Isufegh-d umedyaz amazigh axatar n Rif, Lhasan Lmusawi, taweckint nes n tmedyazin tis Kuẓt g tazwara n useggwas n 2010, issagh as "Asirem".
Ilul Mass Lhasan Lmusawi g usun n Tanut Romman g Ait Sidel, igherm n Nador, idder g tmurt n Fransa uggar n kraḍt tmrawin n iseggwasen.
Ura nec d-bnadem aya lalla yemma min agiγ i-yewdan
war djiγ d-ad’emmaє war djiγ d-axewwan
war djiγ d-axett’af xet’faγ amusiwan
Ura nec d-bnadem s waysum d-ixsan
idammen agguran daxar d-agzewran
waxxa nac d rmesk’in rajbub inu xwan
s-wagra n ddunect wallah mad ayi γwan
waxxa nec wa zemaγ qa d-wan zayi iseγwan
xazaγ γa ruxa nna min xafi d-γa yehwan
lh’amdullah ya rebbi neccin a mi d awdan
abrid inu at df’aγ waxxa s anji waman
waxxa marra yazu s reh’rac d-usennan
at cuqaγ s reh’fa am cuqaγ benna3man
ad cuqaγ tamara ad zwiγ iγzr’an
ad seqsiγ taziri ad cetciγ i yetran
ad guγ ad ttruγ ad rzuγ x wemcan
ad rzuγ x tesγat t-trelli yemseb’d’an
ad rzuγ x yejd’ad’ inni tuγa yexran
ra d-ini yemmuten ra d-ini yedderen
ura d-ini yennan awar nni yacnan
ura nec d bnadem s-idammen yeh’man
i mermi γa yaraγ wur nnec imazran
ad hnigh zi rahmum ad hnigh zeg menγan
ad hniγ zeg wawar tuγa qan imennan
ad h’eccaγ ad hiraγ ra nec ak-d iseyman
Zeg : "Ma tghiras qa nettou"
Aghbalu :
fadma.be
Accueil 
Dernières images 
Ven 10 Déc - 10:59