is ittyara flla ? (taieb amgroud)

is ittyara flla ?

ittyara flla
ad allagh
ar d nttagwm aman
gh idmarn,
ul inu, tasa
ngin f udm nnagh
ssugwtgh amTTa
tasutin ayad mutrgh
taghbalut inu tqqur
jdrn igran ngh
mqqar allagh a tiTT
aman aggugn in ul
ur sar ngin ad d slin tussagh d udm nnagh

ittyara flla yiwiz,
igh gnn mddn nkrgh
igh d nkrn ngn
mac anuddm ur ar t Zrragh
ar ka ttgriwilgh
izug iyi ...
ugayyu
igli s unlli, ingi
istara igllin
iDgam, d wassa d imal
inna yi gn, nkrgh
azzlgh s tifrtt nkrz
asnti d tgirit
ar tnt nTTay
ntmmu d ussan
ar jllun
ar tn ntsttaf
wwann izrin izri agh
ur ar d iffal i unlli
amr ighzran dranin
ighza ungi gh ul inu
izmuln d tZrmin
n ingaZn
tiguDiwin
tayri
ZZlD n ufus
ar smmndugh ussan inu
awdgh i gar
ar snfurrigh a ul inu
asyafa ngaran
iyi idammn d iZuran
yuf yan ad gn yan
ad ig ddu taytt tawllit ns
yadr i tiTT
imma anlli da iswngimn
inhabbar d ussrn
izrgan ns
tughmas irZa tnt
Hrjnt iyi t iswngimin
ibdd wawal
gh ubrid ur igi ad d iffugh
ur iri ad nn gawrn.

ittyara flla wassagh
ur ar id grran
ghran iyi sis mddn
bzziz ad i iga ssngh
ass nna ufigh ad t snflgh
ntta ad rad zzwuragh !

ittyara flla ...
uglulu
ils inu iga annur
takna, afna n imkkasan
da i iZrran
s iZri aknnad
ur qqln amr ad i mDln nkk
bDun aynna d flagh
kkisn i gh zzmam tkk nn
tbdrt n yan iran ad i yaddr s usga ann...!

ittyara flla unZar
ar as ttZallagh
yunf iyi zrin agh
issu nn asga ann
walli s iyi nnan jlan
almu ssant aliD

ttyarant flla tkwmam
imi lli n wawal
nkkni nZli t i ughrum
igh icca ign nit

ittyara flla
ugwdal n unlli
inwa issuss igwmma
inu
agwdal irgl sul

tettyara flla trgagit
hrbub ad gigh nkk
igh ka sllagh i ignu
dlgh, nrgl nn, gngh nkk
gh tissi nu tasutin
ass nna gh d nkrgh
afagh d tagrst tafuD
tifski ad d yiwnn
ircm qqawc tuzunin
igran agh bnghln
ummrn ijjign d taddagin
ttaDngh dagh ul
myargh tillas d tguDi
igh ummrn mddn aHlgh
igh iZggwagh flilu
flujjun igran ngh...

ittyara flla ad ttalghegh
ixf inu
rgmgh mddn
mmaghegh f imawn
ad qqnn drghln
mddn ad ur ssaggwn
tifawt
tafukt nHba tt inn
nntl tt s tallunt
yan iZrran ad Zrran
ixf ns
ifrn ixctar
i unlli d wul ns...
Taieb Amgroud.