"Aggu n twargit" ilal-d ig tidt

ifgh-d ussan ad zrinin yan udlis amaynu n ultma tngh massa khadija Arouhal.
Adlis ad n massa arouhal ntta as tiwi tasmghurt n usnflul asklan da tsnmili tbadut n 2M gh twala ns tis kraDt gh usggwas n 2008.
Adlis ad amaynu n massa khadija arouhal tDDi yast id 2M, tsti yas ultma tngh ism n “Aggu n twargit” (la fumée du rêve), tlla gis yat tullist imqqurn imunn gh 46 n tasna gn iskkiln lli s tgwna tiguriwin ns win tifinagh d ulatin, iffgh-d s yan udm iZiln iskr as mass Mouhib Aghnaj tawlaft bahra ifulkin i wudlis.
Massa khadija Arouhal tga yat tawtmt yusin anzgum n tutlayt ns, ils n iZuran ns, tg awd yat tmghnas immaghn afad ad tlkm tguri d uskkil amazigh illi lkmn iskkil yaDn gh wamur ngh.. Maya-d ur a ittili amr s tuggas dusnin d unzgum ighusn, s mkad as iga udlis ad amynu « Aggu n twargit » wis sin dar ultma tngh Arouhal gh igr n tirra d usnflul s tmazight Darat n twckint ns n tmdyazt « AZawan n urmmaD », nnurz ad sar ur iqqar ughbalu n usnflul ns ad ismrgha gh ignna n tirra d usnflul isfawtn i tasutin d uckanin.


N.B: rad nn tafm tawlaft n udlis n "Aggu n twargit" gh : tirrawal.canalblog.com

.
....“Aggu n twargit”

ighnn tannit aggu, tissant is ka tmDl takat gh ddu ighd.
Igum igllin mad izel f takat n tudert, jdernt I tirgin n tillawt.
Idern gh tillas n ill, issudu taddangiwin, Ittghwi gh unaruz n twargit, awr imil sexsin waman takat, awr imil ibbin s ugmmad.
Mac tawargit ad, tga yas sul aghar aggu.

ayyuz i massa khadija AROUHAL f tullist ad bahra ifulkin.
tanmirt ultmatengh aza
.
.