imzlaD n Abdellah Sabri

tgn, tfrd tmaDunt gh txssa ns, tumZt t tawla. yat v t ingha uSmmiD ar trgigi ; ihbut ismg s mad igan afRSaD v tgmmi, yat v t tumZ tawla irvan, ikkis as kullu isdal ard tvama hRDiD. ad fllas iffi aman, vlin d iRugwa zund iv iks umzil uzzal v wanuD isskcmt aman. ar tnddr ar ttussu, ar as sflidn ayt ivRm mac awd yan iZDaRn ast id illil. ismg ad, ad dars illan, ar as issflid, yili v tama ns, ig wins.

tnkr taqquRt ssntin iwaliwn, ayt ivRm ku yan d mad ittini, ar tmunn gin tigrurin ar tmraran awal, iswingimn ggutn, illa mad tnva tasa ns inna y asn iqqand ad dars nddu ad st id nllil, illa mad iswingimn yuf ad tmt, ar as ttujadn timDlt ns. gin middn snat trubba, nkrn imnzivn. Amvar ikSud ad tili tamavt, ismund inflas, munn ayt ljma3t ar sawaln iD d uzal, mac ggummin ad afn afssay i tmukrist. Askka ns ivR umvar i igiwr yuman n tqbilt, ar gis tmunan irgazn d tmvaRin lli dar tlla uggar n sDis d mraw n usgwas. asarag n tgmmi n umvar iktar s middn, ssun igrtal gawrn s wakal, ibdu wawal. ku yan ar ittmav fad isslkm aswingm ns i wiyyaD. ayt ivRm ur msasan f yan wawal. v tgira inkr umvar inna y asn.
_ willi ranin ad dars ddun ad Zlin s yat tsga, willi ur irin ad dars ddun s tsga yaDn. Stin mindn, ggutn willi tnva tasa nsn ran ad dars ddun as t id lliln. Willi as iran ismDal drusn.
_awal igguran d win uflla : willi ranin ad dars ddun, ftun. willi ur irin, ad ur ftun. nkki lliv d wida as iran ismDal, mac aynna v tram ad awn gis naws, hati nZadr as.
Mcuckand ayt ivRm f wawal n umvar. ku yan imun d willi da iZRRa ixf nns.

kcmn in, afnt in tgn, tawla tumZ as agayyu ar tjiwjiw, tawkka ar asd tffav v imzgan d tyenzar, ils uhanu ns gar aDu, tamttant ur n taggug. tfsi tasa n imZlaD tg aman, smunn idrimn. ku yan mad vurs illan, ifkat. timvarin smunt urv d izbgan. awind aDbib mqqurn v tmazirt yaggugn.
_ xtad a aytma d istma tmmut. ad awn ur tctta tivrad nnun, nkki ur as ZDarv i yat. mqqar ur nsn man wanna rad izwur, xtad tumZ avaras n ismDal.

ddun awind lfqih n tmzgida mqqurn, yamZ aman n marur, ikms t n igasn tamukrist, isrs tn i TMMARA f ignzi ns, ivr fllas tibixxa, iffi fllas aman n tmijja, tnkr TMMARA ar ttida. fjjijn imZlaD, tssudm t n TMMARA yan s yan, tg asn imnsi axatar, illa utci v kra igan anaw, illa uhidus d uhwac. ssutl n as imZlaD ar asn tsawal, RZmn imzgan, aln d imi, ar as ssfildn.

kud tsawal ar ttuff, ar ttazzg txssa ns. tffid tuwda f udvar, midn kcmen t n tkSSad ar trgigin ar tturrayn tivrdin. tbbaqqi TMMARA ig unlli ns izlallayn, kcmen d iswingimn n imZlaD, tg txssa ns ivd, tut yat tmjiwjt tssfsit in v ignwan. asin imZlaD iswingimn n TMMARA ar ttidirn.

Abdellah sabri
sabrinegh@yahoo.fr

azul gmatengh abdellah sabri

ight nit tennit a gma, tammara ad asn tga.
macc nekwni tammara tga tingh, ng tarwa ns, ur as nkka mani, nirriyt nigh nugi.
urrast najji ad tekwiz akal, iswingim ns iqqand aten nasi, nettn in as ragh n nttidir.

tanmirt a gma

Tanirt a écrit:

Merci Itrinit pour cette Nouvelle de Abdellah Sabri!
Un style bien bâti et bien ficelé dont j'ai beaucoup apprécié la dimension philosophique!!
Abdellah Sabri!!
Itrinit!!

merci Tanirt
j'ai oublié de signaler que Abdellah Sabri est membre du site Art Amazigh, inscrit sous le pseudo: alla sabri
un lecteur assidu de notre site.

Tanmirt alla
:fleur: :fleur:

AZul amddakwl Olla


tnkr taqquRt ssntin iwaliwn, ayt ivRm ku yan d mad ittini, ar tmunn gin tigrurin ar tmraran awal, iswingimn ggutn,

Vemkad akkw gan aytddarnv ar saqqurn s tirni yan ur a issflid iwayy ar ttigutn iswingim yimzhi unlli tpi ullu skcm ulli amya ur illi
awa imzladh iv sisn iqqel yan rad tin ffin d wasif is ttum Tcigivara mad as skrn imzladh ur yadlli nnan tallunt d uvruc ad tnid ismun.
d