Addag dw aggag (Tarezzift i Taylalt,Warassagh,Tanirt, )

Zalhoud a écrit:

Addag dw aggag


Tarezzift i Taylalt,Warassagh,Tanirt



Duf s titt dw ul addag
kakel s ifir s ughruc aghad
Zmer i laz a war a tar tiram
Zdem asghar gh unebdu i ukerram
Zwi s tayri argan ay aggag
Ger tayafut s tayyad
Fser gh unnerar abaûu att tut tafukt azal
Smun gh taryalin ifeyyic abercan acemlal
Sfiyyec ad ingiri igilim d ulumas
Ger dagh s urar tazerrart tedfar ultmas
Zzebzeg ghw aman ad ilwigh ulumas imalass
Regwet s tawwunt nw alus imassen fesusen gh ifassen
Ger dagh ad izli irg d tiznint
Ssely f inkan gh ufellun s turfett
Zed taweltimt s tewltimt gh uzerg tiznin sselinin
Zem ghtikint g gh argan gh timkilin
Ssanef tazegmut buffi i tefunasin
Sgudi irgen assenfed i takatin
Icc ddant ssenged aghrum ssenu iss gh tikinin
Bedu suter ssatun iw ussan n tassasin
Zzeghwer tawenza takyudt udmawen n tazzanin

Zalhoud

irghud i tamazgha irghudagh s umedyazngh ameqran (zalhoud)
ayuuuuuuuz ur illin tmi f tamedyaztad bahra bahra immumin li trzeft i tiwtmin n umadal ad (art-amazigh) !!

tanemmirt agellid n imedyazn :fleur:

azul,
asnumml n tmlmadin n tgharast n aTTay n zzit n wargan, ufka i tmdyazt taDfi immimn n zzit n wargan !
ayyuz gwma!

tamdyazt izîlen ikturn s tmitar, izzâyn s wammakn, ifrujjan s tuwlafin, ibughlan s tguriwin ittwaystayn!
tanmirt mass zalhoud