Les crêpes s Umlu.

Tikklit ad iwighd yat tirmt tamaDlant ittussan s “les crepes”, rfransa ad bahra srs ittussan, tkcmd tamazirt n tmazgha tzzghwertt s Umlu.

https://i.servimg.com/u/f60/15/20/27/46/crepes12.jpg


- 250 g n uggwrn.
- 3 tglay
- ½ litru n ukfay
- 1 tghnjawt mqqurn n sskkwar
- 2 tghnjawin mqqurn n zzit
- Tabbunizt n tisnt
- 1 sachet n ssekkwar s la vanille
- 50 g n tudit
- Imik n tfrkkit n uznbuh (lhamD iHukkan)


Gh kra n tzlaft idran, ad trkst aggwrn d ssekkwar, d tisnt d ssekkwar ilan la vanille, tskert tanut gh tuZZumt, tffit gis ¼ litru n ukfay, s kratt tgalay da ndi trwit gh kra n tzlaft, tsmttenn zzit d tfrkkit n uznbuH, trkst bahra tighawsiwin ad, fadd rann tsmtt ¼ litru n ukfay da d yagurn trkstt dagh bahra ar kigh sul gis ur ghamant tkurin n uggwrn (igh trit tzDart ula ad tsmunt mara tigahawsiwin ad, trksttent s yat tkklit gh la mixeuse). Tdelt tazlaft tajjitstt ad tsunfu nger ½ ar 1 tasse3t,

Ginn kra n lmaqla ur issel gh iggi n takat (ad bahra ur tigut) kigh trgha tzzeghwrtstt s imik n tmudit tffit gis mad ittgggan aghnja n urggway ann, tajjitt imikk ard inu, tsgellebtt dagh ad inu f udm ann yaDni (khtad zwarn agh attarmt is nit msasant les crepes ad tskert, igh izDay mayan tzdart adnn tsmtt akwfay ngh tudit, igh ingi ssif fllas imik n uggrn trwitt ar kigh nit irks).

Kud nna tsmtt les crêpes ad, tzzeghwrttnt s Umlu igh ra tt nt id tserst, ilin mnnaw istayn n manik ar tent tktturt, zund cckwlaT ifsin, zund lbanan ngh lfraise d la crème chantilly, ngh confiture ngh tamment…

TZDar tirmt ad teg i yuswan mkann tga ad s tt id tserst gh dessrt. Hmelntt bahra tazzanin slawantt akk tin cckwlat.
Stanmirt d tummert as rad amZgh tisumar (propositions) nnun/t f umawal n tguriwin da ur urigh s tmazight.

Tanmirt nm ATTAS Aza,
Ayyuz nm ula f la recette ad aghd tfkit da tskart kmmin... ifaw is tmmim rad tkkis laZuggar n tinu
yah haty tghZant.. gutn bahra wanawn lli nZDar attn nsker gh Crêpes, kuyan/t d imTTi ns d aylli mi yu/tufa... d kra igat tussna gh ddunit d mad sisn tskar, mac la base n la recette ghikllitt s yan umnad yuman, ghar xtad lli fkigh tga tin timam, tili ula tin tghawsiwin smmumnin, rad fkagh aylli gisnt ittilin :
- 300 g n uggwrn.
- 3 tglay
- 75 cl n ukfay
- tisnt
- ljujt (labZar)
Rad as tskert tagharast nit nbder gh tirmt an izwarn, rattnt tikturt s aynna trit (lkfta, thon, tasa, afullus.....)

Tanmirt tanit : Awa 3la sslamt n unwal n art-amazigh aylligh d sis udânt tutmin..felnt t imil aylligh ar isinsîg !
Ssirdagh ifassen a dda zalhoud tinit bismillah !