maxx ?!

Maxx ?!


Tiblilla lulnt g tillas
Ffeghent s tifawt
Isli tnt uznẓaṛ
Jedrent, frurint !

Rbigh akkw tizgalin-inu
G uḥbu nu… kermnt
Zegrn ussan, urrin-ed
Feln enn akttuy !
Anzgum isbedd adrar
Ibruri g ul-inw
Ul igrawla flla
Tagrawla mani g tt ilmed ?!
Ghalgh is lligh g ir
Nnigh; unnigh aniren
Ar neqqagh ussan
Ussan is ar iyi neqqan
Ar flla ṭṭaṛen ghemk ann
N ufraw n waddag f wakal !
Rad akwigh ar amya
Ssntigh, aqqlaygh !

Maxx nuru tayri
Nels as tafaggut n ukukm ?
Maxx tegṛeẓ awn tekndawt
Ttirim ghar ixf ?!

Gar asyafa inbaḍ
G idmarn-inu , yimyur
Ar t isswa gar aghal
Teẓẓam g ulawn nnun !
F mit tusim takendawt
Tejdrem tizdayin
Temḍlem tayri iddren
Taswin…takniwin !
Tesnghubam ussan nnun
Teccukkum wingh ad tn iliḥ !

Ttinim tewatsm tuska
Issnat is ar texllum
Ayrad iga takiyyawt
yurri dagh… ayrad
Ilsa taqeccabt ann
As gwnan imernutn !
War taggayt ifessus
Ufan ijawan tasurart !

Nelkm ghemkann adlli
S inna yan yuremn :
Yan mu teggut ar tt iḥḥelb
Ig tedrus ar tt ittellgh !!

usam

Masst
27/08/2958

Azul anabay,

tghwzant amadal d tudert ligh ur tlli tayri, agisen mdeln mdden tadfi, d ufulki n umsyafa...urt gi tudert, iqqand a ten ssaqsa, Max?....issusmin amargen, ikchmin s ul, ak isserbeh rebbi.


Titritasa

anabay a écrit:

Maxx ?!


Tiblilla lulnt g tillas
Ffeghent s tifawt
Isli tnt uznẓaṛ
Jedrent, frurint !

Rbigh akkw tizgalin-inu
G uḥbu nu… kermnt
Zegrn ussan, urrin-ed
Feln enn akttuy !
Anzgum isbedd adrar
Ibruri g ul-inw
Ul igrawla flla
Tagrawla mani g tt ilmed ?!
Ghalgh is lligh g ir
Nnigh; unnigh aniren
Ar neqqagh ussan
Ussan is ar iyi neqqan
Ar flla ṭṭaṛen ghemk ann
N ufraw n waddag f wakal !
Rad akwigh ar amya
Ssntigh, aqqlaygh !

Maxx nuru tayri
Nels as tafaggut n ukukm ?
Maxx tegṛeẓ awn tekndawt
Ttirim ghar ixf ?!

Gar asyafa inbaḍ
G idmarn-inu , yimyur
Ar t isswa gar aghal
Teẓẓam g ulawn nnun !
F mit tusim takendawt
Tejdrem tizdayin
Temḍlem tayri iddren
Taswin…takniwin !
Tesnghubam ussan nnun
Teccukkum wingh ad tn iliḥ !

Ttinim tewatsm tuska
Issnat is ar texllum
Ayrad iga takiyyawt
yurri dagh… ayrad
Ilsa taqeccabt ann
As gwnan imernutn !
War taggayt ifessus
Ufan ijawan tasurart !

Nelkm ghemkann adlli
S inna yan yuremn :
Yan mu teggut ar tt iḥḥelb
Ig tedrus ar tt ittellgh !!

usam

Masst
27/08/2958

max ??? aseqsi y ed as tsghuyyu iman jaj ugens n kri gat yan iferk izelm tawllaft n umada ed gh tidet ns !! iferk i takziwin tudert igan am tin wudc ur tffaw ur tllas !!
gant beda timdyazink mad naqra nals i tighri nalsas dagh !! acku ffaghent zegh tasila n tasila n ull nk amedyaz !
ayuuuuuuuuuuuuuuuuz nk amedyazngh !!!

azul ayt ma !
tanmmirt ultma Titritasa f tannayt nm, mmergh kigan llig km tessussm tmdyazt !
tanmmirt kigan!

gwma ZalHuD, tanmmirt kigan f iwaliwn nk fkanin atig i "maxx ?", macc iqan d g tizwiri ad iyi tsurft llig ag nn smaTelgh tamrarur f usqsi nk; assaghn ann akkw lli iyi tfkit, ssnght n, macc d tidt ur d tussna idusn !

ultma tanirt, iga iyi addur mqquRn ad takkat gb wakud nm i warratn inu, teghrt , talst, terms, tslDt !
tanmmirt kigan!

azal mass anabay
ma rad ak inigh, ad ak ggallgh ar iyi tsrgagi tmdyazt nk iman!
tga anaw ikturn s tinayt, s iwlafn idran, s tmawayt n ugwns, s tguriwin ittwaystayn!
ar ttsyafagh tumrt iggutn igh ghrigh kra n udris idusn ighusn zund wwad, ar ssyufugh is gigh aylal ur yi sul yumi mani s tadfi d tamimt!
vraiment ar k ssimghurgh, tsmdudi iyi tmdyazt nk a gwma!
ghas righ ad k sqsagh is d kiyyin ad igan mass buts3id n mast?
igh iga kiyyi, hann a gwma surf iyi igh ak nnigh ar bdda aqqragh aylli ttarat g ighmisn, ar iyi ikttur s tumrt, tanmirt ay amdyaz mqqurn, igh t tgit ula igh t ur tgit, hann adris nk immim, immim, immim!!!

azul mass usus !
tumert igutn as gherigh tannayin nk, tdus tgharast ann s tSldt aDris ar tmmal is tngDt ger tguriwin tagwmt ed ammagn d tswingimin ghar s lHil !
tugga nk tga atig mqqurn i mad urigh.
tanmmirt kigan mass, rad nql ad ngher amaynu nk!
gwmak buts3id u masst .