Man assagh ? ( War assagh i Tar assagh )

Zalhoud a écrit:

Man assagh ?


War assagh i Tar assagh



Sdukkelgh awal n tutlayt
Sdunkelgh akal n taghult
Sdusegh isura n ughbalu ighil ar ighil
Kkisegh ucfud afenfrac amkuk iferskil
Sayegh amazir
Gergh as amud
Ssugh tuzunin dw addad gh zerant taddagin
Igered iger s ujeddig
Turtit tar imi tar ifrig
Tizzwa zedan aslal
Igdad ar ttiriren

Imikk s neqqern iheyyaden igwalen
Ighism asd ingi w adil inwan aberkan
Illuzza ilemma unneli derghelnt wallen
Iffugh umesnat iffugh unazur iffugh umeskan
Bbin aman n ill s Fransa d Kanada d Mirikan

Man assagh rad am lsegh a tar assagh?
Man assagh rad am issagh war assagh?

Igh am lesigh Tamazight
Arraw inder inna mezight
Ar ibbag tanyut s Taârabt
Awettas ns tamarra tighrad
Isseknud war atig tighwrad
Ar ibbag s udis taqqwrabt

Amedyaz irmi ametta
Ametta ingi ijdr asetta
Afal ar atwant
Atwant ar afal
Tawda d iwiz
Tawada gh tillas

Igh am gigh Tarumit
Arraw inna yi mit mit
Immi tagaywart taseqqant ur sar tgi tasekkurt
Lal n taghenburt ddaw teggurt negh tazeqqurt


Tarwa n tasukt
Takna n tafukt
Aggwat tawukt
Teghwra gh igherman
Tafud matun ghw aman
Aman
N
Marur


Zalhoud

azul amedyaz negh ameqran

ur nnigh is tlla kran tifawt ismarghin f tifawt n itran ,ghkelli tannaygh is ur iili mar ad yara am tigwriwin ad ,s zund tgharast ad, amer mohammed farid zalhoud !!!**

ur ad ak inigh ayuuz achku tdrus attas ,awd tanemmirt tmezzi fellak ,ar tlligh s kran tigwriwin meqqurnin mach ur ufigh amer ad akwrgh yat titrit gh igenna n tamazgha ,ad teg tarraght !! mach awr tennit i yigenna is nik adt yukern hhhh

tanemmirt f tmadyazt ad immimn agellid n imedyazn

war assagh (tanirt n tafraout)