"Ixf inu" tamdiazt n Brahim L3sri Amazigh

Admin Messages : 737 Date d'inscription : 16/05/2008 Localisation : France

Ixf inu

Ixf inu
Hayyi n a ixf inu
Ngaraɣ ditun
Hayyi urriɣ n

Ad ur tnqqat ussan
Mad akʷ igi iɣ kmmln
Nɣuf s uṣmmiḍ
Ar ntrgigi ɣ ijawwan
Tafukt tṣmmiḍ, trkuka trmi ussan

Tafukt trmi
Ur tra ad aɣ d lkmmnt
Tkṣuḍ ast nẓm s iḍuḍan
Tkṣuḍ ast nssismiḍ
Ad as nkks imkraḍ nsslstn i wuccan
A ixf inu
Ar nzznza
Ar nssaɣ
Ar nttakʷr
Ar nttaḍr
Ar nttaḍr
Ar nssiwid a ixf inu

Hayyi n a ixf inu
Hayyin
Hayyi urriɣn
mqqar ak grwln ussan
Isgʷasn an tkkit
Sllawn ijddign
Nzant tmariwin
Kkaṭṭin inrfal
Mmuddan izmawn
Nufln irgazn
Mmuddan ad lkmn tanirt
Atn ur ikkat ukuray ijjawn unamir
ɣ tmzgid n ḥmad aḥḥram

Man tkkit ?
Ayhayya nk ayhayyan k
Illas ubrid
Rmin inmmuda tawada
Kkisn irafan s ulus s tiḍḍa s iriyz irkan
Man tkkit

Hayyin urriɣn
Urriɣn
Mac ur ak nzznz i willi inzan
I tfullusin isguṭṭan
I willi issaɣn ar zznzan awal
I willi issaɣn ar zznzan akal
I willi issaɣn ar zznzan afgan
I willi yanɣ ittlggamnin ussan

Brahim L3sri Amazigh.

Admin Messages : 737 Date d'inscription : 16/05/2008 Localisation : France

L'auteur du poème Brahim L3sri Amazigh n'arrivait plus à accéder à notre site ( problème de mot de passe), ce qui explique son absence du site, j'ai donc posté son poème à sa place, et son souci technique étant réglé à présent, il est de nouveau parmi nous, re-bienvenue Brahim dans cet espace et merci infiniment pour cette beauté poétique qui marque ton retour ici! amour

Invité

Azul Tanirt

Tanmmirt f tmdyazt ad iziln llid tuznt s ida yad
Ayyuz i umdyaz Brahim Laâsir Amazigh
Amazigh ur irzi ur irmi ur inzi mqqar ibda d ixf ns is ka ira igh yaggug f ufkka ns slawnt annli ns ad isawl s ul ns yara s urin ns awal lli igan zund win unafal d win tazzant acku tiddt ard ttffugh gh imi n unafal dw azzan!
Tanmmirt
tssusm tmdyazt ad
Ar tayyad
Ujjigh awen afulki d ufra d tumrt gh tudrt
gwmatun zalhoud tajdigt

» ijawwan n tayri ungal amaynu n brahim l3sri
» yuba z wikipedya s tacelhit: http://incubator.wikimedia.org /wiki/Wp/shi/Yuba
» Tamdiazt ! Poeme !
» tamdiazt (( tifaout n tayri) gh tafraout