azerf n tmazight gh tadbelt "Tamazight's right in the administration"

azerf n tmazight gh tadbelt (administration)
mad'd y-iwy'n igh i-bDa ufgan d tmagit nnes,? i-ngiri d wawal tutlayt nnes ,imikk s imikk ar i-ffal timyurin nnes,?ar kigh sul ur i-g zund ghiklli s-tt'inn i-kka ?!

gh umzwaru ,kaygat afgan ngh amadan,n umaDal i-Zly s yan wudem,nghdd anaw,zund,tutlayt,ngh aklu (llun) ,ghkann i-ga gh tmkrratin (miracles) n uskkir n Rbbi,lli i-nna'n gh wawal nnes ibughlan:
"ومن آياته آختلاف ألسنتكم وألوانكم"
ghi'd agh n-tt'ssen mas i-ga unuhyu d tmsZla d ulaga (différence) n ger midden yat tmkrrat (mu3jiza) n uskkir n rbbi,afadd ad twassan-n midden d wiyyaD,"لتعارفو".
kun yadlli gan midden yan ,zund ghwa'd zund ghwa'nn, man anyilkim ara'd y-ily? d man amsawal ?! walu.
taguri ad ,"لتعارفوا" ,t-ucka'd f usqqul n ," تفاعلوا ".ze3ma ad tt'nyilkim-m ,d ad y-ily-n isenfln (échanges) grat-un,d ger tutlayin d tmyurin nnun.
tawwuri lli ur i-tt'ilyn igh ur t-lly tngaddayt d umnekni (équilibre) ger midden d tutlayin..."تفاعل".
manik ar ad y-ily umsawaD, d unyalkam,igh ur t-lli tngaddayt ?,igh y-udd ufgan i wayyaD i-sgdel-as (interdire) ad ifjjij (jouir) gh izerfan nnes?!
izerfan idelsanen (culturels) , ur i-drus watig nn-sen zund ukan idamsanen (économiques) d isertanen (politiques) ,kuyan s tyafut nnes d tikki nnes i midden gh ku ibarazen d tisggwin (domaines) n tudert nnes.

--------------------------------------------------------------------------------

- izerfan idelsanen n ufgan gh tutlayt nes:

ad-tt ghr-n tazzanin gh tinmel,ad t-ily gh umqqen (constitution) am tutlayt tunSibt (comme langue officielle) urd am tutlayt tanamurt (langue nationale) acku t-ga-tt yad,amqqen i-fukk ad gi-s t-g tunSibt ,gh allugn unSib (régle officielle) n tmazirt.ghika'n ara-ys i-tt'yufka uzerf (droit) ad t-ily gh tadblin (administarions) n tawunkt (Etat). ad t-ily s wudem ighudan amaynu,gh brra gh igalisn n igharasn (panneaux de sirculation),d ad t-ily gh ttilibizyun s yat tawilat tatrart (forme moderne),igh lla-n isuyas (programmes) n umsawal asertan ,adelsan,anaZran...(dialogue,politique,culturel,artistique) ma'gh qqway-n midden afrak (conscience) f umaDal d umsutl (entourage) nn-sen .
ghka'nn ger gigan n tgharasin as ixSSa ad ser-s i-tt'yufka uzerf igdeln (interdit) i-tt'yakarn mnchkk aya i tmazight nnegh,urd igh'd ga-n yan usaru (lfilm)
f tmyurin (traditions) n imzdagh n udrar,izd tamazight adrar ka'gh t-lla ?! uhu !t-lla gh tmazgha kullu-tt !
ngh'dd dagh kra n iwiz (soirée) n kra n RRays aqqbur,ula akkw kra n uhwac... n-nna Ha'nn azerf ittyufka i tmazight gh ttilibizyun...!,
maya'nn ur i-gi abla tadsa gh tzDuri (pouvoir) n inllitn (intellects) nnegh,mayann iga tasfulkluriyt lli i-nqqa'n tamagit acku ar gi-s t-ss'erwal i3rrimn d midden lli rad-stt y-asy.

tutlayt ula tamagit ,ga-nt zund ukan afares n kra n tarmist (produit d'entreprise),t-ra ula nttat asmel d usussen (pub) bac ad t-ngy ,tghlaghl (t-eTTef taghlaghalt) ger midden.
t-ra tmazight ad t-TTef gh tilifizyun,yan aHil yuman(programme complet):
-isuyas n ddin (ighaln)
-taskla (litterature)
-taZuri (art)
-tunnunt (sport)
-tinnighin sawaln'in (déssins annimés) d isuyas n tazzanin.
-tasrtit (politique)
-inghmissn,
-isura (films)
-...d sul
aHil ad ,a'y-ebDu f isuyas imsawalen (de dialogue) ,usridn (direct) ,win usughl (traduction)...d ad ammZen tizi n kra i-la wass gh uSruf amaZran n ttilibizyun.(broadcasting)
tawwuri ad ur t-ZDar ad t-ly igh ur t-uws tawunkt (Etat) i ayt usnflul (creation) t-bedd di-sn s tidet ad i-ffegh s tillawt (realité),urd s tkerkas lli i-smaTaln, ar t-zzruy tizi ,ar tt'afuD tmazight s tmHelt (opération) n us3rrb.
tamHelt ad lli i-swwuri'n , gh uzmz n tasmaDlant (mondialization) t-eTTef akkw tigharasin timaynutin titrarin (modernes) gh i-ga:umqqen (constitution) d isinagn n us3rrb (institut d'arabization)...tadblin (admins) d isura n unghmis d talghut (canaux de l'information)...
wah! is i-ttyufka mayann akkw i tmazight ula nttat ...???!
-tiss 21 n tasutt ayad n-lla,nkwni imazighn urta jju n-TTef yat ttilifizyun ?! lmixxiyyat n wa3rabn TTaf-n uggar n 100 gh tilibizyunat n ugensa (satellite),ghila'd is'd akkw ffagh-nt kra n ttilibizyunat n "asmuzzg" (spécialité) gh lmixxiyyat n tazzanin ddaw 6 isggwasn ....wakwak ? lmixxiyat ttaf-n tlfaza ! nkwni amadan (peuple) bla n ttlfaza ?! sbhan llah !
nny-gh maya acku ,azzan amazigh mzziyn,ur sul dar-s tlli tZduri ad i-hDu tutlayt nnes mnid n tugtt n imassn n us3rrb lli i-tt'miggir ku ass.azzan ad i-ga'n imal n tmazight,Hati ur-tt akkw i-ssn ghassa !!!acku t-tt'wakkes-as gh isura n ulmed ( canaux d'apprentissage) n ku ass.gh tizi lli'gh tt'ufka-nt i tmllilin (chances) i tamHelt (opération) n us3rrb ad tt-akwr abaraz i tmuzgha.


Anejjar elbachir
amzwaru n RmDan 2958
Anfa.
azday s usmel: