asklu ijlan

Tamzgunt « asklu ijlan »
une pièce écrite par: Lahoucine MOURABIH itrinit


ard ittâr tifawt (lumière) f taslit … tgiwr f yan ujarif …
tmmatti … tbidd f ujarif … ar tsflid uzawan (musique) … tmun dis ar tsmmussu ifasn …
trqesd zgh ujarif … ar tazzal ar tkka asays ….
yan ufrukh d yat t tfrukht skubbern, adern i ikhf … arasn tsutul taslit … tgenn afus tsbidd afrukh … tgen wayyad tsbidd tafrukht … munn ar thucn s krad …
lligh ikeml uhwach … tg as taslit tazzla tbiddn gh iggi ujarif …
isawld ufrukh, blan ismaql gh taslit :
afrukh : kmmin aygan … kmmin aygan lalla tengh … kmmin aygan taslit ….
tafrukht : kmmin aygan lallas n tslatin …

tgwizd taslit zgh ujarif …. tummr … ar tdssâ … tbidn gh ikhf n usays … ar tsaqsa …
taslit : nkkin ?
argaz d tayri : iyyih … kmmin …

ar dagh tdssâ taslit … arasn tsutul … tawkn tayri s dar ujarif …. tagwl asn lkummiyt gh umggêrd … tnna yas :
taslit : kmmin … kmmin aygan tayri ….

ar tazzal tayri dar urgaz, art tsaqsa :
tayri : izd nkkin aygan tayri ? is as tsfeldt ? … tnna … nkin aygan tayri … hiyya nkkin ghilad tigmmi inu tllan gh ulawn …

ikkd imik n uzmumg tayri, thecm, tadr i ikhf …
ar itqqel urgaz s tslit marra das tini … urd sers tsawl … ismaqqeln gis … inna yas …
argaz : amma nkkin allallas n tslatin ? … ttut iyyi ? …

tackid dars tslit s tazzla … aylligh asn tugl lkwummit … tgas dagh tazzla ayllighn tbidd f ujarif …
taslit : uhuy … urk ttugh … kiyyin … kiyyin aygan argaz …
argaz : yyaq … yyaq … (ar ithuc … iskr aberdakk) … nkkin aygan argaz? … hiyya nkkin ghilad arragh islimur ? … nkkin arrad ighwi alggamu? …
tayri : iyyih … kiyyin aygan argaz … aynna trit art nskar … aynna trit nawitid …

urn itam urgaz tajmma3t ad gh tayri… isaqat dagh …
argaz : mas tnnitt ? …
tayri : nnigh ak … mad trit ? … mad trit ad ak tid awigh …
argaz : mad righ ayyi tid tawit ? … (ar iswingim)… mad righ… mad righ … nkki righ ad iyyid … ad iyyid tawit … taslit …

tayri (ar tdssâ) : taslit ? … (ar tdssâ) … taslit ra dak ttid awigh … makh urd tayri ad issilgwighn ulawn … mqqar qqurn zund azru
argaz : hiyya igh iyyi tid tiwit …
tayri : urd ghilad … ar kigh tzri tamgra …  
argaz : helli ? … ghayan k akm issuheln ? … tamgra nttat nit ayad ….

ibdu uhwac d urarn …

-----~--------~--~-----~--------~--~--------
ar ithuc argaz d taslit … ar tkka tayri ngratsen … zund igh aten tgnnu …
termi tslit, urt sul usin idârn ns … ur sul tzdâr ad tbidd … macc argaz ntta ira ukan annit sul thuc d taslit …
yat tizi … tdêr tslit … isbidd st urgaz … tdêr dagh … isbidd st …

imik ar tsellan ikran taghlaghalt imun d tghwuyyit tkkad tuggugt … tsdûrdêr imzgan nsn … ibidd urgaz ar isiggil manid itkka taghlaghalt … irzm i taslit tdêr s wakal …
tasi tayri taslit, aylligh ttin tsers gh taman ujarif … tiwrrid tbidd gh taman urgaz … kra igatt yan iga afus f lkwummiyt ns … ar tqeln s marrad ikcem …

gh tizi yad ikcmd yan imzdi …


-----~--------~--~-----~--------~--~-------- (à suivre)

Tamzgunt « asklu ijlan »
une pièce écrite par: Lahoucine MOURABIH itrinit

-----~--------~--~-----~--------~--~-------- (suite)

ikcemn imzdi ... yussi yan wawelk f ighir … ar itsutul i ujarif … taslit tzel ukan gh mnid n ujarif … ur atmussu …
ibidn nit argaz gh mnid n imzdi … ikk ngras d taslit … ar itturri imzdi tighurdin … innad s lhess :
imzdi : ingbiwn n rbbi …

igelbn argaz s tayri … inna yas …
argaz : inna ingbiwn n rbbi … skcematt … awatt ar anwal …

iferk urgaz s mas inna … ilu7nn nit asmmaql f imzdi … inna:
argaz : anwal ? … matt innan ? … izd kwunni wanna kwn ukan iruccn s sin iwaliwn … ukan terzemm as imawn ? …
tayri (ar t3ejjab) : tghwzant ayargaz … han tkka fllagh … ast sar ur nttu …
imzdi : makn awddi yaghn ? … makn ilkemn ? … nkki … han ur gigh zund ghwwin … nkkin han walu ma ggiti tksûdm …

tddu nit tayri … tbidn gh mnid ns … tnna yas …
tayri : makh … madak innan han nksûd ?  awa hann !!! …

yawk ttid urgaz …
yall urgaz izri ns gh imzdi …
argaz : ma tgit ?
imzdi (ar ismuqqul ikhf ns) : manwa ? … alsas … manwa ? … izd nkkin ad tsaqsat mad gigh? …
argaz : mad awa irbbi tgit ?

yasid imzdi yat tagwbalt gh wawelk ns, art ittenqqar …
imzdi : nkkin ? … walu … angbi n rbbi … lamant n rbbi … walu … tagwbalt ad … hatti … khta … ist itzram ? … khtad … khtad as acttagh igwuyya n midn … a7 awa … aghrum … aghrum asers cttagh …

ar ikkat imzdi tagwbalt ns … yawid yan ddêrb … taws as tayri  s recc … issusemt uhwach … argaz ntta ar isberdakk …

-----~--------~--~-----~--------~--~--------
llighd kkan yan ufus ... tbidd tayri ar tsalsa ... tgelbd s dar ugdud ...
tayri : ahyatawi ? … awa ha dêrb … isen murran i lehdêrt …
argaz : menck ayad nsiggil mad agh itggan rrays … ig agh a3llam … ghilad hati nufat …

igelb nit argaz ar ismuqqul imzdi … ismaqqeln gh tayri …
argaz : nufat ? … wah makh mad iyyi yaghn nkkin ? … izd nkkin ur sengh ad ghwigh allun ?
tayri (ar gis tdssâ) : urd ghan a yanafal … amheddêr n tmazirt ur a isferraj …
imzdi : tghwzan ak … ur aysferraj … iyyih … iyyih … ur aysferraj …
tayri : nekwni … ar yadlli bdda ntelli s mad agh iqqayn lmizan …
imzd : makh … mayadlli tgam kwnni ? …

-----~--------~--~-----~--------~--~-------- (à suivre)

Azul Itrinit

BRAVO !!!!!!! j'ai beaucoup aimé ce début de " asklu ijlan"
Belle histoire!!!!!
Comme Farid, j'ai hâte d'en connaître la suite!!Ne nous fait pas trop languir !!

Ayyuz nk Itrinit!

azul gwma Zalhoud
azul ultma Tanirt
Merci pour vos encouragements,

tanmirt nnun

Tamzgunt « asklu ijlan »
une pièce écrite par: Lahoucine MOURABIH itrinit

-----~--------~--~-----~--------~--~-------- (suite)

imzdi : makh … ma yadlli tgam kwnni ? ….
argaz : ta7ggart ayad … wah telkemt gis … ad iyyi tsaqsat gh mad gigh ? … mac mani yadlli gh rad iyyi tsent ? ….
imzdi : ingbiwn n rbbi … ml iyyi ma tgit … irak lkhatr …
argaz : hati sengh is iyyi ira lkhatr … urd kiyyi katt innan … awa hati nkkin … nkkin ad igan argaz n tmazirt …
imzdi : wahduk wahduk ? … wahduk aghid igan argaz ? …
tayri : iyyih … nttan aygan argaz …
imzdi : ra fllak yizî uzâzû … rad tmerrt … iga urgaz wahdut … amznn … ssifsus i taggwat …

irucct imzdi s kran waman … ikdûtn urgaz … amzent timlilay … arn ifttu dar tayri … inna yas ….
argaz : irucc iyyid s kran waman … skernt iyyi kran timlillay … ghmkad ahenna hlant … mmimnt … zund igh ssudigh tagwut …

idêrn f tayri … tamzt … terzm as … idêr gh wakal …
tayri : manwa ? timlillay ? … ahya … yak urd aman n ifis as kid irucc ? ….

argaz ur a sul itmussu … tmmagh dis tayri aylligh ibid … yuttn s mnnaw izmuzzal mkhabbalnin… ibidd nit ar isillif s ufus …
argaz : nkkin aygan argaz … argaz ayad … allah in3l bu tirrugza igh ur gint zund tinu …

tra tayri at tamzt at tsgawr … ifertl as …
imzdi : ast gis ur tawit … is as ka hawelnt timlillay … irgha ugayyu ns …
argaz : makh urd nkkin ad iccdên gh trgwa … nnigh asn tlla ghid tallaght ? … afen ttin tga ssaht …
imzdi : pikh … pikh …. Saht saht ??? …. tlla gis tallaght ? …
argaz : saht …kullu maybna yan abla ssaht ard ikhllu … makh urd nkkin ayyutn s lbab n uhanu … idêrd ughwrab ukherbich … nnihg asn ur sul ghid mad ishan … nnan kiyyin tghwrit … tharct …
imzdi : tghwrit  tghwrit ? ….  Hiyya kiyyin ghilad … ar ttarat … ar tsaqqrat …
argaz : mas ak ukan ttinigh ? …

yasid imzdi yan ugwzzum n twwuriqt gh wawlk ns … ikft i argaz …
imzdi : awa ghwin ghilad … zayd ghr khtad …
argaz : ur sul ghin kran timlillay … zund khtilli n gam …
imzdi : udantk khtin …

Idhit in imzdi … igawr urgaz gh yat tghwmmirt … ar isgellab tanfult gh ngr ifassn ns …

-----~--------~--~-----~--------~--~-------- (à suivre)

Tamzgunt « asklu ijlan »
une pièce écrite par: Lahoucine MOURABIH itrinit

-----~--------~--~-----~--------~--~-------- (suite)

tayri ar tfttu gh mnid n imzdi … igh tdda … tadûd … art ismuqqul imzdi … ar as yaqqra …
imzdi : tsss … tsss … aywad s ghid … makh theccemt ??? nkkin driwc n rbbi kad gigh …

tlkmt inn tayri …
tayri : makh … makh … mad ak innan hccemgh ?
imzdi : allah ukbar … kkigh kullu timizar …ur jjun nkkin ayzran afulki zund winm …
tayri : nkkin ?? ….
imzdi : iyyih … kmmin …
tayri : afulki … fulkigh aylligh rmigh … mac afulki lli jjun ur tzrit … tiwitt lallas n tslatin …

imzdi ar isiggil manigh tlla lallas n tslatin …
gh tizi yad … taslit lli yadlli izzêln gh ddu ujarif … tmmagh ad tbidd … ira imzdi as ttin ilkm … tghwit tayri …
tayri : aywad s ghid … mani trit ? …
imzdi : is ka righ ad ftugh add gis zûrgh … s imik n lbaraka …

yasid imzdi kra n tifizza gh wawlk ns … ikftt i tayri …
imzdi : ghwi tifizza yad … awitt i lallas n tslatin …

tghwit tayri tgttin gh imins art itfezzaz …
imzdi : urd kmmin … urd kmmin ammut fkigh …
tayri : sengh … macc imillu igh ira tazart … arn sers itkka tarmmant …

yasid imzdi yat tazra gh wawelk ns …
Imzdi : hak … zayd awi khtad i lallas n tslatin … tint as … tifawt tkkad agharas …

Isn ukan tsers tayri tazra gh umggerd n taslit … tbidd nit … tamz gh ujarif … artn tsmuqqul … yan s yan …
argaz lli yadlli immaghn ar yaqra tanfult gh tghwmmirt … ibid … inna d ikhf ns …
argaz : mad awa illan gh tnfult ad? … ar aqqragh aylligh rmigh … ggammigh man gis ttakwzgh … walu … tirra n izan … ghinna yasd kkigh … gin  aghar rcûm …

yasid imzdi tagwbalt ns … art ittenqar … ar tsutuln i taslit …
imezdi : haw haw haw …
argaz d tayri : haw haw haw …
imezdi : haw haw haw …
argaz d tayri : haw haw haw …

-----~--------~--~-----~--------~--~-------- (à suivre)

Tamzgunt « asklu ijlan »
une pièce écrite par: Lahoucine MOURABIH itrinit

-----~--------~--~-----~--------~--~-------- (suite)

taslit umzent tmlillay … ur sul tzdâr ad tbid … tdêr …
igenn imzdi afus ast isbidd … yut argaz s udar ns …
argaz : mad innan ughyyul n babak … ad as tselkemt afus …
imzdi : aghyyul n baba ? …
tayri (tsawl s argaz) : makk yagh a yargaz ? … han iska ira ad as yaws a tbidd …
argaz : iyyih !!! … is ka ira ad as yaws … urrad as isselkm yan afus mahdd argaz isul sul … han tdêr yad … is jjun illa mad as iwsn ad tbidd ?

tmmagh taslit ad tbidd wahdut … ira argaz ad as yaws …
imzdi : uhuy uhuy … ad as ur tselkemt afus …
argaz : mas inna ? …
imzdi : mas inna mas inna … inna yak han khtan urd is helli tdêr … khtan ist luhn …
tayri : ist luhn ? …
argaz : mast iluhn ? …
imzdi : righ ad awn inigh … is tiymlak …
argaz d tayri : tiymlak ???? …
imzdi : iyyih ttiymlak … tkcemt yat taghwzênt bahra ikhcenn … igh tfta ardd gis tffagh … rakkullu tamu amadâl …
argaz : aynna ttid ikkan … aynnad gis iffughn … wingh ad iga … nzdâr as …
tayri : mammu tzdârt ? … argaz ? … izd kiyyin nit ad isawaln ? …
argaz : uhuy … is amt ka ikeccêd lhal …
tayri : iiiih artt itga tgellint … tlla gis taghwzent … (tayri ar tergigi s tkessâd) … tlla gis taghwzent …

tdêr nit tayri s wakal … immagh argaz ast isbid … isaqsat …
argaz : maggis illan ? …
tayri : taghwzent …

dêrn ssin argaz ula tayri …
tbidd taslit artn tsmuqqul … ar asn taqqra …
taslit : argaz … tayri … makwn yaghn ?  makwn yaghn arn ka ttagwugm ? … argaz ! … argaz ! …

ibid urgaz ula tayri s tkessâd …. Ftun rekwsn gh tghurdin n imzdi …
argaz : mammu tghra ?
tayri : kiyyin …
argaz : nkkin ? … uhuy uhuy … ur sul gigh argaz …
imzdi : argaz ad tgit …
argaz : nkkin nit ? …
imzdi : kiyyin … argaz ad tgit … mrad is ttin telkemt ? … ur  sar illa mak izran … han taghwzent add gis isawaln …
argaz : awa llil aghd s usafar igh dark illa …
imzdi : asafar ? …
tayri : iyyih … asafar …
imzdi : igh tram asafar iqqand ad zwar tmcackim … acku ragh kullu sers tllim … iqqand azzwar tgim yan …
argaz : nmcuckad … mlagh aghar mad igan asafar …

ar ifttu imzdi gh tuzzûmt n asays ar iswingim … ittfûrt argaz d tayri … ar tqqeln s marrad inna …
imzdi : iyyih … asafar igat … asafar igat … igat asklu ight tufam …
argaz : mas ira att inna s usklu ? …

tsaweld taslit …
taslit : swangm ayargaz … swangm tferkt … igh ttâst han tmmutt …
imzdi : ay … han taghwzent ar ddagh gis tsawal …. Tyaqqnat … sigglat s usafar … sigglat s usklu …
argaz : asklu … ntta akkullu irkhan att naf …
tayri : rakk izwirgh sight ufigh …
argaz : uhu nkkin arrakm izwir …

-----~--------~--~-----~--------~--~-------- (à suivre)

Tanemmirt nk à ugma itrinit f taqqsit ad n asklu ijlan ...Ur jjoun ak ssingh isah ijlla usklu ayllight zrygh taqqsit ad nk lli ufoulkin !
j'ai beaucoup apprécié cette belle histoire merci pour le partage


Taylalt

taylalt a écrit:

Tanemmirt nk à ugma itrinit f taqqsit ad n asklu ijlan ...Ur jjoun ak ssingh isah ijlla usklu ayllight zrygh taqqsit ad nk lli ufoulkin !
j'ai beaucoup apprécié cette belle histoire merci pour le partage

Taylalt

tanmirt nm a ultma.
ummergh bahra lligh km tssusm tamzugunt ad.
asklu a ultma ijla yagh, hati art isiggil urgaz d tayri ghilad, rad nzer is ratt yaf nighd uhu.
macc han igh ur tlla tafukt a ultma nighd tifawt, ad akw ur nsiggil asklu at naf.

ghaylli ifulkin gh tamzgunt hrat lkemgh a ultma, zuzdgh ad tissan mad ijran urgaz.
akm ur ilih a ultma.
tanmirt nm

Tamzgunt « asklu ijlan »
une pièce écrite par: Lahoucine MOURABIH itrinit

-----~--------~--~-----~--------~--~-------- (suite)

tayri d urgaz ar siggiln asklu … kwnan ar smmussun ifasn … ar ttirirn …

tayri d argaz :
nnan ighwad
nnan ikhtad
ah aghwwad ittellin
s usklu ur tufin
ar iqqaz ar iqqaz
ar cnubbucn
ar siggiln
asbukâd
afus ad
yant iran
att yasi

ibidd urgaz d tayri s yan ddûr … ar tenta3n tama n idârn n imzdi … ar ttinin i imzdi …

tayri d argaz : hati !!! … hati …
tayri : ufight sul …
argaz : ad ur iffertl … ad ur irur … amzât s ucttâb …

arn ifttu imzdi s darsn … artn ittemnid …
imzdi : manza asklu ? …
tayri d argaz : hatid …
imzdi : ghwann ur iga asklu … kullu kullu mad itmattayn … ur iga asklu …
argaz (isawl s tayri) : urt igi ? … is as tsllat ? …
tayri : izd nkkin ammu rat itinit ? … han kiyyin aygan argaz … argaz n tmazirt … ur tzdârt adagh taft htta asklu …
imzdi (ar idtssâ gh urgaz) : argaz ? … ghwwad nit ? … ghwwad urrad awn yaf yat … is akwn ijellu … igh tram asafar … hiyya ghwwad … att sul ur tgim d urgaz …
tayri : nkwni ur akw yadlli dar negh mad neskar s irgazn …

tjjukrru tayri argaz s mnid n imzdi …
iknwu argaz gh mnid ns … icuwwr aylligh ikkis lkwummit ns … ifkt i imzdi … idelt imzdi s uhddun ns …
tizi yad tmmagh taslit ad tbidd …
artt smuqquln … ksûdent … tsawl taslit tnnad :
taslit : ar tllim s usklu ? … is hra tkcemm i tillas … ur rad tzerm abla tagwudî … nkki sawelgh … mac marrad issfeld … argaz igllin iwit wasif …
imzdi : iyyih … iwit wasif … iwitn akw wasif …
taslit : iqqand ad sul yack wass lligh rak tjder takat … iqqand … iqqand …
imzdi : ist itzram ? … is as tsellam ? …
tayri : manta ? …
imzdi : taghwzênt …taghwzênt ar ddagh gis tsawal …taghwzênt urtt sar tffagh igh ur tufam asklu …
argaz : lhurma nk … ml agh mani ghn intl usklu …

imzdi yittin zgh urgaz … iddu dar tayri …
imzdi : igh tram asklu … iqqand azzwar … iqqand azzwar … azzwar …
argaz : madd iqqann … nsthennak … makh urd nkkin ayccdên gh trgwa … nnighasn tlla ghid tallaght … afen ttin tga ssaht ? …
imzdi : iyyih kiyyin tcatêrt … aywa igh tram asklu … iqqand azzwar ttaym tillas …
argaz d tayri : ad nttây tillas ? …
imzdi : iyyih …
argaz : makh bayent ak awddi ghid kran tillas ? …
tayri : awa han dagh tillas … wah nsfaw nit …
imzdi : nkkin attent ittannayn … ssutelnt awn ukan … igh tram asklu … awa ttâyât tillas …
argaz : mas ira att inna s tillas ? …
tayri : wah … tillas … makh ur tsent mad igan tillas? ...
argaz : mas iz nqqel ? … yallah a tayri inu agh nttây tillas …

-----~--------~--~-----~--------~--~-------- (à suivre)

Tamzgunt « asklu ijlan »
une pièce écrite par: Lahoucine MOURABIH itrinit

-----~--------~--~-----~--------~--~-------- (suite)

argaz d tayri ar ttâyn tillas gh usays zund igh attâyn izan …
imik s igh ar tehdârn … ar ttirirn …
argaz d tayri :
hass hass … hass hass
nnan i ghwwad … nnan i khtad …
add ihiyyeh i tillas
wa ffugh amt a tillas
han babam yutt uram
innam ar tzzîg amûcc
ar tsendwu gh ucwari
hass hass … hass hass
hass hass … hass hass
wa ffugh amt a tillas
wa ffugh amt a tillas
hass hass … hass hass
hass hass … hass hass
hass hass … hass hass
hass hass … hass hass


imzdi : hakkak …

argaz ar isillif i udm n imzdi ...
argaz : Hass hass … hass hass … nggammi mad nttây …
imzdi : hakkak dagh … ur tufit yat ? ... ur ttâyt yat … kiyyin lli icatern ? ... kiyyin lli ighran ? … kiyyin lli iccdên gh trgwa ? …
tayri : ahya … ighwzan imzdi … mani yadlli tkkit kullu ghayd izrin ? … ayllighd uckan wiyyâd afend tillas gh dar negh ? …
imzdi : kiyyin … walu mad tgit …

tjjukrru tayri argaz ar mnid n imzdi …
iknu urgaz … ikkisd ajjbir ns … ifkt i imzdi …
argaz : lhurma nk … lhurma nk llil aghd s usafar …
imzdi : asafar nnigh awent …. is as ur tzdârm … nkki han urrakwn matergh ardd sigh tffagh taghwzênt … rakwn felgh …

ifeltn imzdi … iffagh … ar as yaqqra urgaz ...

argaz : uhuy … ad agh ur tfelt …
tayri : waaaaa inna hnna … taghwzênt rad agh tg ttîrt … lhurma nk urrid … urrid ad tzêrt mammu tzdâr tayri …

tbidd taslit …
taslit : ambarki nnun … ambarki nnun a tarwa nu …

irwel urgaz … ar itgga taghwuyyit …
Argaz : waaa inna … tccîgh ….

tayri tbidd gh tuzzumt … tksûd … ar tenta3 taslit …
tayri : ta … ta … manzak ayargaz … ta .. tfelt iyyi wahduyyi … ta … ta … taghwzênt ….
taslit : mad tksûdm a tarwa nu ? … is ttum mad gigh ? … nkkin aygan lallas n tslatin …
argaz (iksûd) : kmmin … taghwzênt ad tgit … hma rbbi gham nlla … ikka rbbi ngragh dim …
taslit : ambarki nnun a tarwa nu … alligh awn iga tawala … magha tsunfum … ijla urgaz … manzak ayargaz ? …

ar ittazzal urgaz irkws …
argaz : ur sul ghid lligh …
taslit : ijla urgaz … tmmut tayri gh ulawn …
tayri : wa inna hnnaaaaaa … mad iyyi innan ad ggh tayri … aghar ar iyyid itenta3 s udâd … wakwaaaaak ddigh gisent …

ar tturri taslit tighwurdin imik s imik aylligh telkm ajarif ... tsdu fllas ...
taslit : makwn yaghn ? ... makwn dagh yaghn ? makwn yaghn arn dagh ttaggugm ? …
tayri : manzaaaaaak … manzaaaak a dadda imzdi … lhurma nk urrid …

ikcemd imzdi ard ittazzal …. ibidd gh tama n tayri ... yamzt gh ngr iffasn ...

-----~--------~--~-----~--------~--~-------- (à suivre)

Tamzgunt « asklu ijlan »
une pièce écrite par: Lahoucine MOURABIH itrinit

-----~--------~--~-----~--------~--~-------- (suite)

ikcemd imzdi ard ittazzal ….
imzdi : tghrit iyyi ? …
argaz d tayri : iyyih a dadda imezdi … nghra yak akw …
imzdi : makh aylligh iyyi tghram ? …
tayri : acku ar ddagh gis … ar ddagh gis …
imzdi : ar ddagh gis tsawal taghwzênt ? … han nkkin nnigh awent adelli …
argaz (isawl s tayri) : shurmut … shurmut ad agh ittây tillas … yaf agh asklu … nkwni rad akw ng isemgan ns …
tayri : lhurma nk … han ur sul darengh tasa mad issiwid yan …

ibidd imzdi gh tuzzûmt … ssutln as …
imzdi : urrighd … urrighd darun … acku … sengh is rakwn yagh umarg inu … amarg inu iga attân … ar issimyur ar ittimyur … ar bahra ittimyur gh tmizar issekhla ifis …
argaz : mas inna ? …
imzdi : inna !! … mas inna … inna … mas inna … inna … wayhayya … iqqand attissanm … izd igh tram asklu … iqqand ad ttâym tillas … igh tram ad ttaym tillas … iqqand azzwar tafim … azzwar tafim …  tafukt …
argaz : Mas ira att inna s tafukt ? …

tbidd taslit … irwel argaz d tayri … rekwsen gh tghurdin n imzdi … imzdi htta nttan isker zund igh iksûd … ard itfttu taslit … nettni ar tturin tighwurdin …
taslit : swangm ayargaz …
argaz : marrad sawangemgh ? …
taslit : swangm ayargaz …
argaz : magh rad sawangemgh ? …
taslit : swangm ayargaz …
argaz : managu jjun sawangemgh … agh swingimgh ghassad lligh akw ur swangemgh aggis swangemgh igh akw adlli swingimgh ? …
taslit : swangm ayargaz swangm … awal nnant willi zrinin … iswingimn ad ifssin isqqsitn … isqqsitn ad ittarun tawssna … tawssna tmun d ufrak … ut ahlas ad ittazzal usnus … tasit awal nnak issallan … ad ur tasit wad k isâttsân … ad ur tgt tâdsâ … afus gh ufus … aynna izzâyn ad ifsus … swangm …
imzdi : yukk taghwzênt ar tkhuttûr ad itffagh …
taslit : ar tsiggilm tafukt ? … yan ibukdn … ur sar izra tafukt … ur sar ittây tillas …
imzdi : yukk taghwzênt ar tkhuttûr ad itffagh … harru yat sigglat tafukt …
tayri: ras ttid nawi wakhan tlla gh tît n urwass …
taslit : ghar zaydat … ighwzân … ghar zaydat … ar tllim … ragh tllim ar kigh tjlam … rad ikhissî makwn ka sul ittafan … ikut i silla marra kwn sul yaf …
imzdi (ar idtssâ) : ar tellin … jlan … ar tellin s tafukt … ur akw sengh istn gigh gh tillas … nkkin aygan  (ar idtssâ) ….

-----~--------~--~-----~--------~--~--------
argaz d tayri ar siggiln tafukt
argaz : ahyat awi ! … ufight sul …
imzdi (d ikhf ns) : yufat ? … mad awa yufa ghwwad ? …
argaz : ufight sul … mach tllan gh wissa igenwan … ikut mani ra sers ikk yan ! …
imzdi : khtan ? … tafukt a yan ? …
argaz : iyyih …
imzdi : attur tnnit i yan … han ragh gig tdssân …

argaz ar dagh ittenta3 ignna …
argaz : ha tayyad ufight … nttat ad tga …
imzdi : manzat a argaz ? …

argaz  ar ittenta3 aflla … iksûd …
argaz : aflla …
imzdi : khtan urtt itga … nnigh mad tufit …

tayri ar t3ittid … tummr … ar terqas …ar tkkat s ifassen …
tayri : wa ufight … ufight sul … wa nkkin ast sul yufan … tafukt … nttat … ullah abla nttat … way … way …

ar terqqas tayri … aylligh ttin ilkm imzdi … tbidd nit … tqezz gis ar tqqel s marrad inna …
imzdi : ma data tufit … fiss tgit kullu taqqurt … han taghwzênt rasttid tsenkert zgh ids …
tayri (s lhess) : ufigh tafukt …
imzdi : urt itga … taghwzênt karra daghd tsenkert kmmin … ikhissî makkwn itfukkun …
argaz : lhurma nk … han nermi … lhurma nk ada ghttin bahra ur tssaggugt …

tddu tayri ar mnid n imzdi … tknu …
tayri : ingbiwn n rbbi … fukku yagh … kkis agh tikssâd …

tkkisd tayri lkwummit … tfktt i imzdi …
ighwitt imzdi … igttin gh wawelk ns …
imzzdi : uhuuuuu

idêrn urgaz d tayri gh tama n idârn n imzdi …
argaz d tayri : lhurma nk !!!! … lhurma nk !!!! …  

immatti imzdi s mani yadnîn …
imzdi : uhuuuuu

takwin fllas tayri … tamzt gh ngr ifasn ns …
tayri : lhurma nk … ingbiwn n rbbi …
imzdi : uhuuuuuu …. Uhuuu urrakn felgh …. Urrad felgh lalla tun (ar ittenta3 taslit) … awat sttid ad as ka ba3da semgrugh … awr imil yakwitt lhal …

iknun argaz gh mnid n imzdi …
argaz: ad agh ikf rbbi lbaraka nk …
imzdi : fkigh awn rdâ a tarwanu … zayd awiyyi ttid …
tayri : wak wak … imma ….  ta …. ta …. ta …. Taghwzênt …

ifta argaz  d tayri sbiddn  taslit …  awinttid ayllight fkan i imzdi … ighwi yas imzdi afus … munn ad ffaghn asays …
imzdi : awa ghilad … zaydat ad tgenm … han termim …

-----~--------~--~-----~--------~--~-------- (à suivre)

Tamzgunt « asklu ijlan »
une pièce écrite par: Lahoucine MOURABIH itrinit

-----~--------~--~-----~--------~--~-------- (suite)

iffagh imzdi d taslit …
tbidd tayri gh tûzzumt … tghwi agayyu ns s ifassn … ar talla …
igelbenn argaz gh tayri …
argaz (ar yalla): makm yaghn ? … makm ilkemn ? … nkkin as mqqar yalla …nkkin ast yugemn … hra imil ufigh taslit …
tayri : urd ghann ad iyyi issallan … is ksûdgh s dadda imezdi … imma ight itswa taghwzênt ? … marra dagh sul ifukku … (ar talla) …
argaz : ghad km ihuln … dadda tengh imzdi … radd yurri … ur iri mani … dadda tengh imzdi … is ayzmâw … taghwzênt att iksûdn …

ikcemn imzdi … irmi … ar isalsa …
argaz : tsemmugrit as ? … manik an tga tgellint ? …
tayri : tffught i taghwzênt ? …
imzdi : taghwzênt … hann arraw lli radd ilal … arrast ittây … nttan arrad ig tafukt lli ra bdda isufu … nttan arrad awn ittây tillas … nttan arrad awn ig asklu magh tkellam …
argaz d tayri : mas inna ? … arraw ???? …
imzdi : iyyih ... sul han afrukh arrad ig … ambarki nnun …
argaz: tnnit arraw ? … mac attaru … han iqqand azzwar ttihl …
imzdi : sthenna ghwkn … han smmugrigh as... smmwgrigh as  at ka iqbel rbbi… yukitt lhal ghilad …

iffagh imzdi … ttfûrt tayri … ighamd argaz wahdut …
argaz : nkkin han sengh adelli marrad ijru … mac ur zdârgh att inigh lligh sul iga lhal zikk … umzent iyyi timlillay …

tkcemd tayri s usays … termi … ar tsalsa … ur sul tzdâr htta ad tsawl … tdêr gh wakal …
argaz : madd igwuran ?? … manza imzdi ? …
tayri : lah iyyit helli sul …
argaz : mazza sul ghid tskart ? han urd nkkin arra ghid tgabelt … zayd s tama n tslit ar kigh turu …

tffugh tayri s dar taslit … iqqamad urgaz wahdut … ijem3a d ikhf ns … ibidd f iggi n ujarif … ar ittirir …
argaz :
anzâr a baba rbbi
tuf tummit bufqqus
yuf bufqqus ighwerman
ahnin ayga rbbi

yakwid zgh ujarif … igawr … ar iswingim …
argaz : is nnigh nkkin … aghar igh ur turu … (ibidd nit) …  ann awddi iqqar gh imink … (igawr dagh) … makh … makh … mad iyyi yaghn nkkin … tarwu it nigh akw ur turu …

ibidd urgaz … ar ittqqel … ighwli s iggi n ajarif …
argaz :
anzâr a baba rbbi
tuf tummit bufqqus
yuf bufqqus ighwerman
ahnin ayga rbbi

yakwid zgh ujarif … igawr …
argaz : imma igh turu … imil ur iga afrukh ? … (ibidd nit) … ann awddi iqqar gh imi nk … manwa ? … tafrukht ? … mani rad agh yamu … (igawr dagh … ar ittql …) makh … makh … mad iyyi yaghn nkkin … tarwu it nigh akw ur turu …

ibidd argaz … ar itsutul ujarif …
argaz: ahyat awi !!! … ibbi lhess …

imik ar issflid i tghwuyyit n yan wazzan hrad ilul … ar nit iterqqas ar ittakwi s tumert … ar ittirir …
argaz : turu … turu … turuturu … turuturu  ma tturu … turuturu  ma tturu … turuturu  ma tturu …

tkchemn tayri … taws as gh urarn … ar tehwacn ...

argaz d tayri :
turu turu ma tturu ?
lhurma nnun a ya izuzern
yan irmin iluht tazzert
lalla ghassad a turu
yan ufrukh yuf itri
ra yserwat ar izuzzur
ard ig imendi arcaci
isker agh tagwulla gh ucwari …

isker urgaz yan ubredakk ...
tayri: wakwaaaaaak a3ibadllah …. Ur igi afrukh …
argaz : ur igi afrukh ? ….
Ibidd urgaz imikk ar iswingim … issenta nit ar dagh ittirir ntta d tayri …

argaz d tayri :
turu turu ma tturu
lhurma nnunt a tid irragn
igh termimt luh amt awwun
lalla ghassad a tturu
yat tfrukht tuf tanirt
ragh terrag mad ila wass
ar ddig wargan arcaci
tsker agh lbsis gh ucwari

tayri : wakwaaak a3ibad llah …. Ur tgi tafrukht …
argaz : ur iga afrukh … ur tgi tafrukht … mad iz iga ? … aghwzên ????? ….

tizi yad tkcemnn taslit … tgad gh ngr ifassn ns yan wazzan ar yalla …
art kullu smuqqeln marrad tsker ... d marrad tini ...
tqezz gisn tslit menck ... tnna yasn ...
taslit : mradd is iga aghwzên nkkin arrad iskr taghwrit … amkhsur adawn iga … smaqqlat ghilad mad as tskarm ….

tsers taslit iwis gh iggi n ujarif ... tgawr s wakal tamz ikhf ... tadr ugayyu ...
ibidd urgaz d tayri art ittemnidn …

tillas ....

-----~--------~--~-----~--------~--~-------- (FIN)
Tamzgunt « asklu ijlan »
une pièce écrite par: itrinit

tanmirt nk a gma zalhoud f iwaliwn ad nk. ummergh bahra s tugga yad nk.

Imazighen ttafn tutlayt d taskla d tamedyazt d umezgun. is helli ur ayttafa yan tawhalt magh ikkerz iswingim ns ad fkin tayyafut.
urmghen tawullut inu agh nkerz gh igr n useflul, macc iggut mad iran agh isekhsar iderfan. immghi imendi, isker tiydrine, nmger tnt, nasi tnt. mac inuhyutn d udmawn bDan acuwwal d unrar. mayga tusidd taffa nk, ilih ak annrar, igh tufit anrar, asin ak tazzert. igh ataqqrat i wadu izuzwan agh tzuzert, tnkerd i tmjiwct, tasi tumzin tasi alim.

tanmirt nk a gma.

allaaaaaaaah manik atfuulki tamzgunt ad nk a itrinit ,ftih dids guih ukan zond ihat tmndih ghilad
d kra sa tziguizt ard tlddit l'maana idran h wawal ..

tghwzant agma "tmmut tayri gh ulawn" yilihkunt a tirugza kant flawnt tillas ..


lah mad ak sul ntini htta ayuuuuz idrous ihhakt inna yan

Tamatart a écrit:

allaaaaaaaah manik atfuulki tamzgunt ad nk a itrinit ,ftih dids guih ukan zond ihat tmndih ghilad
d kra sa tziguizt ard tlddit l'maana idran h wawal ..

tghwzant agma "tmmut tayri gh ulawn" yilihkunt a tirugza kant flawnt tillas ..


lah mad ak sul ntini htta ayuuuuz idrous ihhakt inna yan

tanmirt nm a ultma f tugga yad nm.
ummergh bahra ligh km tssusm.

tanmirt a Tamatart

pour cette belle pièce écrite avec brio et avec un style très distingué qui t'es spécifique!!
"Asklu ijlan" ou "Ombre errante" quel titre significatif!!
Merci à toi pour ce joyau théâtral!

azul!
rad immergh kigan g Zrigh "asklu ijlan" g udghar ns ittuZlayn g usays, ad tt tesslkmt i ugdud amazigh itteqln s kud mad ilan atig !
tawwuri nk tdus, uma !
ayyuz!