Amagus llid g iti tfel tawarghit n ghiD aD ur a jju ijji. Ingha iyyi ugayunu s iswingimn. AbuD u wawal matt igan ? Mani gh rad afagh afsay i twargit ad ?
Ar fttugh ay lligh rmigh, tidi tngi iyyi d f wallen ,mani s iti ran iDaren, ggut enn fellati imaruren issudad yan f wayyaD,agafay yut iyyi s utrric,afrux imZZyn ad gigh,TTam isggwasn d imik, addari illan, gh twargit ad.
Ur ssingh i yat,ar zigizgh.Bbigh gh uqccabinu Ar ttazzalgh, kkigh gar abrid,ur ssingh mani righ,man agharas rad amzagh.fkight itizzla.Rmigh,amzgh akal.
Bureddal…
Yumz iyyi,ur sul iri a yyi yadji ad nkragh.gigh enn s ik rabbi Rzm iyyi,a sas nnigh.Righ ad ftugh,ad ukan ssukfagh.Sberrmagh izri inu s udrar ann,tlla ann gis tifawt,fkight itizzla, ftigh s wafa nes.Ur enn ufigh yat,ufigh k min a tillas.Sermighk a yaggug, ur sul gik illi yat.
GGwizgh zzegh gik a iadrar ur a ggik nsagh.Ar n temnadagh azeddar,illa gis kra,imttawn s xlwden iyyi kullu ma illan tamanu.Nnan zzgh ugmmaD ann sunfu...Madd isawalen ? Nnigh a senn ur ad sunfugh ar d afagh tamazight.
Ar ttazzalgh,ar ttudugh,aylligh iyyi tnna tafukt nekki ur a sul dik munagh,isawl iD innas nekki ra ddis amzagh agharass,njurr aDar,winu d wins,aylligh agh d i telkem tmayurt .Ufighen yat tabusiyyart,sififagh kullu ma ggis illan,tDerd zzeg is yat tccibant,tga tasuqqit,ar iyyi tmnad ar stti tmanadgh,ar tfafagh.Mara ssis skeragh.zzeright gh inifif,t Derd dagh ,Tnna iyyi : « Nekki gigh timilla ar taylalagh,kyya asi tizzla akk awigh s umadal yaDnin,ghinn agh ran t afet ma sa tellit
Usight …man ta ? Tizzla.
Ar tazzalgh gh tghwrdin n tmilla taberkant ar iraran.Ma sa tseggilt,as iyyi tnna,tzziwz iyyi.Nnighas ar siggilagh…ar siggelgh s tmazight mani s ka trwel.
Ar tSSa aylligh akkw tDr s tghwrDin.Tnna iyyi irbbi rar iyyi s talbusyyart inu, irwas is tgit amxlaw.Tamazight nnun tfta d willi zrinin.Kiyyin tgit zund awtil ar ka ttzzalt ar tkkat aDu.Zmigh,rzemgh allen inu gh thanut imllulen,iDer iyyid ya umTTa.
Accueil 
Dernières images 
Ven 18 Juin - 23:13