Tillas n Tifawin ( iultma tanirt

Zalhoud a écrit:

Tillas n Tifawin



i ultma Tanirt


Smerghan udmawen s madd izdan n tifawin
Anazur d umedyaz ikwlan n tifelwin
As meqqar ten nannim urd afal nw afuk
Annigh igherman ad is ten akkw ikka w awuk



Tamazirt a Tamazight awal amasus
Ahh! a tawtemt ultma turut akettus
Izd is am tenna taârabt awal nes izil
Ar tezzimziyt win tibbit isenn ur ifil


Issuda kra f urin n kra yamz agharas
Abrid inu tawda ad gis unfent gh tillas
Walli igan yan af iwigh gan agh amawas
Ammeln asmayyun tifawt nnun ikerkas


Iggut uferfur ad angh a Rebbi tarit
Yuda yi w awal izilen nekki f timirit
Ad gigh d ugnaw d uderdur sul neg abukad
Ur zerigh,ur nsella ur nsawl f izenkwad


Farid Mohamed Zalhoud
Aday Tafraout

azul agellid n imdyazen

kwtigh akud gh tyura tamdyazt ed ,s ughanib n tidt d tillawt mac ur mdigh tamimt ns ayligh zrin ussfan en ,light ghwrigh tiklit izwarn syafax is tifawin ed kwlulan jaj nsen tillas ,slightn s ull ur d afus , nnigh d ikhfinu : is gigh taderghalt ar aswir ed ??? max ad ur ferkgh i tillas ed zegh amzwaru ??

tanemmirt ay iman n tafraout f tabrat en ilkemn gh wakud ns ! tanemirt f trezzift :fleur:

tanirt n tafraout

Azul ighudan,
Afra n'Rbbi fllatun,


S umzwaru ark bahra ssimghurh anmmal ngh Zalhoud f iwaliwn dusnin Zilnin sawalnin f tidt d tillawt n usfan n tillas lli mugan ntni win Tifawin,

Usfan ad, skrn guisn abrid ad slkmn taskfalt nsn stad yattuyn, slkmn tin tmazirt ngh stad ihrcn, ar swirin bahra mac urd fugdud, urd f tmazirt, urd ftmazight, urd f izrfan nugdud, urd ad ssinfn aghbbar f tmaguiyt ngh d tawsna d tutlayt ngh, uhuy, uhuy, ar swirin f iguyyansn, ar swirin f adslkmn gar taskfalt lligh llan stad ibughllan.

Tikrkas n tifawin, ifrk assnt kuyan.

Tamazirt ixssat guigan, urd taghuyyit d tifawin n imalas, tamazirt txssat tifawin nwabadan, tifawin n mara isggasn, d tawuri idusn madas yakkan atig ns.

Ultma war-assagh, nzuzd mlad isnufa ad naDu tighrdin, adak urndru amussu yan, mac llan isggasn yaDn.

Tanmmirt Zalhoud, Tanmirt Rqia
gwmatun Anaruz