ikkat in !

war-assagh a écrit:

ikkat in

tarragt i tamdakwlt n timzi : HANNA JMIRO !


ikkat in iffaw
ighus
ikkat in yummer
sers ull
ikkat in g tudert inu
azmmumg
ikkat in s tayri nw
amsud
nega yan am ayyur
am igdad n tafsut
igh d ider unzar
nefari.. nrur..


ikkat in g igdam
win-wull
nesbed akud
s tayri neggul
ur sul netagug
ussfan rad ten
nesmun
ddaw yan asrag
ar afud !


ass-ad ikers annaz
tawwargit tasus
ur gis teghwli tafukt
iqqen id-nes s umulgh
win-wull isti taggugt
talli f yad neggul
iberi s illes yut
ifel g tassanw azemul
akuc n tayri
ur ikssud
isenfel illem
isgrawel aghenbub

tayri igh tut
yan
ig aderghal
yamum
awd igh ig assmun
gar amud
ur ad sellan
amer i ull


ikkat in ...
kkeght in..
nekkat in ..
nemun !


reqia touw (tanirt)
le : 23 / 04/2010
assa-ffi

Azul tabrzzuyt n timazighin Warassagh
Tssusm tmdayzt ad nm mqqar gis ukzgh tafughalt gh tigira;tigurwin ns zilnt mmghint gh ul akwint ar imi tinit tnt s tamimt n taskla
Ar km ssimghurgh
Ar km snimmirgh
Ar ssirimgh ad tifsus twada nm gh unsflul amazigh
Ar timlilit
Ujjigh am afulki d ufra d tumrt gh tudrt
Ar am ttinigh uhu ur tafud tayri
Gwmam Zalhoud

azul gwmanu zalhoud !

tanemmirt tanemmirt f awalnk bahra immimn tennit f tmedyazt ad ! ur ukzgh taguri yad : TAFUGHALT !! mad tad tga ,afad ad yi lkem l message!

tanemmirt amedyaz ngh !

Azul tabrzzuyt n timazighin
Gh tmzwarut righ ghd nekkin ad iyi tnnit izd kmmin ad isawaln gh tmdyazt ad nghd kra ntmghart yadnin
Tafughalt lligh tsqqsat artt ttinigh nkkin i "la tristesse""lhuzn"!
Ann ur tmatalt
Ar am ssirimgh tumrt gh tudrt
Gwmam Zalhoud

Zalhoud a écrit:

Azul tabrzzuyt n timazighin
Gh tmzwarut righ ghd nekkin ad iyi tnnit izd kmmin ad isawaln gh tmdyazt ad nghd kra ntmghart yadnin
Tafughalt lligh tsqqsat artt ttinigh nkkin i "la tristesse""lhuzn"!
Ann ur tmatalt
Ar am ssirimgh tumrt gh tudrt
Gwmam Zalhoud

azul amedyaz ngh zalhoud !

tanemmirt tanemmirt bahra irghan ! ssengh ghilad may gan TAFUGHALT
nekkin ad gis isawaln , ddergh talalst n tamghart yadnin mdigh imsyafatns ... syafagh attans .. d tassast ns ... !

tanemmirt gwmanu , awd nekin ar ak sirimgh tighzi n tudert d attas n tumert !
tamayt i wakuc

ijjanit* a écrit:

war-assagh a écrit:

ikkat in
reqia touw (tanirt)
le : 23 / 04/2010
assa-ffi

Menchk asttin ikkan atanirt ijujjg,gh'assf ad yasus!
Mnchk asttin ikkan idus,gh'assf ad yamum!
Mnchk asttin ikkan isul,gh'assf ad yafuD!
Anaw n tmdyazt ad,ka radd yagur!
Zud kra,n tawllaft ighwman,ngh kra n tassfift n'uZawan iRwan:
Ur sar tasus!
Ur sar tamum,
Ur sar tafuD!
tanmmirt

azul gwma ijjanit !
tanemmirt f tigwriwin k bahra fulkinin ! ayuuuuuz nk ! assfi nghant id babns ,ghkeli nqqan ghilad tarwa n tmazirt tafraout !

tanemmirt gwmanu

Azul tabrzzuyr n timazighin Warassagh

S tumrt ! hann ur sul innughcf ul azazu grgh iss akal ur sul ighama ghw awal amr tanmmirt !
Gwmam Zalhoud

azul ultmanu i3zzan TANIRT

tanemmirt tafalkayt n timazighin ,tanemmirt awd f imsyafat nm ghusnin kemmin d dadda muh FARID ! tanemmirt mad tennam f tmedyazt ad !

azul lalla azul i talli igan taguri tamazight gh ufus ar sis tsshuc iskkiln gh tmdyazin zilnin ayyyyyyuz nm f ufrak d wammak ayyyyyyyyyuz nm f tadfi n wawal ar am ssirimgh ad ig ubrid nm gh tskla wad iflujjan ultmam xadija afus gh ufus ad ilkm usyafa n tawtmt afa

azul tagdidt niw.
sfwat d wafulki nmyartn gh ils nm wla ul nm d ghtirra nm wla ntnti
tamdyazt nm thla .tidukla llant suzmumg llant sumtta .
tanmirt nm ayouzzzzzzzz

azanaf agadir a écrit:

Azul war assagh,
nkki ar ttinigh mas d amdyaz ur t ixssi ad zwar iddr gh imukrisn n tudrt, zund tammara, ngh tayri n ZZlT afad ad agh d yara kra n tmdyzt iZiln!!
Amdyaz gh dari iga yan wanaw gr mddn, mi ifssus ul ns! ar isyafa s aylli s ur iZDar ku yan ad sis isyafa! mqqar ur igi umukris wins!!
Amdyaz n tidt ar issflid i tudrt s ul n ul ns! ar isyafa s kra ygat tghawsa, s ufgan, s wakal, s ignna... slawan akw igh iZra awd ntta, iddr awd ntta gh kra n tmukrisin n tudrt lli ganin tin ku yass... ngh isyafa s tin wiyyaD!!!
kmmi tamdyazt taxatart tgis t, acku timdyazin nm ad agh immaln aswir lli ghnn tlli, timdyazin nm ad itkksn taghufi n tasa, mklli sat tkkist i ixf nm s tirra nm!!
Amdyaz ntta ar isslkam i wiyyaD aylli ur Zrran, ngh d aylli s ur rin ad t Zrn ula syafan sis!!

Ayyuz nm f tmdyazt ad nm bahra iZiln, immimn, ifulkin..
s dat a ultma.

azul azanaf agadir
x umezwaru ar km bahra snimmirgh f mara tigwriwin nem bahra mmimnin ,s twalanw ar km bahra simghurx f mad akw takkat i tutlayt tamazigh ,d AYUUUUUZ

amedyaz igh ur idji ger iwdan ider g imsyafatn nsn ,ur ad itara amr f ikhfens ... iceqa ad nara mad ur nsyafa !

anemmirt azanaf agadir !

khadija arouhal a écrit:

azul lalla azul i talli igan taguri tamazight gh ufus ar sis tsshuc iskkiln gh tmdyazin zilnin ayyyyyyuz nm f ufrak d wammak ayyyyyyyyyuz nm f tadfi n wawal ar am ssirimgh ad ig ubrid nm gh tskla wad iflujjan ultmam xadija afus gh ufus ad ilkm usyafa n tawtmt afa

azul ultma nu khadija arouhal

tanemmir attas attas f awalnm bahra immimn ,s twalanw ar km bahra simghurx

awd nekin ara m sirimgh abrid iffawn ,d attas n tumert d tighzi g tudert
tanemmirt ultmanu

tinurgh a écrit:

azul tagdidt niw.
sfwat d wafulki nmyartn gh ils nm wla ul nm d ghtirra nm wla ntnti
tamdyazt nm thla .tidukla llant suzmumg llant sumtta .
tanmirt nm ayouzzzzzzzz

azul ultmanu tinurgh !

inghayi umargnm a tamedyazt ,mani dagh tjlit

tanemmirt a lall n udlal f mad tnnit f tmedyazt ad ! ayuuuuuuuz nm awd kemmin ! ar ntqel s umaynu nm, yagh ax umarg n timdyazin nm bahra fulkinin