Azenẓar n unaruz

Ad-d igh°li uzenẓar, ireẓ tillas
Ifaw lḥal, tanef tallest
Zrin w-aman gh terg°a
G°mern-t tizzwa
Fsun ujjigen gh igran
Sjujjun urtan
Ilin-t w-ulli gh iseksa d imadaghen gh unrar

Ur-d anzig, negh d azag
Ur-d afa n udrar
As ra-d rwelgh a tikeṣṣad
Mac, inaghan imeghlal ad-d iqanen ukan

Ur ugadegh tikeṣṣad
Ur kṣudegh imal
Tillas mqar gguten-t
Ad anfen-t ukan
Azenẓar ad-d igh°li
Mqar mqar

Mqar inbbeḍ uzeḍḍum
Mqar tella telkkawet
Mqar gan imeksawen uccanen
Mqar telluẓa tyessa

Azenẓar ra-d igemḍ
Azenẓar ra-d ilal
Ra-d ifaw lḥal
Ra-d iḍessa w-azzan
Yummer baba-s
Tummer ma-s

Amawal:
Igemḍ : igh°li
Talkkawet :lheg°rit

Amasine
Ass: 28/09/2002