Tawargit ijlan !

Tawargit ijlan !


Ar beda twaragh s umadal yadnin , akal-ns afra igena-ns tayri ,acnyal-ns tagwmat, ad ig yat tmazirt yat tutlayt, ad ur yili amyagar ger afgan aseggan d amellal ,ad gis ng yan tg tangaddayt taglidt ! mac is agh ka twargagh , aylligh ilkem yan idd ,zrigh gis amdal wi-ssin, ur irwas wad s twargagh gh amya ! gh idd-en ijlan ,ufigh ixfinu g yat taddart taqburt ,ur ssengh man akud ad sers kchemgh!! gawrgh sdugh aqllalinu d ughrab am igh sunfigh ,mac agwnsinu immerwi d unnellinu ,ar ka gis tjiwwint iswingimn ,am igh ar tqqelgh s may ggutn g abergmmi yan !!


imik ,Tkcem d felli yat tqeccict ,ur t ju zrant alln inu, azzar ns immerwi tsker gis akyud igzzuln ,udmens ikwerc ,tles yan amlsa yugert attas is agh itikrir ,tifras n udmns ur feli aggugnt ,am igh jjawnt allniw aghenbub ed awerragh !! ar yi taz s twada izdayn ,ar tqqelgh ad tsawl mac tqen imins am igh gwnanet tanfurins ,asmaqel ns illalen n uffurn , ar yi taz ar tjiwint tiwlafin n ikwtayn g timektit inu ! s illes izdayn itrgigin seqsaght : MAD TGIT ? AM IGH KM MYARENT TITTAWIN INU ?
Ur trur f usqsinw !

tsers imnid inu yan afniq , am ighd ikka immigh amedlan izwarn ,izzef akw ,irez g yat tsga ,ist ka thil aylight tsers ,tnnayi s wawal idran :
-AFNIQ-ED WIN TAD !! TAD N TAWLAFT-ED YUGELN G UGHRAB !!
Allegh ikhfinu ssiwngh allen i ughwrab ufigh tawllaft inu tugel ! ccudigh izrinu g tittawin inu zgant gh tawllaft , syafagh is tyakargh zegh amadal inu ar wayad ,ar tsghuyyu iman inu s usqsi : manigh lligh ?? max assef –ed ur irwas usfan ur gis idd ur gis azal ,ur iffaw ur illas ,awd akud ur t syafagh !!
Tzmmumgh taqcict gh udminu ,tqar s illes izdayn : TLLIT GH IMAL YAZZEN ! IS UR TKWTIT AFNIQ-ED ? RZEMT ...RZEMT !!

Ur ju syafagh am amsyafa ed , ksudgh, ull inu ar itgigi ,gewtgh syafagh akwrram zegh aqllal inu ar tifednin inu ,zzrix afuss itnettern s twda iggin afniq ,afad ad sfedgh akdrur t ideln ,izzef s tighzi n iswggasn ,mac ukzgh tiggest gis illan, tghwzan taqccict ,afniq ed iga winu ,mac iga sul gh dari amaynu !! allegh ikhfinu at seqsagh ,ur t ufigh ,iz d is tffagh urt zrigh ,neghd is t issum akal ? ur akw sellagh i tawada ns izdayn ghkelli yas sellagh ligh felli tkcem !!

Rzemgh afniq imik s imik ,ksudgh ad gis afegh mad sri izlin , annelli inu immagh d ull ,immerwi ugensinu ,mac tdus fellasn tayrinu xf ad akwzgh uffur ed !
Rzemght sudgh f ukdrur afad ad zelmgh mad ihda !
Ligh zrant allninu tighawsiwin en tugh ikhfinu tugh asqsi n iman am igh muddigh i tisnat wal s umadal myargh gis ikhfinu ! ghid tiwllafin inu d tin babanu d yemmi , zzefnt s tighzi n ussfan ,ghid tifillut gis tallubant yi trzef utcma g akwtay n tlalit inu wis simraw !ghid talulluct inu hdigh t zegh timzi ,ghid aghanib d tugt n irratn d idlisn d allug n ikwtayn inu , ghid tibratin n winwul d twellaftns , gis adu n tayri d tummert d attas n tgudi ,ghid akud ibed g tinwudc !! ghid tudert n kradmraw n uswgas !!

Kradmraw n uswgas ka ?? ghunckad llan ussfan inu ? max ? qqengh afniq ,righ ad allagh mac alln inu zwant rufent !!

Sdigh dagh taqllalt inu d ughwrab ,zmumegx g udem n tawllaftinu ityagaln ,ukzgh izd tudert tga yan wass , djigh d umadal n bedda,ur gis afud ur gis akud ! yakwriyi ides irar iyi s umadal n tillawt ,mac gras d tiwurga ifili n tidt !

Ig amadal n ufra tawargit ijlan !!!


tanirt n tafraout

azul ultma,
zzrigh yat tsragt mZZiyn bahra ifulkin g teghri n uDRiS nm,
neql s umaynu seg darm !
ayyuz !