Derst itbirn de Ahmed Amentag

Tanirt a écrit:

Derst itbirn de Ahmed Amentag

( Paroles presque complètes( manquent deux mots ) chanson reprise par Hassan Idbassaid ici
http://www.musique-amazighe.com/Hassan-Idbassaid-Chanson-1.html)




Allah 3awn a msa lkhir a derst i itbirn
A willi lsanin lhrir lsin tacherbilt

Adagh ismun rebbi dyan igan tagadda nw
Mkenna ukan skergh i chut arka terjunt
Ad lqemgh tayyad acku tasa tga tazzant
Walaynni tasa d izri lli ur itsbarn
Ar n ttihmal igh nezra afulki hubbught
As meqqar ka ra ttid nssli s izri chethught
Ukan ar gis issa imik ukan gh lqelb inw

Igh ufigh ma menk neskar i ssaht ad jjint
Aggis ur tili tawda igh n rza itbirn
Rzemn i tmelsa n lhrir ula kra idlalen
A zud ighd iffagh u jeda3 ar is gellab ikhf
Ikkis rbatat i rzemd i tadla n lhbaq
Wannat izran igerch ig zud lgerh
Meqqar id3ad is isserqb i ghelb w agerzam
Igh i ttut s izuLa zud igh as gan lhint
Iku ma igan isafarn ad as kullu jjin
Tiggas lhub ula imik n tawda lli gisn
Ad inigh nit ullah ayni rad as jjint
A mendun kigh merdan ulawn nmuggurn

Mhubbun kullu mmerdun tamunt i itbirn
Inna s isker yan ikhf asa kulchi tazzaln
Ghikan ayga yan irdan awal n umddakwl
Imma yan gh ur illi lhub ad ak nit ibayn
Att ukan zern ar ittalt at ur tnmuggurm
Ya latif mamenk ikhwchen walli ur itqbaln
Lkhir igh ticha nakernt ukan f umddakwl

Ak ussugh righ ak neshagh igh urta tfhimt
A walli ur ittafen lahbab arten siggiln
A wanna iran a yawi saha nes ad igutn
Ad ur itmun d lahbab iganin imghdarn
Ah a yangh a ttili nniyt imun d imghdarn
Iss aka ukan tmerraten imma tyawghdarn
Inna s ifta kerzn gis ar isswa gabelnt
Lkhir ar kigh akw inwa mgernt imghdarn

Ukan meskin itelf ar nit agwma sendamn
Ah a ya ur issin dderbat n imghdarn
Ad ukan tawit rja ula lferh iggutn
S umarg n walli trit ukan gh lqelb nk
Ar ak iskar is iferh ira lmahabba nk
Ass nna s ran ak ighwder ittu lmahabba nk
Ittu lihsan ittu kulchi l3chert mdink
Ukan ifkak lkhater ar kigh ak nit iberrem
Ak ukan yut yasi yakd adar f nnig ikhf

Ghikan a igan igh iffugh laman imghdarn
A tamunt n lghdertghinn agma ah ddant
Yan issen ma iskar awr isahb imghdarn
As mqqar nit iga lhal tamerzuqt
Iliq a ukan a ikerz akal llit isserbahn
Ad ukan dah ur ittluh amud I imghdarn
Ass nna mgern midden tsaft nttan yasi gisen
Immen3a tadsa n midden ( ... )
Ukan mskin ar ittanf iffagh tamazirt
Ula laswaq ihermas rbbi at ikk ugernt

Ighn ilkemn lkhdert ur attin sul zzrayn
Ad as isghu skkar idfert lhsab igguten
Immen3a ddin a lahbab ih idfer babens
Ur yakw sul ittafa lkhatr nes igh igawr

Lkhelq igh gis illa swab mqqar kullu dars
Bbin ayda n ddunit yili lkhir igguten
Aggis ur yili lkibr ula lawsaf iherchen
Issan izd rbbi at ikhelqen idalb as
Ad as ifk lkhir achku nttan aygan ddamen
Ur jjun fllah isha (.... )
Awanna igan amumn ad ur ifk itagant
Ad ur if I lkhla at ur ich wagrzam
Ima ha ifis nttan is ukan bdda disen
Nmmagh achku ghassad lahmum gguten

Azul tanirt
Iggi n ikadiwen agh nettirir ghakud lli urar ad bahra igan agherfan(populaire) lligh sul nmezziy!
Issusmiyi lligh dagh kwtigh tazayya inu
Tanemmirt
Ayyuz nem
Gwmam zalhoud

Salam ultma tanirt,
ssousnentiy bahra tinddamin ad n ahmed Amentag, gan kollou iwaliwn iqqdimn ttafnin lniâna !
tanemmirt nm à ultma f mad tssouft!
Ayyuz nm ar tiklit yadnin
Taylalt