Ajig n tamazgha

Ajig n tamazgha

Tarezift i massa jamila buhrid « Algérie »


Amzruy a y amzruy
Rez afessa
Igh gik tun kra
N tasga
Sduhdu akal ad
Ur iselhessa
Ad isemghi ajig
Ng as « jamila »
Ad ur iqur
Ad ur y isliw
Igh t yut wadu
Igh t tsli takat
Ad ur yalla


« buhrid » illis
N tmazgha
Afud is as tzmumg
Taru jaj n iskraf
Tiderfiyt
Tnegh gis tissumga
Tizdert is as tugel
Tissurma
Aggas is ijjawn
Ametta
Ur inwi ur iji
Ur t tumi tanedra
Tlkem tanhitaft wafa
Tlkem taghlaghalt ns
Igenna
Ull is irza ullawn
Isdus wiyyad
Assagh is izdi d immigh
Iserkez « farança »
F trgin n tghensa

Amzruy a y amzruy
Sawl ini kra
Ad ur inudu igdam
Ineght assad
Imdelt azekka !

reqia touw
SAFI / TAFRAOUT

Azul War-assagh,

tannemirt f tmdyaztad lid turit f l'heroine de la dependance algerienne, Jamila Bouhrid, ityawssane dar kullu willi issen tidt n tmazirt n yan.
tamghart ad igan tamatart n kullu timgharin, idusn i afra n tamazirtens, ghiklli yas tdust a ultma gh tamdyaztad issusmn, igan tajddigt n umezruynkh li yssen gigan n timgharin, ula irgazn, ilan atig d siêr, arasn tinit uhuy i uttu.

rad n swangm bdda i umezruy ula willi tiskern, fad iqama bdda idder gh ulawinkh.



ayyuznem a ultma, akm isserbh rebbi