ijawwan n tayri ungal amaynu n brahim l3sri

ur ssengh aytmatn ngh d sttmatngh n usrir ad n tskla is ghran ungal amaynu lli hra-d issufgh gwmatngh brahim l3sri s ism n "ijawwan n tayri", wanna-t ur izêrin iqqan-d ad-t izêr, igher-t rad nn gis yaf yan wanaw yadên n tirra g usays n wallas amazigh, iggr gis i kra n tmukrisin n trbatin d tayri gr i3rrimen g uzmz ad gh tmdint tamazight zund agadir, irz^a kra n itabutn, irzêm kra n igwdlan lli s ur nmyar ad sisn nkcm ula ad fllasn nsawal g tmazirt ngh, s yat tutlayt ifssusn ifawn. nzûzêd ad sul fllas nsawl g usays akud nna-t ghran aytmatngh.

Azul fellawn

Menck ayad izrin righ ad awn aragh mac, imasn inu ur gaddan, ghilad gh zêdârgh ad adrgh f iskkiln n urdinatur, Hayyi zmmigh ism inu darun.
Tanmirt i umddakwl Usus Munatas, tanmirt i imawasn n ufurum ad f iwaliwn nnun mmimnin lli s tulghm ungal ad. Irigh igh urta ilkm Mas Zalhoud d Massa Tanirt, ad yyi mlin man tagharast s zêdargh ad asnt sselkmgh, afad ad yyi inin mani gh yunf udêrf ? mani gh a zrrân is ifergh ngh d is yughd. Ilkm uzmz ghik lli s nttwara idêgam ad nsku (nbnu) takafut ngh tamazight. Ad nffrn idls ngh, nml i wiyyâd mas numz acbar. ndder urd aghar gh wafatn n idrarn mac ula gh tûzzûmin n tmdinin
Tanmirt aylli gh tnnuzêm asdrm ad s ils amazigh. awal ngh zund akw iwaliwn n umadâl ur iga aghar maf nttmagh s iwaliwn n wiyyâd. Iqqand ad ig imis ig ammas n tamaght, urd tin ifasn acku izritt uzmz, urd tin fils acku artnt ittawi wadû, mac tin tirra, nttat kad izêdârn ad agh d trar s umzruy, teg agh ism mqqar yad nlul. Drusn sul midn zud kwnnin lli ssen mas d asgudi n iskkiln s wawalngh, masd tirra ad igan : taskla, tasrit, tanbatt, ... ad inigh akw tudrt. Ghik lli s as inna igllin n ugwrram Azayku : Awal ngh ad agh igan igh immut, nmmut.

Hakwnin ghin
Tanmirt
Ar tayyâd
AmazighLB.

tanmirt mass brahim amara mqqurn, "ungaliste"! fulkint tguriwin lli tnnit ifalki gik uggar lligh trit ad tsslkmt i imddukkal ngh g waggur ad nna ur ighrin ungal nk adlis ad iziln! ar gik ssimghurgh takrrayt lli tkkatt f tskla n tmazight d unzgum lli gik illan afad ad tbughlu! tanmirt bahra lligh-d tuggit s aytmak imdyazn id bu tirra gh waggur ad.

Ijawwan n tayri est plus qu’une histoire d’amour dans une ville amazighe (berbère). Izîl est le héros principal du roman, amoureux d’une façon platonique de Tilelli. Durant ses années lycée, Izîl a souffert de l'indifférence de sa bien-aimée. Izîl finit par abandonner ses études pour travailler sur un bateau de pêche. De son côté, Tilelli, belle et séduisante, continue son chemin de vie de fille bonne vivante. Après quelques années, Tilelli, enceinte de son cousin, quitte la maison parentale pour se réfugier chez Izîl qui habite dans un studio (talbertoucht) d'un quartier populaire d’Agadir.

Ijawwan n tayri est un roman qui transgresse des tabous, non seulement celui d’écrire en langue amazighe mais aussi celui du sujet choisi : la cohabitation, le concubinage hors mariage d’un garçon et d’une fille, qui plus est, enceinte d’un autre, dans une société qui réprouve ce mode de vie.

Ijawwan n tayri nous présente une littérature romanesque amazighe cette fois-ci dans un contexte citadin afin de montrer à ceux qui ne veulent pas encore l’entendre que les Amazighs existent aussi au pied des montagnes et au-delà des tapis de l’Atlas. Ils seront encore là pour appeler le soleil tafukt, la littérature idls et la musique azâwan.

Source: mondeberbere.com

azul aytma d istma
tanmirt i gmatengh Oussous llid igan angal amynu "ijawan n tayri" n Brahim laasri.
ayyuuuuz i Brahim laasri.
s tidt, urta ghwrigh angal ad, mac ratt ghergh gh ussan ad, ukan urrighd att nfern.
ghilad righ akka sawelgh f "la couverture" n ungal ad, llid itga ultmatengh tanirt.
s usmmaql izwarn, arn nttafa is ibDa f sin igwzman , nighd 2 idgharen: yan isggan, d yan ifawn.
walli isggan, iga ijawan, acku ittyara fllas: ijawan
adghar lli ifawn, iga tayri, acku ittyara fllas tayri, mac adghar ad n tayri, tlla gis tawllaft n yat tawtemt, yusin ahlig, tswala tighwurdin i tillas d ijawan, tadr i ikhf, zund igh thecem, nighdd ist sul akw ur ihemma yat, urt issihl amr ghayllin illan gh ugens n uhlig nes.

isqsiten llin bahra bahra ur ukzegh ganten:
1- makh lligh ikwla Brahim Laasri tawtemt ad lli illan gh udghar n tayri s usggan, izd is ira ad inna han tawtemt add ikka lhal, hann nttat ad issisgin tayri mqqar tfaw, nttat ad ittaln tamjiwct d ijawan?
2- mani iwala urgaz nttan? izd ghinnagh bbaqqin ijawan n tayri, art itffagh urgaz, ur asul itsul gh mnid nes?
nighd argaz ad isn akw igD gh tillas n ijawan, aylligh at sul ur nttannay?
nighd argaz nit ad igan ijawan, ghinnagh tella tayri art issisgin, isseDlu tawllaft n tawtemt gh mnid n wiyyad?

sengh is rad iyyi inna Oussous, igh trit ljawab isqsitn nek, zayd gher zwar angal ukan turrid.
mqqar,
iqqand att ghergh

tanmmirt nk a gma Brahim Laasri f tawwuri yad nk
ayyuz a gma

azul fllawn timddukkal d imddukkal

Ghrigh akw dagh aylli turam f ungal. Issusm bahra an yaf yan, yan unazûr mqqurn zund Itrinit ad ifrn gh twlaft immaln ungal. Tsduqqrt taggurt mac ur tkcmt, tksûdt an dagh taft kana d istmas ? lol. Idls lli s ntwarga iqqand ad ighus yarud zgh ihckuln d ibbackarn n tjrrumt lli ur ittajjan id bab ns ad ayln s iswingimn ns d twarigiwin ns ar nnig n 14 n ignwan. Idls ngh iqqand at iffagh ttâlb iccan akuray i Unamir acku ighwma ahênna gh ufus. Idls ngh iqqand at nssimim i tarwa, at hêmln ad fllasn ur ig bzziz, mad iga igh agh cbhên, zzêmun agh, ttighughizinagh, nrzm i waman s tkssâd... afad an nssn, nhêsu lâh amya. Han ur ttugh a Itrinit isqqsitn nk ittyagaln ! mqqar yad fllasn trurt s krâd iwaliwn nk : urta ghrigh ungal ! Mac izêri nk n unazûr " tannayt mzzîn : tazûri nk n ugrtil d ukccud ttyagal ukan sul gh uhânu n iwi Amazigh" Hayyi qqngh asdrm an lli rzêmgh. Nnigh izêri nk n unazûr inna uggar n aylli yusi usml ngh tifrt izwarn n ungal, inna t s yat tgharast immimn, izêri n unazûr ur irwas win kuyyan. Ncca akuray urd imik aylligh sul ur nssfaw abla kana d istmas, inna d id lallas, ncca uggar nk, aylligh d nghama nmzalal aghar s yat tît, izêri nk kiyyin izêra aylli zgln wiyyâd. Aylli s tnnit mas d tamghart tcca mas, tdêla, argaz intl tssntlt tmghart zgh ijawwan. Mayad illa gh umdan ngh lli gh isgldi uzêrf n id wansâb d âin tighrad, d kana d istmas d uqbil n innas. Igh tghrit ungal ran taft aghrram n isqsitn f tmghart, f urgaz, han ad fllak ur iffi ! isqqsitn myagaln d tighri nk izwarn f tifret immalan ungal ! ur ad ak sawwalgh f aylli urigh, acku ur iga tamyurt dar imazighn ad sawwaln f ixfawn ns d twurriwin ns mqqard s gar. Zûzdêgh ad tghrt ungal tcbhêt agh gh ghin a nagh t gis ur nkkis, tinit aylli tzêrit s wawal n darngh. Ssi Itrinit issusm yyin bahra mkda s ttarat s yat tgharast ifssusn bla tkka akal, ula tssuda ignwan. Awal ngh ur as nri ad izri gh gar abrid gh izri wawal aârab! ur d iqqan ad nttêfur aqbil n kana s urwas. iqqand ad nssn ma mmi nttara ? tutlayt ur ittyran tmmut d tutlayt ur ittughran tghri, tmmut gh d nttat. Ur yad nga yat ar nssigut aggwatn f wawl ngh. Tallast nk a si Itrinit tussi ammak ad, tutlayt ifssusn innan ur d imik. ar ttawk imzgan i willi ittaran s tmazight ad angh ur arun yan ughwzn zund win kana d uqbil n innas n innas !
Rad yini yan yaqrn iwaliwn ad ghwad nenna is rad agh isawwal f ijawwan n tayri isfrgh agh awllu s dar kana, uhuy is ka nksûd ad agh d tlkm timjiwct n kana, d ijawwn n kana. Yan uzmz ssfldgh i kra n imazighn ur yaqqran abla s tàrabt ar sawwaln f ism alala, ism alhayaa, lmafàul, lmansûb, nnigh d ixf inu ay nswat sul. rad agh d nit dagh iqqan ad nall tagitûnt i wawal ngh, ar n nsdûlu izi igh n idêr gh kra n lkas. Ar nttlli s waqqa asggan lli ijjjin kullu timudân. d igh illa kra n unckkl gh wawal ngh iqqan d ad nara kra n tbrat s ghilli aghd aqwlayn ijawwan ad nsaqssa ayt lkufa d ayt lbasêra d tayisi (lwarata) n igllin Sibawayh. Ssi Itrinit gigh n srk udm n Dihya d Lbaraka n willi k icbhên igh agh d ur tssufghd gh mad yazên yan ungal f illis n tsukt an lli igan kana. Hayyagh nqql srk
Ultma Tanirt,
Ssurf yyi yumz yyi Itrinit s tjmmaàt f tahêramt lli ns da f tcbhên, iggammi ad yyi sul irzm, sligh t id nnigh ad as sawlgh f ungal lli mmi ighra tifrt ns izwarn, afghd ixf inu d id wansâb, ar yyi n ukan sul ittawk. Rzmagh ak ur issrbêh rbbi ula kaana nk.
Nnigh am han urk m ttugh, mqqard yad kkigh darun gh Brayr ad izrin, han ur sul dari tansa ula ttilifun at nnun, d Winfus inu ijla gh taylalt, ttught gh ghilli gh a srusn aryaln. Ikad ata sul ur nnargh amar i imdla d ibrgwmma n darun. Righ ad am inigh ungal rad km in ilkm. Azn dagh yan email, ad am n fagh ism d ttilifun n walli rad am t ikf. Tanirt aylli tskart issusm bahra ad ur tbidt mqqar a tssrmay twada, igh ur yukz yan aylli tsalat. Ssngh km urta tmzzêli tifawt, tusit acbar, is nnigh is t tsrst, mac turri d is bahra yakw tssughdt tawada nm, ad angh ur ttutt Tanfzawit, ssngh is t urt ttut ist akw tgit. Igh km in ilkm ungal, tfrnt, tzwit, tezdt, awr imil iffagh d gis kra n mas nttanf i tgharast n istmas n kana.

hakwnin dagh ghin
Ar tayyâd.

Amazigh LB

« ijawan n tayri » n Brahim Lasri Amazigh

Trgha tafukt, irwas is d taZe akal, iswak n ugadir zwan, ard itSuD kran waDu ibberbrn gh mnid n udrar. Mdden lah-tn, ku yan d mani gh an itelli s uzuzwu, kra yufat gh tgemmi, kra yufat gh taghart … dda muh itthid talmaqrajt-ns ad iTTuDa gh nnig n TTrutoir, wakha yas ighers kra, yazut. Imik had yat thunDat tumlilt, tugert taqqurt ns.
- bdd za ad nsaqsa aghanim ad awr imil issn mani gh illa.
Tggwzd yat tfrukht zund ayyur, aDu ihiyfn yull as tawenza ns, baqqind krd isura n tidi (l3rg) gh igenzi ns. Sserwal n djin-lli tlsa ur ifl i tfiyyi-ns mani gh ar tsunfus. Kradt tjerrayyin lli ur iqqen ard ssaggwant ardadn n tdmarin ns. Tkwnan s dda muh, tini yas :
- surf iyyi a gma akk saqsagh, mani ghid izdgh yan uctuk, ar as ttinin « izil »

« tilelli » a yadd yuckan, ar tsiggil « izil »
Matga « tilelli » ? masd tucka ? magh tsen « izil » ?
Manid kkan « ijawan n tayri »

Mayad illa gh ungal « ijawan n tayri » n Brahim Lasri Amazigh. ghratt, hann urrakn tigwriz.

Ghwrigh a gma angal nk « ijawan n tayri », alsgh as, alsgh as dagh, ifulki bahra, ifssus, immim, arnn ittawk yant issentat, ar ittamz yant yaqran.

Urra fllak skkarksgh, ighama giti « izil » igellin, ar ukan sul gis swingimgh, ikut is izdar add ifgh gh tmjiwjt an lligh tin tluh « tilelli », ikut is izdar astt ittu nighd uhu. Ur ghalgh. Icqqa ukan igh kullu tutt ghanckkan n tmmara, yasi kra lbaliza ns, ifl akd yat tenfult innayk gis: ttu iyyi. marrad ittu? Lehdert ayad a tilelli ?

Ssusment iyyi tizidar n "izil",
tssusm iyyi tafaska n "ijillij", ur sengh is sul illa gh uzemz ad marrad ibid d umddakl ns zund ghemkan isker "ijillij", ar as tinigh ayyuz.
"Tilelli", ur ast lammagh, acku tga gh wanaw n tferkhin lli ur issen mad tra, ar tmagh ar kigh tufa kra n tghawsa, terzm as nit, ar dagh tsigil tayyad, anaw ad ar itgga zund tamuccut lli igwmern tammurghi, annit tnnit is tumz kra, s ighn dagh tsers aDar f tayya, tffarri talli izwarn, ad ukan truh tafukt, tafnn agayyu ns ur tumz mqqar d yat.

ayyuz nk f ungal ad

managu tgawarn midden agh fern, tizi nnagh illa imendi, igh illa mad fern. Ukan ad nfern yan ungal ad izzayn, lli illan gh uswir ad, lli yusin tugtt n wammakn, iqqand ad nit imun ufran d yan frrrrr n watay, iqqand annit sers nggawr, nzzel as iDarn lli s nnant khtilli rragnin.

Yan mennaw iseqsitn:
1- mmagh ad issangh man azemz gh tzri tallast ad n tilelli d izil, ggamigh att afgh, izd isggwasn ad nit llid yazn, nighd mann yaggugn? Achku gh tifert p 29: tnnit “kuyan irad ig hjji”, hjji hann illa ukan sul. Mach gh p29 nit dagh, tnnit: biselman ar ittasi tasukt: sargala, sargala. Ur sul ghalgh is asul tenzza tasargalt gh iswak n ugadir, tkkattin yadli, ghilad ur sengh. Ula htta gh p34: tnnit: “attin ickkem dar imkhznin”, ikkattin merda isugr gh ugadir, art akw nttiksud.
2- Menckk usgwas ad illan dar “izil”, menckk usgwas ad illan dar “tilelli”, menck ad negaran, menckk ad ur tmenzran 3ad addagh miqqirn. Acku afad ad nfhem le comportement des personages, iqqand ad nsenn man azemz gh llan, tafrukht n 18 ur tgi zund tin 25 ula tin 30 usgwas.
3- ur tella tgemmi nna tfugh television, nttat ula lportable. Izd 3enwa ad ur trit ad tswwurit s lportabl comme accessoire, nighd tallast tezri urta d iggwra lportabl?.
4- Mas tssen “tilelli” zgh ayyur izwarn is attaru?
5- makh lligh jjun ur tswangm tilelli gh isseghri (avortement)?

ra ssul nSSenDer yan mennaw iwaliwn gh mann ur yaggugn.
tanmmirt f ungal ad nk, nzuzd add ikk wayyad dat, d gh mann ur yaggugn.