Tamdyazt timzirgt ( i Ijjanit )

Tamdyazt Timzirgt

i Ijjanit



Tuga tmmghi gh igr
Tuga tga tin tfunast
Tgli gis ifzz tgr s ubluz
Tuga tuki s usagwl
Tuga tlkm tizi
Tuga tffi gh tagra
S tga akwfay gh tikint
S nit illula ukwfay
S ikcm tagccult
S inda
S ibda
Ha tudit
Hay ahu
Hay izan
Ha amdyaz igllin
Ur igin
Ur iwwarg
Yiwz
Sul tmdi as twwuri tammara zikk
Yiwd
Sul ingi ughu f umlal n tilawt
Nnan as : " Maf tsawlt ? "
Nnan as : " Maf ur tqqnt aqqmmu nk izzumman ? "
" Izd ur tirt ad trwust middn ? "
" Mad ak bahra ittini ixf nk ? "
" Sawl ay anafal ad ! "
S igh isawl ufullus
S d nkrn igdad
Middn ar sul ttwirgin
Middn ar sul sngizziln
Amdyaz urd qqnnt twallin ns
Ibidd
Issird udm ns
Issird tiddt ns
Issird ifassan ns f middn
Iqqn imi ns
Irgl attan ghw ul ns
Ittu tuga
Ittu tafunast
Ittu tagccult
Ittu asndu
Ittu aghu
Ittu tudit
Ittu izan
Ittu middn
Ur ittu ixf ns


Zalhoud :tajdigt: :merci:

Azul mass zalhud,
Ayyuz nk.

ijjanit* a écrit:

righ akk saqsagh gh taguri yad:timzirgt??MASTT IGAN,,?ur timRzigt??TANMMIRT [/b]

Azul mass,
nkwni ar nttini ar ittmZigir i walli d Hra inkrn gh iDS, igh ifsr ighariwn ns i ignna, ijbbd ifassn ns!... ar ittmZigir zund igh ur ign mzyan!!

Ur ssngh is d mkad nit ad ira ad t ini mass zalhud gh tmdyazt ad ns!!!

Azul Ijjanit
Azul Aza

Tanmmirt bahrac irghan attas attas

Gh mad izlin s "timzirgt" (adjectif féminin )taguri yad tuckad gh AZARUG,igat s taârabt "AlISTIQLAL" d s tafransist "INDEPENDANCE"


Ar tayyad

Gwmatun Zalhoud

Azul ijkjanit
Tanmmirt
Tanmmirt
Tanmmirt

Gwmak Zalhoud