asmmawd n twargiwin

Messages : 50 Date d'inscription : 18/12/2008

asmmawd n twargiwin

lligh mZZiygh,
ur ssingh ussan mas a ttgurun!
ar zluzzugh tighawsiwin,
gawrgh ar grrugh
aynna gwrigh rwigh-t
ar zluzzugh ar d rmigh
ar ka gnnugh ussan inu
s ifili n twwargiwin
ar Zrragh aylal gh ignwan,
irigh ad ng zund nttan!
askka rad imghurgh
rad sul skrgh mk da righ !
ur akkw a Zrragh iwtta
ar iyi ttmghayn gh gr walln!

acwwal tadggwat
akud nna imgr taydrt ns
asigh dis asmmawd
ar dis nttirir tizlatin
ur akkw Zrragh afus,
lli d yuckan, imgr nn ass !

ar iyi nn ittafa yiD
dar tabtti gh ughgwmmi ns
ad iyi dagh taddr unamir
tssiwd iyi s taghwznt ns
tfk iyi d uraw n trufin ns
nnuddmgh ar d aylgh
gh ukwba ns, ar ttwargagh
s wis sa ignwan!

taylgi zik ar ttizwirgh
mqqar d afullus igh d nkrgh
ad ddugh dar ifrteTTan
tijddigin d umarg
ssudmgh ixf i tafukt
f uZnZar lli agh d akkant
nmmiggir d imksawn
nslla i imurign d wawal
ad ipuc waghghaD ula asulil
tkcm tayri tirbatin!

yan usnus yamumn
gigh t nkki d ugwmar inw!
ghalgh is ur ligh anaw
izm nZdar ad t gwmmrgh
amnay n ibaDan d ikrkas
isggwasn ad t gigh nkk!
nnigh itran rad tn lkkmgh
«Dun KicuT » nzri t inn!

faDna pmmu yat trbat
tga illis n waddjar ngh
ar tt ttalghn imksawn
nnan tZil zund ayyur!
tasa nw ar ttrgigiy
igh iyi tusi gr ifassn!
ar sis ttqqlgh ad d tffagh
äufgh aggur n tgmmi ns
izwir gh tt inn s trga, awsgh as
qqlgh sis ad tagwm aman!
igh iyi tssudm akud ann
ur ligh tazayya gh gr middn!
ghalgh is winna iddukkln,
imddukkal a rad ghaman?
iä lli tskr tamghra ns
issmDi iyi uzmz tibDit ns!
mZZiygh akud ann ur ssngh
ma igan ulawn ingaran ?!
ar zrayn ussan ar nttissan !
mamnk igan ijdr wul !

ar d nttimghur ar nttissan
zrin isggwasn d wussan
ar ttimghurnt tguDiwin
ula aggasn d waTTan
ar agh sstawn azmz n zik
ar d ntettu tilli zrinin!
ar d nttissan imik s imik
is ar tgga tasa nk izlallayn
wan gisn iDrn ngh asusn
ur ra iknu yan ad t grrun!

ar d nttimghur ar nttissan
mamnk igan ijdr wul !

Invité

Messages : 50 Date d'inscription : 18/12/2008

tanmirt mass farid f tguriwin nk, ar tkccm tumrt amdyaz igh isyafa is nn isduqqr s tasa d ugwns n imdyazn yaden, ig ils d ul n inggwa ns, amdyaz iga iman n tmtti, iga tasga lli ifsusan gh tfkka n ugdud, adghar lli gis ilggwaghen!
ar k ssimghurgh f wawal nk iziln f udris ad
hak inn ar dagh!

Admin Messages : 737 Date d'inscription : 16/05/2008 Localisation : France

Tanmmirt nek agma Oussous f tzuzft ad umarg lli tiwit, asmmawd ad llis temgert tiwargiwin nek d akw tinh, tamdiazt ad nek tusi dis gigan d isyafaten n tumert d tgûdî lli izrayn f tazzanin, f imarayn, d akw mad izrra ufgan, mad immimen d mad irzâgen h tudert nes.

Ghikli s ak inna gmatenh Zalhoud, kraygat yan izdâr ann gis yakwz ikhf nes, tamdiazt ad idusen tga tallast nek, mach tga awd tinu d tin gigan n ufgan, iht art yaqra zund ghmklli st ghrih, rad akw tsmussu mad as issuteln, achku tamdiazt ar tgga asksel n ul umdiaz, lli ahd issagwa tasga lli gis ira ad aht imel,d ula nkwnin ar nn gis nttannay tasga yan nit, nehd akw tayyâd llin ur itam umdiaz ad aht imel !
Ar takka tifawt f mat itmerraten, ar takka tifawt f mad ah itmerraten ! Achku amdiaz urt iga ghar walli ittaran, amdiaz mqqurn igat walli ittaran s idammn nes, s tguriwin, s tufrayin, ar ittara tirgin n umzruy bdda iktin h ugens nes!! Ghiklli s inna Alfred de Musset “ Les plus désespérés sont les chants les plus beaux. Et j’en sais d’immortels qui sont de purs sanglots ».
Amdiaz igat walli yah isakan igenwan, nmmuddu dis mqqar nit nggawr!
Tanmmirt nek agma Oussous, ayyuz nek! flower

Messages : 4 Date d'inscription : 18/03/2009

ghrigh tamdyazt nk w yat tsmaqqelt bahra idfan ; ufightin tdus . ackund truryi s mzzi ktighd tayri nmzzi ; macc igh nufa an sawl imik f tmdyazt nk is rad inigh tga tamdyat (tssurftiyi f ghuncka) ackund ufightin taz bahra i tallast f tmdyazt; aragh trar s tmdyazt n iqburn ligh iggut lwasf .. mqqard agllid n imdyazn (zahlod) ar ittara s zund atagharast macc ggutnt dars twllafin .. imma tamdyazt nk zund amjerd tadfins mqqurn iagat lligh tzdart adagh trart s mzzi attid nkti .
igh tcubbit s kra imghri nk mqqurn ura taft madiyi yugrn macc xttad iqqand adak inigh mad zrigh ; ssutrgh ad gheltgh macc zuzdgh at tqbalt
tanmirt baba's n imdyazn

Messages : 50 Date d'inscription : 18/12/2008

ultma tanirt, tanmirt f tguriwin nnm, ufigh nn gisnt ma idran, syafagh gisnt is nn tggrt i wadif n ixss n udris, tgit tamdyazt, tzdart ad nn tzrt, tfrkt i mad akkw ur zrigh nkki gh tirra nw, ar km ssimghurgh f tizi lli tfkit i udris ad nn takwzt tuggugt ns!
gwma amnzu, issusm iyi bahra ad tinit aylli tzrit tsyafatt, ur tffaght abrid igh tnnit aylli gh tswangmt, afran ur igi targgimt, tzdart ad tsawlt tinit talst tinit aylli ak ikkan ul ula anlli, walli ittaran hat ar ittiri ad issfld i ma gh idus udris ns ula mani gh irca, mani gh ibdd, d mani gh idêr, mani gh imqqur ula mani gh imzziy! imghri ad yakkan atig d wammak i udris mknna ka iga! adris, hati ar t bdda ttinigh, ur igi adis ijjawnn, ad iga d imi illuZn, nkkwni ad t isttcan s tghri ngh! ur nnigh urigh tamdyazt, nkki urigh aDris, g as kiyyi s ism tamdyazt ngh tallast, amarg ngh tasrit, aynna k issusmn! d yat yadn igguran, ur d dis gik mcuckigh, ad iyi ur tghrt s ism n babas n imdyazn, amdyaz nit s ixf ns ur nnigh gight, hayi ar ttaragh uxlass!
tanmirt nk a gwma f tannayin nk, hati rad fllasnt awigh!

Messages : 258 Date d'inscription : 04/06/2008 Localisation : safi

Mohamed Oussous a écrit:: asmmawd n twargiwin

lligh mZZiygh,
ur ssingh ussan mas a ttgurun!
ar zluzzugh tighawsiwin,
gawrgh ar grrugh
aynna gwrigh rwigh-t
ar zluzzugh ar d rmigh
ar ka gnnugh ussan inu
s ifili n twwargiwin
ar Zrragh aylal gh ignwan,
irigh ad ng zund nttan!
askka rad imghurgh
rad sul skrgh mk da righ !
ur akkw a Zrragh iwtta
ar iyi ttmghayn gh gr walln!

acwwal tadggwat
akud nna imgr taydrt ns
asigh dis asmmawd
ar dis nttirir tizlatin
ur akkw Zrragh afus,
lli d yuckan, imgr nn ass !

ar iyi nn ittafa yiD
dar tabtti gh ughgwmmi ns
ad iyi dagh taddr unamir
tssiwd iyi s taghwznt ns
tfk iyi d uraw n trufin ns
nnuddmgh ar d aylgh
gh ukwba ns, ar ttwargagh
s wis sa ignwan!

taylgi zik ar ttizwirgh
mqqar d afullus igh d nkrgh
ad ddugh dar ifrteTTan
tijddigin d umarg
ssudmgh ixf i tafukt
f uZnZar lli agh d akkant
nmmiggir d imksawn
nslla i imurign d wawal
ad ipuc waghghaD ula asulil
tkcm tayri tirbatin!

yan usnus yamumn
gigh t nkki d ugwmar inw!
ghalgh is ur ligh anaw
izm nZdar ad t gwmmrgh
amnay n ibaDan d ikrkas
isggwasn ad t gigh nkk!
nnigh itran rad tn lkkmgh
«Dun KicuT » nzri t inn!

faDna pmmu yat trbat
tga illis n waddjar ngh
ar tt ttalghn imksawn
nnan tZil zund ayyur!
tasa nw ar ttrgigiy
igh iyi tusi gr ifassn!
ar sis ttqqlgh ad d tffagh
äufgh aggur n tgmmi ns
izwir gh tt inn s trga, awsgh as
qqlgh sis ad tagwm aman!
igh iyi tssudm akud ann
ur ligh tazayya gh gr middn!
ghalgh is winna iddukkln,
imddukkal a rad ghaman?
iä lli tskr tamghra ns
issmDi iyi uzmz tibDit ns!
mZZiygh akud ann ur ssngh
ma igan ulawn ingaran ?!
ar zrayn ussan ar nttissan !
mamnk igan ijdr wul !

ar d nttimghur ar nttissan
zrin isggwasn d wussan
ar ttimghurnt tguDiwin
ula aggasn d waTTan
ar agh sstawn azmz n zik
ar d ntettu tilli zrinin!
ar d nttissan imik s imik
is ar tgga tasa nk izlallayn
wan gisn iDrn ngh asusn
ur ra iknu yan ad t grrun!

ar d nttimghur ar nttissan
mamnk igan ijdr wul !

azul amedyaz amazigh mohammed ousous

ayuuuuz f tmedyazt ed ifulkin ilan atig mequrn !
ghkelli beda gik nssen ,tamdyazt idusn ,irezzan izran ! ayuuuuz nk thank

Messages : 83 Date d'inscription : 24/12/2008

Azul gwma Oussous,

ligh ara qrakh tamedyatenk, syafakh gis ikhfinu, ghiklli rad gis yaf kra ygat yan ikhfens, tout simplement car, il y'existe dans ces vers, ce point partagé entre les etres humains, qui fait de nous des etres humains qui se ressemblent malgré leur differentes experiences de vie, ce point et celui du reve d'enfance.qui n'a pas passé dans cet etape, bien decrit dans ce beau poéme.
quand tu dis que , enfant tu tisses les jours par le fil du reve, "ar ka gnnugh ussan inu s ifili n twwargiwin", c'est fort.
reve d'enfant qui ne voit de la vie que son coté lumineux, innocent, naif, confiant....pour lui il n'existe aucune autre coté, aucune autre image que celle tisser par les reves.et de beaux reves, de voler aux cieux comme un oiseau, d'aimer comme un prince, mais une fois que peu à peu on decouvre les faces des choses et des evennements, on s'affronte a divers circonstances, et experiences...on se sente brulé par un amour brisé qu'on a cru eternel, on devient ainsi adulte...peu à peu les reves enfantines seront ceuillit par une faucille, "asmmawd n twargiwin".

ayyuze enk amedyaz Oussous et merci pour ce beau partage. flower

» Yat tizi gh twargiwin de Mohamed Oussous