Yat tizi gh twargiwin de Mohamed Oussous

Admin Messages : 737 Date d'inscription : 16/05/2008 Localisation : France

Yat tizi gh twargiwin
De Mohamed Oussous

Ar fellam allagh a tafukt
nqqur s umarg nnunt
yagh iyyi yagh kem usêmmid
tdelt iyi s wazzar nem
rzêmgh am ul inu tekcemt
teskert gis asgelf nem
tawit iyi s ugdal n tasutin
mad gis mgergh d ussan
nfern asn tâgudi
nessus kullu willi dlânin
ngin idûdan s uffan iyyidil
nezzig anzar nes
ssenkern midden taqqurt
mad yukern tafukt ?
ur a t zêrran
fkigh asen urawen n tifawt
knun ar siti tzâllan
gniyyi d ugellid alln iyyi
s ufella igenwan
nnigh asen nekkin a yellan
mad sul illan d nekkin
sselsen iyyi timelsa n neqqert
ssun agdîf i wadâr negh
deln iyyi s ifuwwa n tadûtt
urgh afa ttidu idukan
manza sul asêmmid ula laz
manza attân zrinin
ah isawl ufullus aghwuri
bbin ikerramen tiseggiwin
inker d wacc lâz iduyd
ismûmd adan n wadis inu
kwtigh ilemma tâgudi inu
ssengh
is ssard ur yuggi uzal negh
imentri nekkin ngaten
ur yad sul fellak nêhdi yat
igh yad ilemma fkan yan wubbic
zghurnet s imik n uzâwar
macc igum lligh gigh agellid
yat tizi gh twargiwin.
yat tizi gh twargiwin!

Mohamed Oussous

Messages : 215 Date d'inscription : 30/05/2008

Azul fllam à ultma tanirt ,
tanemmirt nm f amedyazt ad n mohmed Oussous "yat tizi gh tiwargiwin " gan iwaliwn bahra ttafnin l miâna iggoutn
Ayyuz nm ifoulkin à tanirt negh sunny

Taylalt

Messages : 258 Date d'inscription : 04/06/2008 Localisation : safi

azul izuzwan ultmanu i3ezzan tanirt n umadal

yat tanemmirt bahra meqqurn tugr igenwan d ikaln f tmadyazt ad iffawn n( mohammed oussous ) !!!

tanemmirt ultmanu i3ezzan ! sunny

tanmmirt nm a tanirt f tamdiyazt ad
tanmmirt i amadiyaz mqqurn Mohamed Oussous.
zuzdgh kra wwas ad darengh ikcem s waggur ad.

ar kullu ntwarga, kaygat yan mas ittwarga, ghiklli s attinin iqburn: kaygat ayddid, mas ismmiqqi.
yan igan immentri, urragh itwarga abla ad ig agellid, ad issu l7rir, idel s lmelf.
macc tawwargit ad na7yat, d twwurgiwin yadnin.
Dari yan useqsi i gmattengh mohamed Oussous,
nkwni nssen tafukt izd nttat kad isserghan, ighd ur tkka tirghi izenzaren n tafukt, han ra kkullu nqqar s usemmid. ar kullu nsiggil asmmer, nra yakw ad nsummer gh tafukt, slawant akw ussan n tagerst.
macc gma tengh Mohamed Oussous, nttan ar itwarga s yat tafukt lli yad yagh usemmid, tsghawsa nit s mastt isserghan. man sul gis irja?
inna:
yagh iyyi yagh kem usêmmid

inna dagh:
sselsen iyyi timelsa n neqqert
ssun agdîf i wadâr negh
deln iyyi s ifuwwa n tadûtt
urgh afa ttidu idukan
manza sul asêmmid ula laz

ar imil tqqelgh ad lekemgh gh talghat mani gh rad tssergh tafukt amdiyaz negh, att yakwi lhal, imil timelsa d agdif d ifuwwa llist deln wiyyad kad as ikkisen asmmid ula laz.

tanmirt gma tengh Mohamed Oussous. Hati ar ntqqel s umaynu.

Admin Messages : 737 Date d'inscription : 16/05/2008 Localisation : France

Merci à tous, Taylalt, war assagh & Itrinit quant aux appréciations que vous avez formulées concernant ce très beau poème de Mohamed Ousouss!! sunny

Quant à ta question très pertinente Itrinit, que tu adresses au poète, nous espérons qu'il nous fasse un jour l'honneur de visiter notre site, et d'y répondre lui-même! Wink

Voici un autre de ses magnifiques poèmes, intitulé " Kemmi n"

Kemmi n

Immut wawal izîln
iqqar udinan,
nemyar gh umarir
kra imurign d-urarn,
iglula ass ad izug
ura sul izzâd awal
kemmin
tsult tezzîdert sul I tagatin
tâdfi nem
awal iddern gh wafa n idurar
d taghlaghalt
ma bedda addernt ar ass lli gguran
ighd a yekturn tîtt inu
ayenna zêrragh
kemmin
igh gim annigh
issanegh mad annigh
tiffawin da ggim ikkaten
ufent azêllay
immet kra illan
ajjiyyi nekki ad iligh
tama nem
ad reqqagh
nekks asêmmid i wul
ass an kmin mdêln
nemdêl nekki d iwent
inna s rad kcemgh
neknu nekks idukan
nbendeq
I waggu d ûzru netta d ulus
neksûd gh imula n ifrawen lli dêrnin
kemmin
ar gim nettal ixf inu s igenwan
ghar akem kcemgh naf gitunt tiderfit
ghar akem lsagh ur agh sul ittagwer yan
lulagh d
ar ttaddumegh s timeqqa n wattân
neg zund SIZYPHE
nbûkd irigh ad awengh
i wudrar n tudert asigh aggas negh
tissi nu
imettâwn gh tiremt ad allagh
ar nttaru imettâwn zund tizêrmin
tizi lligh ssengh is teddert ad lligh
kkisegh iskraf imyuragh ad inigh
iskraf
ar zzûzayn wanna tnid ilan
imettâwn
ar ssergamen gin agh azawar

Mohamed Ousouss

Admin Messages : 737 Date d'inscription : 16/05/2008 Localisation : France

Notre grand poète est parmi nous et c'est un honneur pour ce site de l'accueillir parmi ses membres!! amour

Il répondra probablement à ta question posée plus haut cher itrinit lol!

Bienvenu Mohamed Oussous !!! flower

Messages : 50 Date d'inscription : 18/12/2008

tanmirt i winna yuran sawln f tmdyazt n imntri d tafukt, tafukt da f sawlgh nkk, tga tin îd, tga ilmma tin twargit, tafukt igrsn ilsan adfl, ur-d tin tidt irghan.
tafukt n twargit ar tskar tigelgâd i wulawn irfufnn, ar asn tettâl, tg aman n marur, macc ur ar tssnfal yat g uzal nnsn, g tilawt nnsn, ar tfssi igh iffu wass, taggw-d ilmma tin tidt, talli-igan tisit (mirroir) da gh izêrra ixf ns, d udm ns n umzlûd imntri, d imi illûzn, d wadan yugan!

Messages : 50 Date d'inscription : 18/12/2008

pour ceux qui n'ont pas bien saisie mon message rédigé en amazighe, voila une petite traduction: le soleil froid de mon poème est un soleil utopique, un soleil de la nuit donc de rêve, un soleil illusoire qui ne substitue pas le vrai soleil, celui de la realité amère qui rappele au mendiant son identité, son statut de misérable, de faible et de damné.
merci

Messages : 30 Date d'inscription : 12/03/2009 Localisation : agadir

tanmirt nm bahra irghan a tanirt f timdyazinad bahra fulkinint tim umdyazengh mqoren mohamed ousouss
ayouz ayouz nk a mass mohamed ousouss respect

» "lligh nmzzi",tamdyazt n Mohamed Arejdal;asughl n Farid Mohamed Zalhoud
» tizi n-tawargit
» tagldit n tiggas n Mohamed Oussous
» TUDRT TAMGHLULT ( Tarzzift i gwma Mohamed Oussous )
» asmmawd n twargiwin