tutlayt n ufessa

tutlayt n ufessa


Adfir n kri gat tin wudc, igh yafud asmerghi n uzenzar f udem n ill ! igh d iqqen idd s tillas ,izi idess tittawin !ifsi yan igan ussuf g iwiz n wadan ,ijlu ger imiren n uswggas,ig imir war assagh ,udmens war tifiras ,ur t ukzen imessan ,d ur t ju syafan iwdan !!!


Assef irwas gwmas ,aswggas idfer t wayyad ,ur ta ju izdar « ussuf » ad izdi tigwriwin d gratsent s ughanib n usmammi , afad ad isifsus f ull ns anzgum d wattan li yasen yugel d ad yals i tifert f gar anazzarfu li yas tmla tudert.


Tuckad talallit ns g imir n tagerst,tmun d issaffan n inzaren d ijawwan saylalen.


Tkers tudert g tudemtns tawarraght !tkess as itri n tumert ger allens,tuker as imir n tafsut g imall ns, tsndudi akw igenwan s iggign , tsduhdu ikaln afad awr isella yan i tghuyyit ns izwarn.


Assef ad ,rzemn akw tazzanin dis lulnin tittawinsn ,amer ussuf igellin , ur d is yugi is ukkan iggumi s mamenk !!!




izri assef ns izwarn gh titt n ufessa, adfir n tin-wudc ,akud ligh tmerks tifawt n uzal d tillas n idd,irzem azzan tittawin nes f umadal n timlullay ,isbburi tent ,ikwcdas awllaf n tudert g allnes ur iffaw ur illas .

zrint ussfan n timzins zund assemid ,aylli gisent ikwti iggu ur idrus,g timektit ns ass ligh yafud "baba msàoud"ifel abakccuns i tamghart ns ,ar sers tbekkas d ar sers ttas aqllal ns ik nna t kwti !!

ghkelli ur ju itu talulluct ns ityakarn ger tillasin n ulawn d tawwargitns irzan s ufus n tillawt, d ur ssar itu tawqqast n usnuhyu ifeln azemmul g ullns !!!

imghi ussuf gh urti n wiyyad,ur asn igi ula ganas,mac imyar ad isen idru timyurin nsen d ad isen imdi tamimt n wawal nsen imerksen s tugt n tutlayin teg tutlayt n ufessa yat gisent.

awd yan g umadal ad anemmar izdar ad itu assagh ns amer igh as tjela timektit ns ,negh fellas ikka anufel am ussuf ! igellin afgan ad ,itu beda taguri li yas fkan imarawn ns zegh talalitns , ur ju isyafa is iga wins,awd iwdan li yas sutelnin ,aggugn beda f ullns ,meqqar izri akw timzins g urti nsn.

ilkem d ussuf yat tizi ur sul izdar ad isentel timzwinyin n iseqsitn li yas beda tsutuln gh unnelli ns .

iceqqa fllas ad yakwz tiggest liyas illan ger timiwa , irmi attas ,awal d iwdan ur as isugr amya,afessa izdegh ilsawn ,ghkelli tkka twda f ullawn!

ghkelli beda imyar, irur ""ussuf"" igawr dar ill igin tazrut n imarayn, g tannayt ns is ill ar isawal s ills n tiddangiwin,immagh ad yakwz mad tinint , mac awd ntan ur irar f aseqsins axatar ,yinyas s wawal idran ,zund igh iksud ad as sellan urtan ligh imghi :

- max? max ur agh allagh meqqar qqengh s tgudi?

max ur agh tallat meqqar ar thittint tiddangiwin nk s wattan ?

man anelli izdarn ad irar f usqsi n ussuf ,man anufl irwas anuflns? awd ill ifessa , awd afessa tga tutlayt .

issiwn ussuf allns i yilll ar idessa i tikli izwarn g tudert ns ,achku iferk is agh iseqsa assa n ussmammi d umetta n taddart ad!

asemg ad ur igi amer anafal ur t yumi umadal ,ar itlli s wayyad !! teg tarula yat ger timyurin nes ! ur ju izmumg zergh ull nes ,ur ju smittiwent ittawin nes ,achku aylli yugel i ull ns yuger umeta.igellin ur igi amer afgan irban idurar n izengign d wattan n tasutin ,takat n wakal ,tagat n izuran

awd yan isella itghuyyit n ussif ,awd yan ighwra tabrat ns,achku tyara s tutlay n ufessa

man tumert as itlli ufgan iluln ger ilalen ig agherrabuns war aftas?

Zalhoud a écrit:

Azul ultma Warassagh
Ar agh ttinin ur darun kra n taskla ,ur darun kra n tutlayt,ur darun mad ttinim,ur darun maf ttinim;ur darun mas ttinim!!!!!!
Aggwadd a tarwa n tafasiyt
Aggwadd a tarwa izakaren
Aggwadd a tarwa nn tsukt
Aggwadd a tarwa n ubluz
Aggwadd a tarwa n tarcut
Hann immk ur nnigh kra yadnin
Macc radt ajjegh i twala yadnin

Tanemmirt f taghuyyit ad lli mi issefeld Ill irwel
AyUUUUUUUUUUUUUUUUUUUUUUUUUUUUUUUUz
Taberzzuyt n timgharin timazigihn ferknin mmumminin ssennin ad biddent ur ar rezzant ur ar nezzant
Gwmam Zalhoud

azul izuzwan

tanemmirt yugern igenwan d ikaln ay agellid n imedyazn f awalnk yi yakkan tadussi uggar d uggar !!!
tutlaytngh tga mas nselkam tibratingh i umadal ,tga mas ntini (s tdussi) i yan agh ur iran (AWD NUKWNI UR KWN NERA) !!!!

tanemmirt mas farid ,s anawnk as nsdus tawadangh afad ad nselkem tabrat ngh !!!

tanemirt

azul ultma tengh
ur dari mad am ttinigh, tutlayt negh tga mas nttara, tga mas nselkam iswingimn negh, aghar yan iran ahelli inna uhu.
ayyuz nm, tanmmirt nm bahra bahra.

itrinit a écrit:

azul ultma tengh
ur dari mad am ttinigh, tutlayt negh tga mas nttara, tga mas nselkam iswingimn negh, aghar yan iran ahelli inna uhu.
ayyuz nm, tanmmirt nm bahra bahra.

azul gwma itrinit

yah tutlayngh tga mas nselkam iswingimngh d tannayingh ......!!

tanemmirt gwmanu f awalnk idusn,d ayuuuuuz nk !!!

ya , a war-assagh : ighwzân am itrinit ; hann tamazight tga imassen ikhassa tt aghar ayt dars ad frken zound kmmi !
tanmmirt nem..

Mohamed ouagrar a écrit:

ya , a war-assagh : ighwzân am itrinit ; hann tamazight tga imassen ikhassa tt aghar ayt dars ad frken zound kmmi !
tanmmirt nem..

azul ighudan

tanemmirt gwmatengh mohammed ouagrar f tannayt nk iffawn !
iga darngh adur ameqran adidngh tdrut awal d tannayin g wagur ad ifulkin !!

ifdi n tanemmirt