Tukert ull inu zegh assemdl inu ixwlan s tighzi n ussfan ! tfelt ixssan inu tcanin nnazwan ay lligh ar tagwan !
Max ? max ad tsdit akwtay n afud inu ? max ad felli tzeft akal ? max ad takwret ull izellf s takat n tayri ? tayri nk irwasn agdid ijlan,ix itters igin akal ,ijder yayel s igenna ,kkint fellas timzawiyin ,ityagal ger igenna d wakal !
Is nnix is rad tneght tamyurt nk s tuzzalt s yi nghan,mac irwas is ak tga assmun adfir inu !
Irwas is dis tmmerwas, ak ukan yilih ar kigh tlkem tamart nk abudd,turridt ar sri tllit ger tiswak n izengign d anaruz irzan ! s uzmumg s taguri immimn , s yat tsudemt irghan ,ar akw itafud attan d umetta n wadan !ad ukan iswu ull nk zegh assif n imarayn, talest i tarulank,arugh attan yadnin ,ggulx f tamunt nk ur as d talsex ,tggult f umadal inu ur dis tngarat !
Fkighak tudert inu g tikint n uregh ,sfalkight s ajig amellal,trzeft iyi attas n tguriwin ,gigan n tiwurga mmimnin,mac ur gint amer agwu g igenwan !
Tut ? tut ass ligh ak fkigh azzar inu azirar ?ar sers turart ,tsut daw aqllalnk ,imik tskert gis tikuwttas,tsutelt ent f umegrd inu am izakarn ! tut is yi trzeft i taggugt ? tsfaskat s imsyafat ,tgherst i ugdid n tayri s tuzzalt s yi tgherst,afad ad tghumut g tussuft nk illasen !
Is tkwtit neghd is tsnudit isekkirnk g udlis n wattay adfir n afud inu ameqran ?
Awd azzan n tiwurganx tqqent g aghzu g tagant taggug f umadal n ufgan ! ur yi tfelt amer ull isrin s umsrurd g assuk nk iceqqan ! ass-ad tukert ,afad at didi ur awigh ass igwran,melxt i akuc ameqran !
Tcix akw gix amlal amer ull-ad , idder sul ,ar ukan ikkat s tayrink ,mac afudgh g umadalnk ijlan !
Raret han isurfak zegh tasilans , isurfak g gri gat aberray ,kri gat ademmil kri gat idd yiwzt art gis tzzad tagugtnk tazirart !
Ityara felas ix ibri isurf izmumg g udem n annaz ns irzan ! rared ul linu !
le 06/06/2009
g assa-ffi !
Accueil 
Dernières images 
Lun 21 Déc - 17:43
