nnan willi zrinin

[b]-Yan wach aytilin gh ifollousn iffiyasn
-yan afous uragh ikkat rrwche
-Wanna ibbi ulgwmad ar-t issiwid iziker
-yan as ibbin aboud igas nnannas[/b]

Merci zalhoud f iwaliwn ad lli tarat , ar swflidh i le proverbe ad nk snagh lmiânan, walakin âlach agherda d ulwgmad ?

"Yan as iskern yan imi ad tid fellas iqqen rebbi"(agherda d ulgwmad)

Tanemmirt nk

taylalt a écrit:

Merci zalhoud f iwaliwn ad lli tarat , ar swflidh i le proverbe ad nk snagh lmiânan, walakin âlach agherda d ulwgmad ?

"Yan as iskern yan imi ad tid fellas iqqen rebbi"(agherda d ulgwmad)

Tanemmirt nk

Yan as iskern yan imi ad tid fellas iqqen rebbi

ikka tin yan ugherda d wawtil zdghen gh ddu yat targant. lligh askarn tansa nsn, awtil, ur gis mad iqqazn, ntta izerb bdda, iga yas aghar yan imi.
agherda nttan, imikk fllas, icwer ayllight kullu isengadda, iga yas sin imawn.

yan wass, ar ittlli yan ulgmad gh ddu targant, agherda nttan izrat ukan, inna ffrukk, ikcm tansa, inna dagh, ffrukk, iffaghn d tsga yan. awtil nttan ittuzn gh ugens n tansa ns. ikchem nit fllas ulgmad, ibbid nit gis.
innays nit ughrda: "Yan as iskern yan imi as ttid fellas iqqen rebbi"

tanmirt nk a gma
tanmirt nm ultma.

Tanemmirt nk à ugma Itrinit f taqsit ad n ulgwmad d aghrda je te remercie han ghilad fham lqqissa n syn!

ar taqsit yadnin igh tinna rabbi, gh dark ngh dar Zalhoud Kuloukn tlla daron tamazight ifulkin merci à tout les deux!

ultmatun Taylalt

tanmirt a taylalt,
yallah a ultmanu , ha yat yaDnîn.

inna yas: "ml iyyi aghar mani kkan, imma sengh manwa izzan gh wayyad"

yan wazzan, iksa tili gh ddu tgemmi, yaftin babas, inna yas: "maghid tskart a iwi?"
azzan: ksigh a baba tili
babas: manigh za tella tili?
azzan: ar thdâr d ucn a baba,
babas: ar thDârn?
azzan: iyyih a baba, hati tzza gis tili ghilad, art iTTây tsakat kullu reg ad, aylligh sul ur izDâr ucn ad ibidd,
babas: ml iyyi aghar mani kkan iywi, imma sengh manwa izzan gh wayyad

zûzdgh akm tssusm.

Itrinit tanmirt f lqqist nk zwarn n ughrda d awtil ula khttad n tili
Nekkin isadsayyi bahra ayllis inna urgaz an iwis f tili d'ouchn
Ar nettql s lqist yâdn ak iserbh rbbi!!

Hiya ukhlas uchn iskwr zerda r tili azzan inna i ibabas ar tehdarn! lahdrt nit llmâqoul ayan!

Merci itrinit f taqsit ad n tili d uchn nwkni ar tinini (ulli ) i tilli Tanemmirt nk à ugma

AR tiklt yadnin


Taylalt

"hati rzemgh as, nttan ayyugin ad iyyi irzm"

ikkattin yan amuch, ar isselmad iwis mzziyn manik as ragh igwummer aylaln. had timilla manik arrad as tskert, hat tizikkit manik arrad as tskert , ....
wah iHarc umucc mezziyn, delHin iHsa.
ya wwass, igwmer wahdut gh tagant. izrat id ukan yan igidr, innad nit fllas jeffff, yalt nit s igenwan.
ig umucc taghuyyit,
iffughd babas, ar ittannay iwis ar ittemkhiwiD d igidr gh ignna, inna yasn babas: wa ghar rzm ighan aywi.
irar asd umuc mezziyn: hati rzemgh as a baba, wa nttan ayyugin ad iyyi irzm

Azul itrinit ,

Tanemmirt nk à ugma f lqqist ad n amuch d igidr , khttad twftent koullou dah han tssadsayi tfulki, sund ukan ight zrwgh llight ywsy igidr s ignna , ur yad sul ugwmer yat, ula issehsays bbas yat!
Tanemmirt nk à bou lqssays , ar twklit yadniightinna rabbi

Taylalt

inna yas ufullus: "is ka righ ad nmaggarn udmawn"

ghwwad yan ufullus iksa gh yan umdduz. yaf yan waqqa n asengar, laqwa illa billah, ghanckk n tallubant, ar nit ismergha.
igelbn, ar ittemnid tifullusin ar ukan skurkkujent gh kran wakal, ggammint mad ttafant.
ibbi nit ufullus gh waqqa n usengar, inna nit "kooookoookkkokkkoooo"
gelbend kullu tifullusuin.
ibbi nit dagh gh usengar ayllight zrant tfullusin, inna dagh "kooookoookkkokkkoooo"
ksirint nit tfullusin manta ran izwar atcc asegar. istent ukan izra ufullus , yasi nit aqqa lli usengar ict.
biddent tfullusin art smuqqulent, ar t3jjabent.
tnna yas yat tfullust: "makk za yaghn thult agh igh rat adelli tct, cc ghayan adelli wahduk blak izra yan"
inna yas ufullus: "is ka righ ad nmaggarn udmawn"

Azul Itrinit, han ullah aragh teddssagh gh lgddan n l'ecran zund kra n unafal s lqqist ad n ufullus d waqqa n usngar!
ichwtttr bahra ufullus nna , j'ai beaucoup aimé merci à ugma

many ghd ttawit lqqissat ad ? tsamhtiyi

Taylalt

taylalt a écrit:

Azul Itrinit, han ullah aragh teddssagh gh lgddan n l'ecran zund kra n unafal s lqqist ad n ufullus d waqqa n usngar!
ichwtttr bahra ufullus nna , j'ai beaucoup aimé merci à ugma

many ghd ttawit lqqissat ad ? tsamhtiyi

Taylalt

tanmirt nm a ultma !!!!!
manigh a tend ttawigh? khtid a ultma sfeldgh asent zik lhal, dar jdda, igh ngiwr nkkin d ait ma d tarwa n id khali gh tama n inkan, ar agh ttals jdda i dminat.
lkhir ad is as ka yadlli sfeldgh, ghassad nkkin uright gh le site. ad yawi rbbi kra mad asn ismudn ad igutn, matn ismunan, isker gisn adlis (livre) ad ur jlun ghiklli kullu tjla tskla negh.

tanmirt a taylalt.

nnan willi zrinin: "yan ur iqqen imi ns, iqqen tid imi ns"

ghwwad asidi blhnnanu, yan butgra, ar idwwar gh iggi n yat tal3int, ifjjij d ugayyu ns, imik fllas, ghinna ilkm ibid gis, ur aytghawal adelli mani.
ittersd nit yan igidr gh tama ns,
art ismuqqul butgra, inna yas: makk yaghn a igidr, zrighk ur tellit d lkhatr nk, is thenna luqt?
igidr: mani gh thenna
boutgra: makk awa yaghn, fjjij awa helli, ad ur tasit agjja ghilli gh izzay, is tllit ibzzar nk? is atfarrayt ar wissa igenwan, is an trust gh wafa ijarifn? ur akw nga taghuyyit nkwni, lli helli ghid itchtutuln, chkert awa irbbi themd ast;
igidr: ajjit awa helli, han ghann ad igan amrun, ar helli n tazzal, mac ur nsen i yat.
boutgra: makk awa yaghn?
igidr: irbbi ml iyyi aghar, yan yufan tifiyyi, issutl as ikhss, mamenk arrad isker ad ich tifiyyi.
boutgra: is nnigh mak issuHeln! ad ak ikf rbbi mad tcttat. asi lHram ar wissa igenwan, terzemt asd. ignna agh ran ifsi, urrad ilkm akal, ard ig TâwTTît.
innas yas igidr: tsHellit iyyi a driwch tifiyyi nk.

yasit nit igdr, yalt d ignna. irzemd boutgra tiwallin ns, ar ittmenid targant llis imyar agh itsunfu gh ddawas, ar ttimzi, ar ttimzi, ar ttimzi, ayyligh tlla ghanck n TiT n tisgnit.

irzm asd nit igidr .....
boutgra isn mattid iqqan, iqqn aln, ar itqql managw arrad izdubbz akal.

iDerD boutgra f targant, targant s yan tgwntift gh ddawas, tagwentift s yat tzggwart, tazggwart s iggin wafar.
ur sul issen boutgra is immut nighd is isul. yulld ukan ikhf, ar nit isghuyyut: "yan ur iqqen imi ns, iqqen tid imi ns .... yan ur iqqen imi ns, iqqen tid imi ns"

izri ghin anmghur n waDâfn n tmazirt, ar itslla i boutgra ar ukan ittini: "yan ur iqqen imi ns, iqqen tid imi ns .... yan ur iqqen imi ns, iqqen tid imi ns"

ig as nit unmghur n waDâfn tazlla dar umghar n tmazirt: wa amghar n tmazirt, wa amghar n tmazirt !!!
amghar: mayga ghann a anmghur n waDâfn?
anmghur n wadâfn: ufighn a dadda amghar , yan boutgra gh ddu targant an n tma tal3int, ar ukan ittini: "yan ur iqqen imi ns, iqqen tid imi ns .... yan ur iqqen imi ns, iqqen tid imi ns"
amghar: is nit tHqqaqt, nighd is ahelli dagh ghin tsheTîrT zund ghiklli bdda. zayd awitid, macc han igh ahelli tskkerkist, rad bbigh ils nk.

ibbi unmghur n waDâfn tazzla, yawid boutgra, iserst gh mnid n umghar.
biddn ar kullu tqqeln mas rad inna boutgra.

yagwi boutgra ad isawl.
amghar: ghwad ad ittuybbay ils ns.

akwinn fllas yan mennaw, rant ukan adelli gis, ar adelli helli tqeln mad asn ittinin, akwatn.
bbin as ils. izdi sul gis unmghur n waDâfn: "hhhhheeeeu hhheu hheuuue" ukan ar ittenta3 boutgra.

isawld nit boutgra innad: is akt nnigh, "yan ur iqqen imi ns, iqqen tid imi ns "

Très belle histoire encore Itrinit ! de butgra et igidr, hati ghayan nit af wakka lkhat ar zwar iswingim i aynna rad inna!
tanemmirt nk ugma f lqqist ad dah
TAylalt

Tanirt a écrit:

Mohamed ouagrar a écrit:

Ar jrrunt gbant nit

Allez...raconte...

Ghwwad yan ufullus ira ad iftu s yat tamghra, isserf lefrizi ns, izzghur ticicit ns, ils lkravat ns, iffughd s iggi n umdduz ar itqqel s tfullusin ns add ffaghent. Yasid kra n tfizza, iluhtentin gh imi, ar tent itfezzaz. Tifullusin mateltn, hatid agh ighwli s iggi n umdduz, hatid ighd iggwiz, hatid igh a isbbaqqay tifizza, hatid igh a isensig, hatid igh a ittirir, hatid igh izurdz gh umazir. ad ukan ikk imik yagwenn lmagana, walu tifullusin lahtent, inna d ikhf nes : makka skarent khtid, ghiklli kullu gant, ighdd ard badernt tisi, urra sul dis ngirint, makka tannayent gh udmawen sent.
Had mammas, illis n umghar, tffughd ar tghawal dar sqqer gh igran, lligh tusi tabuqqalt ns, ar ttazzal, iDêr as yan uZllây zgh tfilit nes.
izrat ufullus, inna izd kran waqqa n usengar ayan. Tbarkellah menchk ad ila, tamakhirt n rbbi. ar yaqra i mammas. Waaaaa mammas, had yan waqqa usengar iDêr am ata.
Wahli mammas magh ttid sul yagh. ikut ar ukan sers ittqel Bihi gh ddu targant, nighdd is as helli dagh yugl iqqejder gh ukhsay, ghi klli yas bdda iskar, ur jjun tin tufa.
Ar yas yaqqra ufullus : waaaaa mammas, waaaaa mammas, ackid ata adam helli inigh.
Tifullusin ar ukan tsellant i ufullus ar yaqra i mammas, ffaghend nit.
Tssugid gis yat tfullust alen, tnna yas : ma trit mammas a wacc ada ? maddark ad ast itinit? man lakhbar dark ad astn takkat a bighwlalen ada?
inna yas : is as helli iDr waqqa n usengar.
Tnna yas : uhu aqqa n ikikr arrad iDr ikhtan, magh akw adelli teffrun khtann, ula ar tezzâd, add gis iDêr waqqa n usegar ghassad?
Afullus : wahqq rbbi ahnna, hati, izd ur iyyi dagh tument ?
ira ufullus aggis ibbi, imil ikcem as ughenbu gh tcenbit n uzlay, ittghwinn gis.
Lmosiba safi, wacc ayga ufullus ad, ghayd asd itenna yat tfullust lli kullu gisent imzziyn.
Mmaghent tfullusin attid kkisent, walu ggamint.
Awa, ayshan ar tezray luqt, tamghra iqqand asttid kkin. Tifullusin rant ad fjjijent.
Ftun s temghra, maygan amrun, llight zran iffullusn yadnin, nnan izd kran lmoda n ljdid dagh ayan. igh sers saweln, imiyk fllasn. Ar chettan midden, iqzz gisn nttan. Madd awa igguran f ufullus ghassad ibzg helli fllagh, igan ukan talkhatemt ughenbu, safi ur kw sul issen yan, ur akw aysawal s yan, ur ira htta a ssul icc.
Ur senn mani ukan telkem gh Afullus nttan.
Llighd ruhen s undaru, tasid yat tadriwcht n tfullusin yat temkilt, tafullust lli bdda ihgr ufullus, tffi gis imik n wargan, tserght aylligh tulba t3emmer tugmimt, ar sers tezghur aghenbu n ufullus, issrid nit waqqa n uzellay, iDr gh wakal.
inna yas ufullus : ar tejrunt kbant nit.

Sacré itrinit : tskert as un beau scènario !

Azul itrinit ,
Tanemmirt nk bahra irghan f taqsit ad n ufelous d waqqa n usngar ighak nnigh chabâih gid tadssa slawant ak lligh
nnan ifoulousn youf fllasn nd mad fllas izouydn ur iri ad ula ad issawal, nttak hati is isk zzaz!
Tanemmirt nk f tassaât ifoulkin n tadssa !

Taylalt

yuf yan mmu smunen , yan mmu d3an !

Manigh dah tllit à Itrinit adah dah tnnit matga lmiâna n wawal ad n mohamed ouagrar!

yuf yan mmu smunen, yan mmu d3an!

tanemmirt nnoun

TAYLALT

taylalt a écrit:

Manigh dah tllit à Itrinit adah dah tnnit matga lmiâna n wawal ad n mohamed ouagrar!

yuf yan mmu smunen, yan mmu d3an!

tanemmirt nnoun

TAYLALT

hayyid a ultma, hati iwightt ukan gis, is helli urtat telkem tizi.
sengh a ultma is atqqelt, mac imik s imik. tsent ukan ramdan manik ad iga.
tanmirt a ultma