek
Ar timlilit


www.tamghart.com