ul inw a yngbi n udfl

Ul inw ayngbi udfl
Maf tsslsit i
isddi nk
afawwu n usmmid

Maf trggmt azwag
Igayk asmun
gh
imuzzar n ujlay

Ul inw aygigil n umtta
Maf tsqsat taglayt
atsdar Tudrt
yak kiyyi trmit

Maf trzmt alln
Ass nk ismun
iklula s issird aztta nk
Iflakd imal ar
izuzzur adan

Ul inw ayngbi n
udfl
Had adu s wassagh
n tgudi
Ar ithll...il ifraw
nk

tafukt trzm ufus
nk
Tgak tadgalt
Ur irin tamunt

Maf tskrt i imdla
afllak zmmimn
Urarn n waman

Ul inw ayngbi n
udfl
Amz gh ifil
tnnurzt
Ad sul siggiln
ifrawnk
ignwan

Azul gwma Abdellah

Amsawl dw ul;ul agacur lli igan inbgi n idflan d usmmid;ul mi tllf tafukt tawn;ul nk d ulawn n imdyazn lli syafanin tummghra n uzwag ar ttirin mqqar ratn ingh usmmid ngh ngdn gh ilaln ngh tn tjdr tafukt n tnzruft;ran ad ddun ad ddrn ad zrn ad mdin mad ur ssnn!Is ur yuf lligh ilkm ul nk aman issu izuran ns igr s ifrawn ifk tayafut ad ur ilin anaw:tamdyazt!
Tanmmirt
Ar timlilit
Ujjigh ak afulki d ufra d tumrt gh tudrt
Gwmak Zalhoud


PS: As-tu vu le dernier numéro de Tawiza?Si tu ne l'as pas encore acheté,je te prie de bien vouloir te le procurer car tu y es;tu as bien voulu accorder une interview à Aziza Nafia où tu as parlé de ton exprérience poétique!

Farid Mohamed zalhoud

azul mass zalhoud ark bahra ssim ghurgh a gma f iwaliwn nk rghann . llisd tfkit tisuraf i usyafa ad isangm gh tmdyazt tis snat ..
imma f tawiza tnmir nk bahra ssngh is gis illa umsawal lli didi tskrt tamghnast d tmdyazt Aziza nafiaa
tanmirt bahra agwma

Azul Amdyaz abdellah
f umya
Ar ak ssirimgh tawada ifsusn ilan tayafut gh usnflul amazigh slawnt akk gh tmdyazt
Ar tayyad
Ar timlilit
Ujjigh ak afulki d ufra d tumrt gh tudrt
Gwmak zalhoud