Dda’Oli sunfu Hommage au grand poéte Ali Azaykou

Dda’Oli sunfu

Turit agwmmay zwarn,
prdhid altu nekki, ils yi,
lsav t giti igl fvnit ;
turtit n irafan a vd akufv.

Mamnk d smanik ad itmmtat umdyaz ?

Tuga itnuccugn g umalu,
d immvin jar n takat d umsay
g idh ismraran amadhal ad as adrn
buhn itran mkda ran

Managu d mani jjun immut umdyaz ?

Nnan tmmut a Dda’Oli!
Tsult giti nsul gik
yat tguri nk tsmdadi ajarif ;
asusn isasan i malxf.

Max id bab n tguri imsadn ar tmtatn ?

Wid innan tmmut ivwitn ungaz ;
s tawda ur asn izray waggaz
imal nsn irza s ulzzaz
azigi n tkrkas ig ad akwzaz.

Is ur igi tarwla ad immt umdyaz ?

Yan d ildin asqsi v imi n uznzum ;
sslkmnt i uderdhur istan.
Yan d izzugzn amanar
isakt f udrval ifaw

Max ur izmir ad innru tamttant ?

Aggwi d a Ddaoli Smaql
v imakrn n umzruy,
tawda tzdha tn d ubray
antl a sa tllin v usray
nnan tmmut ig umiy

Mamnk ad immt waylal n takat ?

valn k ahyyadh idhfrn titbirin,
vint iruh idh rad k in gis ttun,
taf ilmma hrima-uzalim isgun
siv assid a tgit trzit asn asirm.

Dda’Oli ur tmmut sar nk
Mad ur tssent :
ayda tirirnt walln ik
d issufa smrvanin
lli tsmktit sar xsin.
Wan tn yukin
ig asmam
sun d v uglmam
kkisn akmam.
Amud n immi d immi k
vin f itters gin ajjig
mqqar llan f uvaras dufn t
sar t ilkm gara fus
Dda’Oli sunfu …..